Колку е силна твојата вера во Јеховините ветувања?

И Исус Навин и Соломон потврдиле дека не останало неисполнето ниту едно ветување што го дал Јехова (ИсН 23:14; 1Ца 8:56). Сведоштвото на овие двајца веродостојни сведоци ни ја зацврстува верата (2Ко 13:1; Тит 1:2).

Како Јехова ги исполнил своите ветувања во времето на Исус Навин? Како семејство, гледајте ја видеодрамата „Ниту едно ветување не остана неисполнето“. Потоа разгледајте ги следниве прашања: 1) Како можеш да покажуваш вера по примерот на Раав? (Ев 11:31; Јк 2:24-26). 2) Како примерот на Ахан покажува колку се лоши последиците од непослушноста? 3) Иако Гаваонците биле јунаци, зошто го измамиле Исус Навин и склучиле мир со Израелците? 4) Како се остварило Јеховиното ветување кога пет аморејски цареви му се заканиле на Израел? (ИсН 10:5-14). 5) Како Јехова те поддржал затоа што на прво место во животот ти се Царството и Божјата праведност? (Мт 6:33).

Ако размислуваме за сѐ што Јехова направил, прави и ќе направи, нашата вера во неговите ветувања ќе стане уште посилна (Ри 8:31, 32).