Ти можеш да придонесеш твоето семејство да биде радосно

Јехова сака семејствата да бидат среќни (Пс 127:3-5; Про 9:9; 11:9). Сепак, може да се случи да ја изгубиме радоста поради притисокот што го врши овој свет и поради грешките на членовите на нашето семејство. Што може да прави секој за семејството да биде радосно?

Сопругот ѝ искажува почит на својата сопруга (1Пе 3:7). Тој поминува време со неа. Мажот има реалистични очекувања од својата жена и покажува дека го цени она што таа го прави за него и за семејството (Кол 3:15). Тој покажува со своите зборови и постапки дека ја сака, и ја пофалува (Из 31:28, 31).

Сопругата бара начини да го поддржува својот сопруг (Из 31:12). Таа му е подложна и соработува со него (Кол 3:18). Таа е љубезна со него и зборува добро за него (Из 31:26).

Родителите им посветуваат време на своите деца (5Мо 6:6, 7). Тие им кажуваат на децата дека ги сакаат (Мт 3:17). Кога треба да ги исправат своите деца, па дури и можеби да ги казнат, родителите треба да покажуваат љубов и разборитост (Еф 6:4).

Децата ги почитуваат и им се послушни на родителите (Из 23:22). Тие им кажуваат на своите родители за што размислуваат и како се чувствуваат. Ги прифаќаат советите и исправките од родителите и им покажуваат почит (Из 19:20).

ГЛЕДАЈ ГО ВИДЕОКЛИПОТ ПРИДОНЕСУВАЈ ЗА РАДОСТ ВО СЕМЕЈСТВОТО, А ПОТОА ОДГОВОРИ ГО СЛЕДНОВО ПРАШАЊЕ:

Што направи секој за семејството да биде радосно?