Немој да шириш невистини

Една информација може многу брзо да стигне до милиони луѓе преку радио, телевизија, интернет или во печатена форма. Бидејќи му служиме на Богот на вистината, ние не шириме неточни информации и внимаваме тоа да не го правиме дури ни ненамерно (Пс 31:5; 2Мо 23:1). Некоја невистина која им се пренесува на другите може да нанесе голема штета. За да процениш дали некоја информација е вистинита, запрашај се:

• Дали доаѓа од веродостоен извор? Оној што ја пренесува информацијата можеби не ги знае сите факти. Кога една информација се пренесува од еден на друг, неминовно е да се измени. Затоа, биди внимателен ако не знаеш кој е изворот на информацијата. Одговорните браќа во собранието треба особено да внимаваат да не пренесуваат непроверени информации бидејќи браќата и сестрите имаат доверба во нив.

• Дали станува збор за клевета? Ако се оцрнува нечие име или се остава лош впечаток за одредена група луѓе, тогаш најдобро е да не пренесуваме таква информација (Из 18:8; Фп 4:8).

• Дали звучи неверојатно? Биди внимателен кога слушаш сензационални приказни и искуства.

ГЛЕДАЈ ГО ВИДЕОКЛИПОТ КАКО ДА ГО ПРЕКИНАМ ОГОВАРАЊЕТО? А ПОТОА ОДГОВОРИ ГИ СЛЕДНИВЕ ПРАШАЊА:

• 

  Според Изреки 12:18, каква штета можат да нанесат зборовите?

• 

  Како Филипјаните 2:4 ни помага мудро да проценуваме што ќе зборуваме за другите?

• 

  Што треба да направиме кога некој ќе почне да зборува зајадливо или негативно за другите?

• 

  Пред да почнеме да зборуваме за другите, кои прашања треба да си ги поставиме?