Сети се на жената на Лот

Зошто жената на Лот се свртила назад додека бегала од Содом? Библијата не ни кажува (1Мо 19:17, 26). Од контекстот на предупредувањето што го дал Исус се гледа дека таа можеби жалела за работите што ги оставила зад себе (Лк 17:31, 32). Како можеме да го избегнеме она што ѝ се случило на жената на Лот и да ја зачуваме Јеховината милост? Не смееме да дозволиме желбата за материјални удобности да ни стане најважна во животот (Мт 6:33). Исус рекол дека не можеме да му робуваме и на Бог и на богатството (Мт 6:24). Но, што ако забележиме дека материјалните работи ни стануваат поважни од духовните активности? Тогаш, можеме да го молиме Јехова да ни помогне да сфатиме кои промени треба да ги направиме, но и да ни даде храброст и сила за да можеме да ги направиме.

ПОТСЕТИ СЕ НА ФИЛМОТ ОД ТРИ ДЕЛА СЕТИ СЕ НА ЖЕНАТА НА ЛОТ, И ОДГОВОРИ НА СЛЕДНИВЕ ПРАШАЊА:

• 

  Како притисокот да заработи повеќе пари влијаеше врз размислувањето, зборовите и постапките на Глорија?

• Како примерот на жената на Лот е предупредување за нас денес?

• Како библиските начела им помогнаа на Џо и на неговото семејство?

• Како колегите од работа влијаеја врз духовноста на Ана?

• Зошто ни е потребна храброст ако сме под притисок да ги ставиме парите на прво место во животот?

• Како Брајан и Глорија успеаја повторно да ги стават духовните работи на прво место?

• Кои библиски начела се истакнати во овој филм?