Предлози

За посебната акција за Спомен-свеченоста

„Сакаме да Ве поканиме на еден важен настан што ќе се одржи низ целиот свет на 26 март. Ќе биде одбележана годишнината од смртта на Исус. Ќе можете да слушнете еден библиски говор во кој се објаснува зошто неговата смрт е за наше добро. На поканата е наведено кога и каде ќе се одржува таа свеченост. Влезот е бесплатен“.

Стражарска кула 1 март

„Некои луѓе се прашуваат: ‚Од каде да знам дека Исус навистина воскреснал?‘ Дали Вие некогаш сте размислувале за тоа? [Почекај да одговори.] Видете зошто е важно да го знаеме одговорот. [Прочитај 1. Коринќаните 15:14.] Во ова списание е објаснето од каде знаеме дека воскресението на Исус не е измислица.“

Разбудете се! март

„Сигурно ќе се согласите дека денес не е лесно да се подигаат деца. [Почекај да одговори.] Многу родители нашле добри совети во Библијата. На пример, овој стих им помага на татковците да најдат работи за кои можат да ги пофалат своите деца и како да им ја градат самодовербата. [Прочитај Колошаните 3:21.] Во оваа статија се разгледани пет основни начела што им помагаат на татковците.“