Објавувај ја Јеховината слава
1 Псалмистот објавил: „Пеј му на Господа цела земјо! . . кажувајте им ја на многубошците Неговата слава, на сите народи Неговите чуда“. Кога ќе размислиме што сторил Јехова, што прави сега и што допрва ќе направи за нас, нашите срца нѐ поттикнуваат да ја објавуваме неговата слава! (Пс. 96:1, 3).
2 Во нашата служба: Јеховините сведоци имаат чест да го носат Божјето име и јавно да го слават низ целата Земја (Мал. 1:11). Колку ли се разликува тоа од свештенството на христијанскиот свет, кое на дрзок начин го отстранило Божјето име од нивните преводи на Библијата! Многу е итно да го објавуваме Божјето име, за да можат луѓето да го повикуваат со вера и да бидат спасени во големата неволја што доаѓа (Рим. 10:13-15). Освен тоа сеопштиот мир, вклучувајќи го и мирот меѓу жителите на Земјата, зависи од посветувањето на Божјето име. Навистина, сите Божји дела се поврзани со неговото име.
3 „Господ е велик, предостоен за фалба.“ За да можат луѓето да му ја ‚дадат на Господа славата на Неговото име‘, тие мораат да ја знаат вистината за него (Пс. 96:4, 8). Меѓутоа, некои одрекуваат дека постои Бог (Пс. 14:1). Други, пак, го клеветат дека е неспособен или тврдат дека не е заинтересиран за луѓето. Ние го славиме Јехова додека им помагаме на искрените лица да добијат точно спознание за нашиот Творец, за неговите намери и неговите привлечни особини.
4 Со нашето однесување: Ние му оддаваме чест на Јехова ако живееме во склад со неговите праведни мерила. Нашето добро однесување не поминува незабележано (1. Петр. 2:12). На пример, нашиот чист и уреден личен изглед може да ги поттикне другите да нѐ пофалат, а тоа ќе ни даде можност да зборуваме за тоа колку е корисно ако се живее според начелата од Божјата реч (1. Тим. 2:9, 10). Колку ли сме восхитени кога другите ‚ги гледаат нашите добри дела и му даваат слава на нашиот Татко кој е на небесата‘ (Мат. 5:16).
5 Со зборови и со дела, да го величаме секој ден нашиот прекрасен Бог, а со тоа да одговориме на радосниот повик: „Пејте Му на Господа, благословувајте го Неговото име. Проповедајте го од ден на ден, Неговото спасение“ (Пс. 96:2).