Рубрика прашања

◼ Дали е исправно да се организира распродажба или други активности за собирање финансиски средства за да му помогнеме на собранието?

За религиозните организации е вообичаено да бидат покровители на активности за собирање на средства како, на пример, оброци, продажби, или прослави. Иако некои можеби мислат дека тие се за добра цел, со тие активности всушност се измолуваат пари. Јеховините сведоци не добиваат финансиска поддршка на таков начин.

Во вториот број на Стражарска кула, од август 1879 година, во врска со нашето одбивање да ги имитираме црквите и да измолуваме пари, се вели следново: „Веруваме дека ЈЕХОВА ја поддржува ‚Сионската Стражарска кула‘ и, бидејќи е така, никогаш нема да моли за пари ниту да бара помош од луѓе. Кога Оној што вели ‚сето злато и сребро на планините е мое‘ нема да ги обезбеди потребните средства, ќе сфатиме дека е време да престанеме да ја издаваме оваа публикација“.

Ние и понатаму го следиме начелото од Библијата: „Секој нека направи како што одлучил во своето срце, не без волја, ниту со сила, зашто Бог го сака веселиот дарител“ (2. Кор. 9:7). Кутии за прилози има во Салата на Царството за да може секој, ако сака, да даде доброволен прилог (2. Цар. 12:9). Прилозите не се измолување, ниту се даваат со цел да се добие нешто за возврат.