Можеш ли да му ги даваш на Јехова своето време и сила?

Како што прорекол Исаија, земниот дел од Јеховината организација денес доживува пораст како никогаш порано (Иса 54:2). Како резултат на ваквиот пораст, потребни ни се нови сали за состаноци, конгресни сали и други теократски објекти. Откако тие ќе се изградат, треба да се одржуваат, а со текот на времето некои од нив мора и да се реновираат. Како ваквите проекти ни овозможуваат да му ги даваме на Јехова нашето време и сила?

• Може да помагаме кога нашата група за проповедање е на распоред за чистење на салата.

• Може да се пријавиме да добиеме обука за одржување на нашата сала.

• Може да пополниме Молба за локален доброволец за изградба (DC-50) за повремено да помагаме на изградба или одржување на теократски објекти во близина на местото каде што живееме.

• Може да пополниме Молба за доброволец (A-19) за да помагаме една седмица или повеќе во Бетел или во некој друг теократски објект на подрачјето на нашата подружница.

ГЛЕДАЈ ГО ВИДЕОКЛИПОТ ВО ПЛАН Е НОВ ГРАДЕЖЕН ПРОЕКТ — ИЗВАДОК, А ПОТОА ОДГОВОРИ ГИ СЛЕДНИВЕ ПРАШАЊА:

• Како се зголеми бројот на видеоклипови од 2014 год. па наваму?

• Бидејќи нашата организација прави сѐ повеќе видеоклипови, кој проект се планира и во кој период треба да се реализира?

• Каква помош од доброволци ќе биде потребна за овој проект?

• Зошто треба да пополниш молба (DC-50) и да учествуваш во проекти кои ги надгледува Локалниот оддел за проектирање и изградба ако сакаш да помагаш при изградбата на некој поголем теократски објект?

• Што покажува дека Јехова го води овој проект?

• Како може да го поддржиме овој проект, дури и ако не можеме лично да помагаме при изградбата?