Рубрика прашања

◼ Кој треба да добие значка за обласен конгрес?

Конгресните значки можат да бидат многу корисни за идентификување на нашите браќа и за рекламирање на конгресот. Меѓутоа, не треба да се делат без размислување. Тие го идентификуваат оној што ги носи како лице на добар глас во некое собрание на Јеховините сведоци.

На значката има место за името на поединецот и за името на собранието. Значи, лицето треба веќе да биде поврзано со наведеното собрание. Заедницата испраќа значки до секое собрание. Би било соодветно да му се даде значка на секој крстен и некрстен објавител. Исто така, можат да добијат и децата и другите кои редовно доаѓаат на собраниските состаноци и кои напредуваат кон учество во службата на теренот. Не би било исправно да му се даде конгресна значка на некој што е исклучен.

Кога ќе ги добијат значките, старешините треба да се погрижат тие да бидат поделени во склад со овие упатства.