Обласни и меѓународни конгреси за 1998 — „Божји начин на живот“
1 Изреки 10:29 нѐ потсетува дека „патот Господов е крепост“. Колку само соодветна тема има годинашниов конгрес — „Божји начин на живот“! Како точно ќе се развие оваа тема низ тридневната програма? Секој од нас со воодушевување го очекува она што е подготвено. Ќе бидат изнесени значајни точки.
2 Мисионери, меѓународни слуги или други кои служат на странски доделби можеби ќе присуствуваат на твојот конгрес. Во градовите каде што ќе се одржат меѓународните собири се очекува да бидат присутни илјадници делегати од други земји. Можеби ќе сретнеш некои од тие посетители. Конгресната програма ќе истакне извештаи за тоа како Јехова го благословува делото во различни подрачја.
3 Вреди да се вложи напор да се присуствува: Многу од нашите браќа во Африка доживеале тешкотии поради војната и метежот што се случуваат во некои делови од тој континент. Конгресите на Јеховиниот народ ги сметаат како јаже за спасување. Некои мораат да изодат големи далечини за да присуствуваат на некој конгрес, но сепак не би ни помислиле да го пропуштат. Еден 73-годишен брат во Демократска Република Конго (поранешен Заир) изодил околу 450 километри за да присуствува на конгрес. Тој пристигнал по 16 дена, со натечени стапала, но среќен што е таму. После конгресот, радосен и духовно зајакнат, се вратил дома пешки. Тој го практикува ова со години!
4 Во Мозамбик, еден обласен надгледник и неговата сопруга се искачувале по една висока планина и пешки преминале еден пустински предел за да присуствуваат на покраински собир. Патувањето од 90 километри го извеле за 45 часа. Сите присутни биле многу охрабрени од добриот пример на оваа двојка. Многу присутни фамилии вложиле слични напори за да присуствуваат. Обласниот надгледник известил дека некои браќа, вклучувајќи и еден кој е на возраст од 60 години, патувале пешки по 200 километри!
5 Дали направи дефинитивни планови за да присуствуваш на годинашниов конгрес? Веројатно нема да мораш да изодуваш големи далечини, но ќе бидат потребни некакви напори и жртви за да присуствуваш со своето семејство. Направи подготовка да присуствуваш на целата програма од почеток до крај. Многу библиски студенти напредуваат кон предание. Нивното присуство на конгресот ќе им помогне да донесат исправна одлука. Дали си ги повикал твоите библиски ученици и другите заинтересирани лица да присуствуваат со тебе?
6 Тридневна програма: Оваа година програмата ќе биде изнесена на една локација во Македонија. За пописот на другите конгресни локации, те молиме погледни во Стражарска кула од 15 февруари 1998.
7 Посебна забелешка: Од особена важност е да присуствуваш на конгресот на кој е доделено твоето собрание. Те молиме, не планирај да присуствуваш на некој од меѓународните конгреси освен ако твоето собрание не е доделено таму. Конгресните објекти каде што ќе се одржуваат меѓународните конгреси нема да можат да сместат дури ниту еден дел од сите оние кои би сакале да бидат присутни. Твоето лично почитување и соработка во овие подготовки ќе осигура сѐ да се одвива пристојно и уредно (1. Кор. 14:33, 30).
8 Во петок, сабота и недела наутро, програмата ќе започне во 9.30. Во петок и сабота, програмата ќе заврши во 17.00, а во недела во 16.00. Вратите ќе бидат отворени секој ден во 8.00 часот. Само на оние кои имаат работни доделби ќе им биде дозволено да влезат порано. Меѓутоа, на никој нема да му биде дозволено да зафаќа седишта сѐ до 8.00 часот.
9 Додека патуваме до и од конгресот, треба да бараме прилики за неформално сведочење. Вработените на бензиските станици, продавачите во продавниците, наплатувачите на патарини, хотелскиот персонал и келнерите може да бидат заинтересирани за пораката на Царството. Подготви се за ова понесувајќи со себе трактати, тековни списанија, брошури или друга литература користејќи ги приликите да им сведочиш на луѓето кои инаку можеби не би биле достигнати со добрата вест (2. Тим. 3:17).
10 „Пазете како слушате“: Конгресните делегати ќе бидат мудри ако го следат советот што се наоѓа во Лука 8:18. Сите се охрабрени да си понесат Библија, како и песнарка и бележник. Внимателно слушај ги клучните мисли од секое изнесување и прави кратки белешки. Запрашај се како можеш лично да го примениш материјалот. Секоја вечер од конгресот, пред да си легнеш, зошто не ги разгледаш своите белешки и не анализираш колку тесно се придржуваш за Јеховиниот начин на живот (Изр. 4:10—13).
11 Забележано е дека за време на сесиите, некои го напуштаат аудиториумот и седнуваат во своите возила, испуштајќи го изнесувањето на програмата. Било забележано како други бесцелно се шетаат низ ходниците тогаш кога би требало да седат во аудиториумот и да слушаат. Биле видени групи млади луѓе како го напуштаат конгресното место среде попладнето. Некои од Јеховините слуги од минатото направиле сериозни грешки во своите животи затоа што не ги слушале внимателно Јеховините потсетници. Сигурно дека ние би сакале да избегнеме да направиме слична грешка (2. Цар. 17:13—15). ‚Верниот и разборит роб‘ обезбеди поука која ни е потребна на сите нас. Особено е важно ‚да бидеме нарочно внимателни кон она што сме го чуле‘ во текот на секоја сесија од тридневната конгресна програма. Секој ден ќе биде истакнато нешто што е од посебен интерес за нас, вклучувајќи и информации кои сигурно ќе имаат здраво влијание врз нашиот начин на живот во иднина. Со тоа што ќе бидеме внимателни и потполно ќе го искористиме она што Јехова го подготвува во духовен поглед на претстојната серија конгреси, нашата надеж ќе биде цврсто укотвена „да не би некако да отпаднеме“ од Божјиот начин на живот (Мат. 24:45, NW; Евр. 2:1).
12 Облека која му оддава чест на Јехова: Во овие критични времиња, треба да обрнеме повеќе од вообичаено внимание за да не бидеме обземени од духот на овој свет (1. Кор. 2:12). Нашата облека и дотерување треба да бидат скромни и треба да го одразуваат достоинството на Богот што го обожаваме (1. Тим. 2:9, 10). Не се бара скапа облека за да се биде меѓу оние кои ‚ја украсуваат науката на нашиот Спасител, Бога‘ (Тит 2:10). Забележи го извонредниот практичен и библиски совет на страници 17 и 18 од изданието на Стражарска кула од 15 јуни 1997, пасуси 14—18. Никогаш не го потценувај моќното сведоштво што можеме да го дадеме со тоа што ќе се облекуваме на начин кој му оддава чест на Јехова.
13 Едно 16-годишно девојче Сведок раскажало дека, кога таа и нејзиниот брат отишле во ресторан една вечер после сесиите, забележале дека некои од браќата и сестрите кои биле таму се пресоблекле во неприкладна облека. Меѓутоа, многу гости од ресторанот поволно реагирале кога виделе Сведоци кои биле уредно и прикладно облечени и кои ги носеле своите значки. Ова го отворило патот за да им се даде сведоштво на некои од гостите.
14 Однесување кое му оддава фалба на Јехова: Знаеме дека нашето христијанско однесување може да влијае врз тоа како гледаат другите на вистинското обожавање. Затоа, сакаме секогаш да се однесуваме на начин кој е достоен на добрата вест и кој му донесува фалба на Јехова (Фил. 1:27).
15 Минатата година, во северна Ангола првпат беше одржан обласен конгрес. Вториот ден од конгресот, на местото биле испратени двајца локални полициски службеници за да се погрижат за јавниот ред. Тие останале целиот ден. На крајот од денот, тие ја изразиле својата восхитеност од она што го слушнале и од уредното однесување што го набљудувале. Едниот од нив коментирал: „Зошто бевме испратени овде? Знаеме дека Јеховините сведоци го одржуваат редот на своите собири“.
16 Еден член на некоја политичка партија во една африканска земја пребегнал во Европа кога биле убиени сите други членови од неговата партија. Тој доживеал многу лични проблеми и многу се обесхрабрил. Конечно прифатил библиска студија. Кога првпат присуствувал на обласен конгрес, бил импресиониран од тоа што луѓе со различни позадини се состануваат заедно во мир и хармонија. Бил убеден дека ја пронашол вистината, и за време на тој конгрес одлучил да ги прекине сите свои политички врски. Подоцна се крстил, а сега тој и неговите деца му служат на Јехова.
17 На кој начин нашето однесување на годинашните конгреси ќе влијае врз оние кои можеби ќе присуствуваат првпат? Дали тие ќе го забележат духот на соработка кој е очигледен кога работиме заедно како доброволци? Ќе бидат ли импресионирани од чистотата на нашата околина и кога ќе видат дека, пред да го напуштиме местото, ние и нашите деца го собираме секое ѓубре кое можеби се насобрало покрај нашите седишта? Ќе го набљудуваат ли нашето добро однесување додека патуваме до и од нашите сместувања и конгресното место? Ќе забележат ли дека, како родители, во секоја прилика ние тесно ги надгледуваме своите деца? Да осигураме да го оставаме најдобриот можен впечаток врз сите кои нѐ набљудуваат.
18 Покривање на конгресните трошоци: Влезницата за седиште на некој спортски настан или друга приредба на стадион или во конгресна сала може да биде скапа во денешниов свет. Ова делумно се должи на скапите наемнини во градовите метрополи. Заедницата секогаш имала политика „бесплатни седишта, без собирање прилози“ на конгресите. Тогаш, како ќе се платат наемнините и другите конгресни трошоци? Со дарежливите прилози на оние кои присуствуваат. Ние сме сигурни дека ти ќе покажеш дух на дарежливост како оној што го покажале Божјите слуги во минатото, имитирајќи го Јехова Бог и Исус Христос (2. Кор. 8:7). Се водеше голема грижа за да се обезбеди сите прилози да бидат сигурни, евидентирани и употребени за нивната одредена намена.
19 Седишта: И понатаму ќе важат упатствата кои се даваат со години, имено МОЖЕТЕ ДА ЧУВАТЕ МЕСТА САМО ЗА ЧЛЕНОВИТЕ НА ВАШЕТО ПОТЕСНО СЕМЕЈСТВО И ЗА ОНИЕ КОИ МОЖЕБИ ПАТУВААТ СО ВАС ВО ВАШИОТ АВТОМОБИЛ. Добро е што се виде едно убаво подобрување во оваа работа и тоа ја подигна атмосферата полна со љубов која се покажа на конгресите. На повеќето места некои седишта се попристапни отколку други. Те молиме, покажи обѕирност и остави ги попогодните седишта за постарите и за оние чии околности го бараат тоа. Запомни дека ‚љубовта не бара свое‘ (1. Кор. 13:4, 5; Фил. 2:4).
20 Фотоапарати, видеокамери и касетофони: На конгресите можат да се користат фотоапарати и опрема за снимање. Меѓутоа, кога ги користиш, не смееш да го одвлекуваш вниманието на другите. Ако одиш наоколу фотографирајќи за време на сесиите, ќе им пречиш на другите кои се обидуваат да се сконцентрираат на програмата. Никакви апарати за снимање не смеат да се приклучуваат на електричната или разгласна мрежа ниту, пак, треба оваа опрема да ги блокира редовите, патеките или видикот на другите.
21 Прва помош: Одделот за Прва помош е само за итни случаи. Те молиме, понеси си свој аспирин, средства за стомачни тегоби, завои, безопасни игли и слични работи, затоа што такво нешто нема да биде достапно на конгресот. Оние кои знаат дека кај нив постои опасност од напади, инсулински шок, срцеви проблеми итн. треба да си ги понесат со себе потребните лекови. Треба да ги придружува некој член на семејството или на собранието кој ја разбира нивната ситуација и може да реагира во итен случај, доколку се појави. На некои конгреси се појавиле проблеми кога поединци со хронични здравствени проблеми биле оставени сами и им се слошило. Ако некои што имаат посебни здравствени потреби немаат членови на семејството кои можат да им помогнат, старешините ќе треба да бидат известени за ситуацијата и треба да ги направат потребните подготовки за да им се помогне. На конгресите нема да биде можно да се направат подготовки за специјални простории за сместување на оние кои имаат алергии.
22 Храна на конгресот: Секој кој присуствува треба да си понесе своја храна наместо да го напушти објектот за време на кратката пладневна пауза за да си купи нешто надвор. Веројатно ќе биде доволна едноставна закуска која е хранлива и лесна за транспортирање. Додатокот во Наша служба за Царството од мај 1995, пасус 26, дава некои идеи за тоа што да се понесе. Во конгресниот објект не се дозволени стаклени садови и алкохолни пијалаци. Ладилниците за храна или торбите мораат да бидат толку мали за да ги собере под твоето седиште. Било забележано како некои во публиката јаделе и пиеле за време на програмата. Тоа покажува непочитување за таа прилика.
23 Колку само сме среќни што наскоро ќе почне конгресот за 1998 — „Божји начин на живот“! Дали ги заврши своите планови да присуствуваш? Патувај безбедно и врати се дома освежен, одлучен да продолжиш во Јеховината скапоцена служба и да продолжиш да се стремиш кон Божјиот начин на живот за твој вечен благослов.
[Рамка на страница 6]
Потсетници за конгресот
▪ Крштавање: Кандидатите за крштавање треба да седнат во одредениот сектор пред да започне програмата во сабота наутро. Секој кој планира да се крсти треба да понесе пристоен костим за капење и пешкир. Во минатото, некои носеле облека која не била прикладна и која одвраќала од приликата. Старешините кои со кандидатите за крштавање ги повторуваат прашањата од брошурата Основни библиски науки треба да се погрижат секој од нив да ги разбере овие точки. Крштавањето, како симбол на нечие предание, е интимна и лична работа меѓу поединецот и Јехова. Затоа, не е прикладно кандидатите меѓусебно да се прегрнуваат или да се држат за раце додека се крштаваат.
▪ Значки: Те молиме, носи ја значката за 1998 цело време додека си во конгресниот град и додека патуваш до и од него. Тоа честопати создава прилики да се даде добро сведоштво. Значките и фолиите треба да ги набавиш преку твоето собрание затоа што нема да бидат на располагање на конгресот. Немој да чекаш неколку дена пред конгресот за да побараш значки за тебе и за твоето семејство. Не заборавај да ја понесеш најновата Однапред дадена медицинска директива/ослободување.
▪ Сместување: Од секого бараме соработка во следењето на водството што го обезбедува конгресниот Одбор за сместување. Како и обично, собранијата ќе бидат известени за сместувањата кои стојат на располагање. Тоа ќе биде испратено наскоро.
▪ Детски колички и столици на расклопување: Во повеќето локации, на места за јавен собир не можат да се користат детски колички. Противпожарните прописи забрануваат да се ставаат во ходници и на патеки или меѓу редовите на седиштата. Бидејќи големите маси народ можат да предизвикаат ситуација на пренатрупаност, количките се потенцијална опасност како за бебето така и за оној кој би можел да се спрепне од нив. Затоа, ве молиме не носете колички на местото на конгресот. Дозволени се детски безбедносни седишта прицврстени за седиштата до родителите. Ве молиме, не носете столици на расклопување. Нивната употреба не е дозволена во големи јавни објекти. Вашата соработка е важна и ценета.
▪ Доброволна служба: Можеш ли да одвоиш извесно време на конгресот за да помогнеш во некој од одделите? Служењето на нашите браќа, дури и само за неколку часови, ќе биде многу корисно и донесува големо лично задоволство. Ако можеш да помогнеш, те молиме пријави се во Одделот за доброволна служба на конгресот. Деца под 16-годишна возраст можат, исто така, да дадат добар удел ако работат под водство на еден од родителите или на друго одговорно возрасно лице.
▪ Зборови на предупредување: Погрижи се твоето возило да биде заклучено во секое време и никогаш не оставај нешто видливо што би искушало некого да провали. Крадците и џепчиите го сосредоточуваат своето внимание на големите собири. Не е мудро да оставаш некакви вредни работи на твоето седиште. Не можеш да бидеш сигурен дека секој околу тебе е христијанин. Зошто некого да ставаш во искушение? Добиени се извештаи за обиди на некои аутсајдери да намамат деца. ДРЖЕТЕ ГИ СВОИТЕ ДЕЦА ПРЕД ОЧИ ВО СЕКОЕ ВРЕМЕ.
Телевизијата и видеоуслугите кои се на располагање во многу хотели честопати прикажуваат порнографски програми. Не им дозволувај на децата да имаат ненадгледуван пристап до телевизорот во собата.