Соочување со предизвикот на службата од куќа до куќа
1 Идејата да се оди од куќа до куќа, да се посетуваат непознати, претставува вистински предизвик за многумина кои го прифаќаат чистото обожавање. Но вистинската љубов кон Јехова ни помага да се соочиме со овој предизвик, па дури и оние кои по природа се многу срамежливи напреднале до тој степен што станале полновремени проповедници на добрата вест.
2 Од Библијата е јасно дека првите христијани ја споделувале добрата вест на Божјето Царство, одејќи од куќа до куќа (Дела 5:42; 20:20, 21). Како христијани во 20. век, и ние учестувуваме во тоа дело. Нашата љубов кон Бог и спрема ближниот нѐ мотивира да го вршиме ова дело иако можеме да се сретнеме со рамнодушност, лутина, презир или директно спротивставување.
3 Што се постигнува со соочувањето со предизвикот: Секогаш кога ќе навратиме, се трудиме да посееме неколку семиња на вистината, знаејќи дека на крајот, конечниот резултат може да биде раѓање на плод на Царството (Проп. 11:6, ДК). Околностите на секој поединец се менуваат. Може нешто да се случи што би можело да го натера станарот да размисли за она што некои од нас го рекле на врата, и следниот пат може да биде поприемлив.
4 Нашата служба од куќа до куќа им дава прилика на оние кои се наклонети кон вистината и праведноста да научат за Јехова и неговите намери, и таа ги поставува на патот кон вечен живот. Оние кои тежнеат по световни задоволства на тој начин се љубезно предупредени дека треба да се променат за да уживаат Јеховино одобрување. Оваа служба исто така го објавува Јеховиното име и му донесува чест, без разлика дали станарите слушаат или не (Езек. 3:11).
5 Работењето во службата ни помага да ги развиваме плодовите на духот, како што се несебична љубов, радост, мир и долготрпеливост (Гал. 5:22). Ни помага да бидеме понизни и сочувствителни затоа што вклучува правење на добри дела за другите. Ако сме вработени во Јеховиното дело, тоа служи како заштита од светот (1. Кор. 15:58).
6 Помош за соочување со предизвикот: Новите треба да научат како да учествуваат во ова многу возбудливо дело. Ним често им недостига доверба и затоа можат да се обесхрабрат при самата помисла да одат од куќа до куќа. Со нив можеме да разговараме за вообичаените приговори и за тоа што би можеле да одговориме. Можеме да вежбаме користејќи ги одличните предлози во книгата Расудување за да одговориме на приговорите чија цел е да се прекине разговорот. Зошто не се понудиш да им помогнеш да се подготват за службата на проповедање? Тие можат исто така да добијат голема помош ако редовно присуствуваат на состаноците за службата на проповедање и ако потоа работат со поискусни објавители. Соработката со некоја група може да биде многу зајакнувачка.
7 Додека одиме од куќа до куќа, ја имаме предноста да го претставуваме нашиот Бог, Јехова. Која поголема чест би можел некој да ја има отколку навистина да биде Божји соработник? (1. Кор. 3:9). Ако имаме доверба во него, неговиот дух ќе ни помогне да се соочиме со предизвикот на службата од куќа до куќа (2. Кор. 3:5).