Помогни им на другите да ја запознаат вистината
1 Исус дошол на Земјата да сведочи за вистината. За да им се проповеда на другите, тој ги обучил своите ученици да бидат учители. Бил толку уверен во нивниот успех во поучувањето на другите што ги нарекол ‚јавни поучувачи‘ (Мат. 13:52, НС). Секој од нив го споредил со учен човек кои има вистинска ризница од која може да црпе. Исусовите денешни ученици користат печатени страници за да го забрзаат делото на проповедање за Царството. На пример, многу собранија имаат различни џебни брошури што може да се користат за да им се помогне на другите да станат ученици. Како да се користат овие драгоцени алатки?
2 За да започнеш разговор кој води до понуда на џебната брошура „Сигурна иднина — Како се постигнува“, можеш да речеш:
◼ „Сте се запрашале ли некогаш зошто, и покрај сите човекови напори, изгледите за сигурна иднина се прилично нејасни? [Дозволи одговор.] Библијата објаснува зошто пропаднале толку многу напори.“ Прочитај Псалм 145:3, 4. Откако со станарот си ги разгледал информациите во 6. пасус, можеш да прашаш: „Кој е навистина способен да ни обезбеди долготрајна сигурност?“ Зависно од одговорот на станарот, може да одлучиш да дискутирате за соодветни мисли од 7. пасус или да се договориш да го сторите тоа другпат.
3 Кога ја нудиш џебната брошура „Животот се состои од многу повеќе!“, можеш да речеш:
◼ „За многумина квалитетот на животот е сведен на заморен, монотон аргатлак. Што мислите дека е потребно за да се направи животот посмисловен? [Дозволи станарот да го изрази своето гледиште.] Библијата покажува дека Бог чува подобри работи за нас. Видете што вели тој овде во Откровение 21:4, 5.“ Ако е прикладно, продолжи со дискусијата со мислите од 42. пасус од брошурата.
4 Користејќи ја брошурата „Радувај се засекогаш на животот на Земјата!“, еден помлад објавител може да рече:
◼ „Би сакале ли да живеете на рајска земја како што е оваа? [Покажи ја целата корица и дозволи коментар.] Моето семејство и јас со нетрпение очекуваме да живееме тука поради она што го вели Библијата овде во Јован 17:3.“ Ако е забележан интерес после читањето на стихот, предложи брошурата да остане за лицето да ја прочита.
5 Ако користиш други џебни или обични брошури во својата служба овој месец, можеш да ги обликуваш уводите и презентациите според претходно споменатите предлози. Не заборавај да бидеш краток и да даваш позитивни и изградувачки коментари за да го подбудиш интересот на станарите.
6 Јехова ни ја дал вистината. Ние треба да посегнеме по приликите што ни се дадени за да ја поделиме со другите, и во печатена форма и во нашите разговори со луѓето што ги среќаваме. На овој начин ќе можеме да се докажеме како јавни поучувачи на трајна корист на другите (Мат. 28:19, 20).