Користи ја брошурката Запознај се со Божјата Реч за да започнеш разговор
1. Која публикација ја добивме како помош во службата?
1 На регионалниот конгрес „Барајте го најнапред Божјето Царство!“ беше објавена брошурката Запознај се со Божјата Реч. Како можеме да ја користиме оваа нова публикација кога подготвуваме презентации за службата? Бидејќи во неа стиховите се групирани под различни библиски теми, слично како во книгата Резоновање, може да биде многу корисна за започнување разговори.
2. Како можеме да ја користиме новата брошурка во службата?
2 Би можел да го користиш 8. прашање и да речеш: „Накратко разговараме со луѓето за прашањето: ‚Дали Бог е виновен за страдањата на луѓето?‘ [На некои подрачја поголем успех се постигнува кога прашањето ќе му го покажеш на станарот.] Што мислите Вие? [Почекај да одговори.] Библијата дава интересен одговор на ова прашање“. Прочитај еден или повеќе од наведените стихови директно од Библијата и објасни ги. Ако станарот покаже интерес, би можел да му ги покажеш 20-те прашања од содржината и да го прашаш за кое би сакал да разговарате следниот пат. Или, би можел да му понудиш некоја од нашите публикации за проучување што дава повеќе информации за темата за која разговаравте.
3. Како можеме да ја користиме новата брошурка за да започнуваме разговори со луѓе што не се од христијанска вероисповед?
3 Прашања 4 и 13 до 17 се посебно соодветни кога проповедаме на подрачја каде што живеат луѓе што не се од христијанска вероисповед. На пример, би можел да го употребиш 17. прашање и да речеш: „Накратко ги посетуваме луѓето со цел да им понудиме корисни совети за семејствата. Сигурно ќе се сложите дека денес семејствата се соочуваат со многу проблеми“. [Почекај да одговори.] На многу брачни парови им помогнале овие мудри зборови: „Жената длабоко да го почитува својот маж“. [Не мора да спомнеш дека тие зборови се од Ефешаните 5:33. Ако разговараш со жена, би можел да ги наведеш зборовите од Ефешаните 5:28.] Дали мислите дека овие зборови ќе придонесат за постабилен брак?“
4. Како би можел да го завршиш разговорот со лице што припаѓа на некоја нехристијанска религија?
4 На крајот, договорете се да го продолжите разговорот во друга прилика. Следниот пат би можеле да разговарате за друг стих од темата што ја разгледавте. Во погоден момент, кажи му на станарот дека мудрите зборови што му ги прочита од брошурката се земени од Библијата. На темел на вашите претходни разговори и на неговото гледиште кон Библијата процени која публикација би го интересирала и понуди му ја. (Види го додатокот во Нашата служба за Царството од декември 2013.)