Обласните и меѓународните конгреси нѐ поттикнуваат да му оддаваме слава на Бог!

Обласните и меѓународните конгреси „Оддајте му слава на Бог“ што сѐ уште се одржуваат дадоа огромно сведоштво. Овие значајни теократски настани послужија за да се велича Јеховиното име и да се подобри нашата способност да му ‚ја даваме на Господа [Јехова, NW] славата на Неговото име‘ (Псал. 96:8). Навистина, тој заслужува да биде величан поради неговите чудесни дела на создавање, кои ги одразуваат неговите прекрасни особини (Јов 37:14; Откр. 4:11).

Користејќи ги следниве прашања заедно со твоите лични забелешки, подготви се и учествувај во повторувањето на конгресната програма што ќе се одржи во текот на седмицата од 20 октомври.

1. На кој начин неживото творештво ја објавува славата на Бог, и како се разликува тоа од начинот на кој луѓето го слават? (Псал. 19:1—3; „Созданието ја објавува Божјата слава“).

2. На која сегашна стварност е претслика преобразувањето, и на кој начин христијаните денес се поттикнати од оваа стварност? (Клучно предавање „Славните пророчки визии нѐ поттикнуваат на поголема активност!“)

3. Како можеме да негуваме понизност како понизноста што ја покажал пророкот Даниел, и како ќе извлечеме корист ако го правиме тоа? (Дан. 9:2, 5; 10:11, 12; „Јеховината слава им е откриена на понизните“).

4. а) Кои три работи за Божјиот суд можеме да ги научиме од пророштвото на Амос? (Амос 1:3, 11, 13; 9:2—4, 8, 14) б) Кои практични поуки можат да ги извлечат Јеховините сведоци денес од предупредувачкиот пример што се наоѓа во Амос 2:12? („Пророштвото на Амос — неговата порака за нашево време“).

5. а) Кои се опасностите од прекумерното пиење алкохол, дури и ако лицето не се опива? б) Како би можел да се поправи проблемот со прекумерното пиење? (Мар. 9:43; Ефеш. 5:18; „Избегнувај ја стапицата на злоупотреба на алкохол“).

6. Како извлекуваш корист од новата публикација „Види ја добрата земја“? („,Добрата земја‘ — претслика на Рајот“).

7. На кои три начини можеме да ја ‚одразуваме како огледала Јеховината слава‘? (2. Кор. 3:18; ,Одразувајте ја како огледала Јеховината слава‘).

8. Кој е изворот на неоправданата омраза, и што може да ни помогне да го задржиме својот интегритет и покрај тоа што доживуваме таква омраза? (Псал. 109:1—3; „Мразени без причина“).

9. Какво е Христовото гледиште во врска со угледноста, и како може некој да одреди дали треба поцелосно да го развие тоа гледиште? (Мат. 20:20—26; „Негувај го Христовото гледиште во врска со угледноста“).

10. Што може да ни помогне да останеме духовно силни и покрај физичкиот умор? („Уморни но не и истоштени“).

11. Кои се некои од посредниците преку кои Сатана унапредува лаги, и кој е соодветниот одговор од Библијата на обидите да се поткопа нашата вера? (Јован 10:5; „Чувај се од ‚гласот на странците‘“).

12. а) Како можат родителите да го следат примерот на Исус што е запишан во Марко 10:14, 16? б) Што ти се допаѓа во врска со новата книга Учи од големиот учител? („Нашите деца — драгоцено наследство“).

13. Како младите го фалат Јехова? (1. Тим. 4:12; „Како младите го фалат Јехова“).

14. Кои сцени од драмата „Сведочи смело и покрај противење“ ти останаа во сеќавање?

15. Како можеме да го имитираме примерот што го оставиле а) Петар и Јован? (Дела 4:10). б) Стефан? (Дела 7:2, 52, 53). в) христијанското собрание од првиот век? (Дела 9:31; драмата и говорот „Објавувај ја добрата вест ‚без престан‘“).

16. а) На кои начини сме решени да му оддаваме слава на Бог? б) Во што можеме да бидеме уверени додека го применуваме она што го научивме на конгресот „Оддајте му слава на Бог“? (Јован 15:9, 10, 16; „,Донесувајте многу плод‘ на Јеховина слава“).

Со тоа што ќе медитираме за извонредните духовни упатства што беа изнесени на конгресот, ќе бидеме поттикнати да ги примениме работите што ги научивме (Фил. 4:8, 9). Тоа ќе ја зајакне нашата решеност да ‚правиме сѐ за Божја слава‘ (1. Кор. 10:31).