Како ќе чујат ако не дојдеме повторно?

¹ „Како ќе чујат без проповедник?“ (Рим. 10:14). Навистина, како ќе го сфатат значењето на вистината ако не правиме делотворни повторни посети? Секое место на кое сме можеле да разговараме со станарот за пораката на Царството, заслужува повторна посета. Овој месец ќе можеме да го продолжиме нашиот почетен разговор со додатни библиски мисли од онаа џебна брошура што сме ја оставиле, а тоа може успешно да води до библиска студија.

² Ако си ја оставил џебната брошура „Сигурна иднина — Како се постигнува?“, можеби ќе можеш да започнеш разговор кој ќе води до библиска студија на следниов начин. Покажувајќи ја предната страница, можеш да прашаш:

◼ „Би сакале ли да живеете во свет во кој вам и на вашето семејство ви е загарантирана сигурна иднина? [Дозволи одговор. Потоа сврти кај 2. пасус.] Сите ние ја имаме оваа желба, иако многумина се сомневаат дека тоа некогаш ќе биде можно. За Бог, кој ветува тоа да го претвори во реалност, не е невозможно.“ Прочитај Исаија 32:17, 18 како што е цитиран во 2. пасус, или прочитај го од својата Библија. Продолжи, објаснувајќи дека ширум светот има луѓе кои веќе ја доживуваат радоста и душевниот мир што произлегуваат од цврстата надеж за иднината. Дискутирајте за библиските мисли од 3. пасус, а потоа објасни како проучувањето на брошурата може да му помогне на станарот да научи уште повеќе. Ако лицето е заинтересирано, договори се да го посетиш што поскоро за да ја продолжите дискусијата.

³ Кога ќе дојдеш повторно откако си ја оставил џебната брошура „Дали постои Бог кој се грижи за нас?“, можеби ќе биде делотворно нешто слично на ова:

◼ „При мојата претходна посета, дискутиравме за прашањето: Постои ли Бог кој се грижи? Мислите ли дека Бог доволно се грижи за нас за да им стави крај на страдањата и насилството? [Откако лицето ќе одговори, сврти кај 32. пасус и продолжи.] Бог ветил дека ќе го замени овој зол свет со еден нов што ќе биде населен со добри луѓе кои ќе бидат во состојба да живеат во мир. [Прочитај Псалм 36:11.] И вие и јас можеме да се радуваме на живот во тој нов свет, ако ѝ веруваме на Библијата и ги применуваме нејзините совети.“ Објасни ја нашата програма за помагање на луѓето да ја проучуваат Библијата.

⁴ Кога ќе направиш повторна посета откако си ја оставил брошурата „Гледај! Сѐ ново создавам!“, можеш да започнеш така што ќе ја покажеш сликата на насловната страница, а потоа ќе го поставиш прашањето:

◼ „Што мислите, како би изгледало да се живее во ваков совршен свет? [Сослушај го коментарот на станарот.] Ова што го гледате на оваа слика не е само производ на фантазијата; таа е темелена на сигурни ветувања што се наведени во Библијата. [Прочитај Откровение 21:4 и Псалм 36:11, 29.] Би сакал да ви објаснам како вие и вашето семејство можете да уживате во овие благослови.“ Ако станарот покажува интерес, продолжи ја дискусијата и понуди библиска студија.

⁵ Кога ќе наидеме на искрени луѓе кои трагаат по вистината, ја покажуваме нашата искрена љубов така што повторно доаѓаме да им помогнеме да постапуваат според она што го чуле. Ние ги користиме светите вистини што ни се доверени за вечен благослов и нам и на оние што слушаат (1. Тим. 4:16).