Да им проповедаме на оние што зборуваат друг јазик
1. Каква можност имаме додека проповедаме на нашето подрачје?
1 Исус Христос прорекол дека добрата вест ќе се проповеда по целиот свет „за сведоштво на сите народи“. Сите оние што учествуваат во делото на проповедање и поучување сфаќаат колку се важни овие зборови (Мат. 24:14; 28:19, 20). Додека го вршиме тоа дело, честопати наоѓаме луѓе од различни националности кои зборуваат поинаков јазик од нашиот. И ним треба да им дадеме можност да ја чујат пораката за Царството и да ја прифатат вистината пред да дојде големиот и застрашувачки Јеховин ден (Мал. 3:18). Како можеме да им проповедаме на луѓето на нашето подрачје кои зборуваат друг јазик?
2. Како ќе го следиме примерот на Јехова кога разговараме со луѓето што зборуваат друг јазик?
2 Имај го Јеховиното гледиште за оние што зборуваат друг јазик: За да можеме непристрасно да ја одразуваме Јеховината љубов кон сите на нашето подрачје, мораме да имаме голема желба да им помагаме на луѓето добро да го запознаат вистинскиот Бог, Јехова, без оглед на тоа кој јазик го зборуваат (Пс. 83:18; Дела 10:34, 35). Иако главно им проповедаме на оние што зборуваат на јазикот на нашето собрание, мораме да мислиме и на потребите на оние што зборуваат друг јазик и да бараме начини да им ја пренесеме пораката за Божјето Царство. Ако ги занемариме оние што зборуваат друг јазик, нема да постапуваме во склад со намерата на Јехова кој сака да им сведочиме на луѓето од сите народи. Затоа, како би можеле да им помогнеме на луѓето што зборуваат друг јазик?
3. Каква корисна публикација имаме на располагање, и како можеме да се подготвиме за да ја користиме?
3 Користи ја брошурката Добра вест за луѓето од сите народи: Оваа брошурка е направена за да ја користиме кога ќе наидеме на луѓе што зборуваат друг јазик. Постојано носи ја со себе, запознај се со неа и биди подготвен да ја користиш. За да можеш побрзо да се снаоѓаш со брошурката, обележи ги во неа јазиците што се зборуваат на вашето подрачје. Ако има литература на овие јазици, носи неколку публикации со себе за да му дадеш на некој кому си му посведочил користејќи ја брошурката.
4. Како би можеле да ја користиме во службата брошурката Добра вест за луѓето од сите народи?
4 Ако во служба сретнеш некој што зборува друг јазик, а не си сигурен кој јазик е тоа, прво покажи му ја корицата на брошурката. Сврти на картата на светот на внатрешната страна од корицата, покажи на себе и на земјата во која живееш и замоли го да ти покаже од каде е тој и на кој јазик зборува. Откако ќе го дознаеш јазикот, сврти на содржината, најди ја соодветната страница, покажи му ја на станарот реченицата со масни букви најгоре на страницата и потоа дај му да ја прочита пораката. Откако ќе заврши, дај му трактат на неговиот јазик или покажи му ја реченицата обележана со сива боја, која вели дека си спремен да дојдеш пак и да му дадеш публикација на неговиот јазик. Потоа покажи го изразот „моето име“ напишан со масни букви и јасно кажи си го името. Покажи на „Вашето име“ и почекај да ти одговори. Договори конкретен термин кога да го посетиш повторно.
5. Која е постапката кога ќе најдеме заинтересирано лице што зборува на друг јазик?
5 Како се организира посета на заинтересираните: Треба да дадеме сѐ од себе за да ги посетиме оние што покажале интерес за добрата вест, без оглед на кој јазик зборуваат. Откако ќе се увериме дека некој се интересира за Бог и за неговата Реч, Библијата, треба да го пополниме формуларот Те молиме, посети го ова лице (S-43) и веднаш да му го дадеме на собранискиот секретар, кој ќе го испрати до Бетелот за да може кај заинтересираното лице да појде некој што го зборува неговиот јазик. Потоа, Бетелот ќе го испрати формуларот до групата што служи на соодветниот јазик. Откако ќе пристигне формуларот, лицето веднаш ќе биде посетено. Секретарот на собранието што го примило формуларот ќе му даде една копија на надгледникот за служба за тој да знае колкав е интересот кај луѓето што го зборуваат тој јазик. Овој формулар треба да се користи само кога некој е вистински заинтересиран.
6. Каква одговорност имаме ако сретнеме заинтересирано лице што зборува друг јазик?
6 Може да помине извесен период откако ќе се испрати формуларот S-43 додека кај заинтересираното лице да дојде објавител што го зборува неговиот јазик. Затоа, за да се одржува покажаниот интерес, објавителот што го пополнил формуларот S-43, може да продолжи да контактира со тоа лице додека не го посети некој што го зборува неговиот јазик. Во некои случаи, може да се води и библиска студија. Но, во текот на овој преоден период, како може некој објавител да набави публикации на јазикот што го зборува лицето што покажало интерес?
7. Како можеме да набавиме публикации на јазикот на оние што ќе ги сретнеме?
7 Публикации на други јазици: Собранијата не треба да држат големи резерви од публикации на други јазици. Сепак, ако надгледникот за служба утврди дека луѓето од некоја јазична група покажуваат интерес за вистината, можеби ќе одлучи да се чува помала резерва од публикации на тој јазик за да можат објавителите да ги користат. Ако во собранието нема такви публикации, може да се нарачаат. Но, може да помине одреден период додека да стигнат нарачаните публикации на некој јазик. Затоа, може да се прават отпечатени копии од публикациите од Интернет страницата www.watchtower.org. На оваа веб-страница објавителот или заинтересираното лице имаат лесен пристап до многу публикации на стотици јазици. Без сомнение, ова е многу добар начин да се негува интересот на оние што зборуваат друг јазик.
8. Каква улога има собранието во негувањето на интересот на оние што зборуваат друг јазик?
8 Улогата на собранието: Во некои случаи, кога на некое подрачје има сѐ поголем број на лица што зборуваат друг јазик, можеби во близина нема собрание што одржува состаноци на тој јазик. Затоа, заинтересираните лица што зборуваат друг јазик треба да ги поканите на вашите состаноци. Срдечноста и грижата што ќе им ја покажете може да ги поттикне редовно да доаѓаат. Во почетокот, можеби ќе ви биде тешко да се разберете поради различните јазици или поради различното потекло. Меѓутоа, вистинската христијанска љубов ги руши сите бариери во меѓународното братство на Јеховините сведоци (Соф. 3:9; Јован 13:35). Дали зборуваш течно некој друг јазик? Ако зборуваш и ако си спремен да ги посетуваш луѓето од таа јазична група што покажале интерес, кажи му на собранискиот секретар за да може да го извести Бетелот за тоа. Ова ќе биде корисно кога на Бетелот ќе му требаат објавители што можат да ги посетуваат таквите лица.
9. Кога е корисно да се организира курс за учење на друг јазик, и како може тоа да се направи?
9 Јазични курсеви: Кога им помагаш на оние што зборуваат друг јазик, најдобро е да ги поттикнеш да почнат да одат на состаноци во собрание на нивниот јазик, доколку има такво во близина. Но, кога тоа не е можно, некои објавители можеби ќе одлучат да го научат тој јазик за подобро да им помагаат на заинтересираните. Ако во близина нема собрание, Бетелот можеби ќе утврди дека е добро да се организира курс по тој јазик, затоа што има голем број луѓе што го зборуваат. Во тој случај, Бетелот може да подготви известување за таквиот курс, кое ќе се прочита во блиските собранија. Оние што ќе се пријават за курсот треба да имаат цел да се префрлат во групата или собранието за да им помагаат на луѓето што го зборуваат тој јазик.
10. Кога може да се основа група на друг јазик, и како може да се направи тоа?
10 Кога треба да се основа група: За да се основа група на некој јазик, потребно е да се исполнат четири основни услови. 1) Треба да има доволен број заинтересирани што го зборуваат јазикот, со потенцијал тој број да расте. 2) Треба да има мала група од објавители кои го познаваат или го учат тој јазик. 3) Да има еден оспособен старешина или слуга-помошник кој би предводел и би водел барем еден состанок седмично на тој јазик. 4) Да има старешинство кое ќе може да ѝ даде поддршка на таа група. Кога во разумна мера ќе бидат исполнети овие услови, старешинството треба да го извести Бетелот за сите детали во врска со групата и да побара официјално признание како собрание кое се грижи за група на друг јазик. (Види ја книгата Организирани, стр 105-107.) Старешината или слугата-помошник што предводи ќе биде наречен „надгледник на групата“ или „слуга на групата“ кој е одговорен за грижата околу групата.
11. Зошто е голема чест да им проповедаме на луѓето на нашето подрачје што зборуваат на друг јазик?
11 Грижата за луѓето што зборуваат друг јазик на нашето подрачје е важен дел од проповедничкото дело што се врши низ целиот свет, а кое го започнал нашиот Пример, Исус Христос. Затоа, ревносно да го дадеме нашиот дел и да гледаме како Јехова продолжува да ги тресе народите и да ги прима оние што му се скапоцени (Агеј 2:7). За нас е вистинско задоволство потполно да соработуваме во тоа дело! Јехова нека го благослови нашиот заеднички труд да им проповедаме на луѓето што зборуваат друг јазик на нашето собраниско подрачје. И никогаш да не забораваме дека без оглед на разликите во јазикот, Бог може да даде да расте! (1. Кор. 3:6-9).