Проповедањето ни помага да истраеме
1 Божјата Реч нѐ поттикнува „да трчаме во трката што стои пред нас“ (Евр. 12:1). Исто како што на тркачот му треба истрајност за да успее во трката, така и нам ни е потребна истрајност за да ја добиеме наградата вечен живот (Евр. 10:36). Како може христијанската служба да ни помогне верно да истраеме до крајот? (Мат. 24:13).
2 Духовно зајакнати: Тоа што ги објавуваме прекрасните ветувања од Библијата за еден праведен нов свет, ни помага да ја одржуваме жива нашата надеж (1. Сол. 5:8). Кога редовно учествуваме во службата на теренот, имаме можност да ги објавиме вистините што сме ги научиле од Библијата. Имаме можност и да ја браниме нашата вера, а тоа ќе нѐ зајакне духовно.
3 За успешно да ги поучиме другите, мораме ние самите да ги разбереме вистините од Библијата. Мораме да истражуваме и длабоко да размислуваме за материјалот. Сериозниот напор што го вложуваме ни го продлабочува спознанието, ни ја зајакнува верата и духовно нѐ освежува (Посл. 2:3-5). Така, кога се обидуваме да им помогнеме на другите, се зајакнуваме и ние самите (1. Тим. 4:15, 16).
4 Ревното учество во службата е многу важен дел од „потполната воена опрема од Бог“, која ни е потребна да застанеме цврсто против Ѓаволот и демоните (Ефеш. 6:10-13, 15). Ако бидеме зафатени во светата служба, тоа ќе ни помогне нашиот ум да остане сосредоточен на изградувачки работи и така ќе спречиме светот на Сатана да нѐ расипе (Кол. 3:2). Додека ги учиме другите за Јеховините патишта, постојано се потсетуваме дека треба да задржиме свето однесување (1. Петр. 2:12).
5 Добиваме сила од Бог: На крајот, кога учествуваме во делото на проповедање, учиме да се потпираме на Јехова (2. Кор. 4:1, 7). Каков благослов е тоа! Кога развиваме таква доверба, тоа нѐ оспособува не само да ја извршиме службата, туку и да се соочиме со сите околности на кои ќе наидеме во животот (Фил. 4:11-13). Навистина, клучот да истраеме е да научиме потполно да се потпираме на Јехова (Пс. 55:22). На различни начини, проповедањето ни помага да истраеме.