Како да се проповеда на деловно подрачје?

1. Кои се некои предности од тоа да се сведочи на деловно подрачје?

¹ Би сакал ли да проповедаш на подрачје каде што луѓето обично добро ги пречекуваат посетителите и каде што ретко ќе се случи да не ги најдеш дома? Можеби ќе можеш да го сториш тоа токму на подрачјето на твоето собрание. Како? Така што ќе ги посетуваш продавниците. Објавителите што сведочат од продавница до продавница честопати постигнуваат добри резултати.

2. Како може да се организира проповедањето на деловно подрачје?

² Некои собранија, како дел од нивното доделено подрачје, имаат деловни региони. Братот што се грижи за подрачјето може да направи посебни картички со мапа на овие густо концентрирани деловни квартови. Сите картички со мапи на станбени подрачја што се поклопуваат со нив треба јасно да покажуваат дека продавниците не треба да се работат како дел од подрачјето. На другите подрачја, продавниците можат да се обработуваат заедно со становите. Ако никогаш не си работел деловно подрачје, почни така што ќе проповедаш во неколку помали продавници.

3. Што ќе ни помогне да бидеме делотворни кога сведочиме од продавница до продавница?

³ Користи едноставен пристап: Кога сведочиш од продавница до продавница, важно е да бидеш облечен како што би се облекол за состанок во Салата на Царството. Исто така добро е да избереш време кога во продавниците нема гужва. Ако е можно, влези кога нема муштерии што чекаат да бидат услужени. Замоли да разговараш со шефот или со одговорниот. Биди краток и конкретен. Што би можел да речеш?

4-6. Што би можеле да речеме кога му сведочиме на некој сопственик или шеф?

⁴ Кога разговараш со сопственикот на продавницата или со шефот, би можел да речеш нешто отприлика вака: „Деловните луѓе имаат толку исполнет распоред што ретко можеме да ги најдеме дома, затоа Ве посетуваме на Вашето работно место. Нашите списанија даваат глобален поглед на тековните настани“. Потоа истакни една кратка мисла од некое списание.

⁵ Или, би можел да се обидеш со овој едноставен пристап: „Многу луѓе би сакале да знаат повеќе за Библијата но имаат малку време. Овој трактат објаснува една програма за бесплатна студија што Ви е на располагање за да ги најдете одговорите на Вашите библиски прашања“. Потоа покажи ги 4. и 5. страница од трактатот Сакаш ли да знаеш повеќе за Библијата?

⁶ Ако изгледа дека одговорното лице е зафатено, би можел само да го понудиш трактатот и да речеш: „Ќе наминам другпат кога нема да бидете толку зафатен. Би сакал да знам што мислите за овој трактат.“

7. Како можеме да го негуваме интересот на кој ќе наидеме на деловно подрачје?

⁷ Да се негува покажаниот интерес: Можеби дури ќе можеш да водиш библиска студија на деловно подрачје. Еден специјален пионер редовно му ги носел списанијата на еден бизнисмен. Кога човекот го изразил својот интерес за она што го читал, пионерот му ја покажал подготовката за библиска студија користејќи ја брошурата Бара. Била започната библиска студија токму таму, на работното место на тој човек. Земајќи ги предвид околностите, пионерот ја ограничил студијата на 10 до 15 минути секој пат. Да продолжиме и ние на сличен начин да ги бараме достојните така што ќе сведочиме на деловно подрачје.