Барај го најнапред Царството на Бога — така што секогаш ќе принесуваш жртви на фалба
1 Оние кои го бараат најнапред Царството секогаш се спремни да зборуваат за Јехова и за неговото Царство (Пс. 144:11-13). Секој ден се јавуваат прилики да го благословуваме неговото име и да зборуваме за добрата вест (Пс. 95:2). За псалмистот претставувало задоволство да го фали Јехова, па затоа изјавил: „Со Бога ќе се фалиме секој ден“ (Пс. 43:8). Ако го чувствуваме истото и ние, ќе бидеме желни редовно да учествуваме во службата за Царството.
2 Јехова не одредил посебно колку време да поминуваме во службата, но нѐ охрабрува да го фалиме „секогаш“ (Евр. 13:15). Ако дозволуваат нашите лични околности, треба да си поставиме за цел секоја седмица да поминуваме извесно време во фалење на Јехова. Оние кои веќе го прават тоа, можеби ќе бидат во состојба да ги подредат приликите да служат како помошни пионери повремено, па дури и постојано. Оние кои веќе се радуваат на помошната пионерска служба можеби ќе можат да се пријават за општи пионери.
3 Без оглед на тоа какви се нашите лични околности, можно ли е да ги зголемиме своите жртви на фалба? Ревноста е подбудена од ценењето. Личното проучување на Божјата реч развива ценење. Собраниските состаноци нѐ мотивираат да го изразиме тоа ценење на практични начини. Блиското дружење со други ревни славители може ‚да нѐ поттикне кон добри дела‘ (Евр. 10:24). Ако потполно ги искористиме подготовките што ги прави собранието, ќе можеме да ја зголемиме нашата жртва на фалба.
4 Пророчицата Ана служи како добар пример во Јеховината служба. Иако имала 84 години, ‚не се отстранувала од храмот, служејќи Му на Бога . . . дење и ноќе‘ (Лука 2:37). Нејзината вклученост со сета душа во собраниските активности била на нејзино големо задоволство. Библискиот извештај за нејзината верна служба нѐ охрабрува и нас денес.
5 Павле препорачал ‚силните да ги поднесуваат немоштите на слабите‘ (Рим. 15:1). Веројатно постои некој во вашето собрание кој може да извлече корист од твојата љубезна помош и охрабрување. Можеби е потребно само да го поканиш да оди со тебе во служба на подрачјето. На некој објавител можеби му треба превоз или некој кој ќе работи со него. На некој трет можеби обесхрабрувањето му е проблем, а ти можеби си оној кој ќе му даде изградувачка поддршка којашто му е потребна за да ја обнови неговата ревност за службата за Царството (1. Сол. 5:14). Спремноста ‚да им помагаш на светиите во нивните нужди‘ ја покажува твојата сесрдна желба уште повеќе да го фалиш Јеховиното име (Рим. 12:13).
6 Невозможно е да се пребројат сите работи што Јехова веќе ги сторил и што допрва ќе ги стори за нас. Не постои начин да му се отплатиме за овие благослови. Какви моќни причини за ‚сѐ што дише да Го фали Господа!“ (Пс. 150:6).