Собраниската студија на книга ги унапредува образовните активности
1 Собраниската студија на книга игра битна улога во образовната програма на Јеховината организација. Студиските групи се распрснати низ подрачјето, што им олеснува на сите да присуствуваат. Кога има студија во нивното соседство, интересентите можат поспремно да прифатат покана да присуствуваат.
2 Направени се напори секоја група да остане мала. Тоа му овозможува на водителот лично да му помогне на секој поединец. Сите не учат со иста брзина. Ако некој има потешкотија да разбере извесна мисла, и покрај тоа што го проучил градивото однапред, водителот може додатно да дискутира за тоа после студијата. Освен тоа, во помала група има повеќе прилики да се коментира и да се читаат библиски стихови. Дали придонесуваш ти за дискусијата така што редовно коментираш? Се обидуваш ли да одговориш со свои зборови? Твојата спремност да учествуваш може да ти користи и тебе и на другите. Додека се подготвуваш, искористи ја својата моќ на забележување за да распознаеш како можеш ти лично да примениш извесни мисли од градивото (Евр. 5:14).
3 Со посматрање на методите на поучување што ги користи водителот на студијата на книга, можеш да научиш како да водиш домашни библиски студии на поинтересен и попоучен начин. Откако оспособен брат ќе го прочита пасусот, се дискутира за прашањата. Водителот на студијата ги охрабрува сите да зборуваат доволно гласно. Колку што дозволува времето, тој настојува слободно да коментира во врска со цитираните стихови за да ни помогне да разбереме како се применуваат. (Спореди Неемија 8:8.) Понекогаш, тој можеби ќе додаде свои кратки појаснителни коментари или ќе употреби додатни прашања за да дојде до клучна точка. Некој пример или илустрација може да ни помогне да видиме како се однесува на нашиот живот таа информација.
4 Посетеноста на состаноците на некои Собраниски студии на книга е прилично мала. Дали присуствуваш редовно ти? Ако не, пропушташ важна подготовка. Подготовката за студија на книга е еден од начините на кои Јехова ја покажува својата грижа за нас (1. Петр. 5:7). Тој сака да напредуваме во спознание и мудрост за да бидеме духовно јаки. Од друга страна, Сатана ќе сака да го забави нашиот духовен раст и да нѐ ослаби за да бидеме помалку корисни за Јехова и Неговата организација. Не дозволувај да се случи тоа! Нека срдечната, полна со љубов атмосфера во оваа мала група го трогне твоето срце и те мотивира да продолжиш да го фалиш Јехова. (Спореди Псалм 110:1.)
5 Состаноците за служба, кои се погодни за објавителите, се организирани на повеќе места за студија на книга. Тие може да се организираат сред седмица, за викенд или за вечерно сведочење. Водителот на студија на книга се грижи да има на располагање доволно подрачја и да биде присутен некој кој ќе го преземе водството во службата на проповедање. Состаноците за служба на проповедање не треба да траат повеќе од 10-15 минути. Водителот може накратко да го разгледа дневниот стих, доколку се однесува на нашата проповедничка активност, и да понуди еден или два специфични предлози за службата на подрачјето, или да изнесе краток приказ на актуелната понуда.
6 Водителот настојува со текот на времето лично да работи со секого од неговата група, при што соодветно ќе го охрабри и ќе го оспособува. (Спореди Марко 3:14; Лука 8:1.)