ДА ЖИВЕЕМЕ КАКО ХРИСТИЈАНИ

Помогни им на оние што не се религиозни да го запознаат Творецот

Дали некогаш се воздржуваш да им сведочиш на оние што не се религиозни затоа што си мислиш дека нема да те слушаат? Ако да, имај на ум дека многу луѓе кои не се религиозни, вклучувајќи и атеисти, станале Јеховини сведоци. Честопати, им била потребна само мала помош за да ги истражат доказите дека Бог постои (Ри 1:20; 10:14).

ГЛЕДАЈ ГО ВИДЕОКЛИПОТ НЕ ЗАБОРАВАЈ — ЛУЃЕТО БЕЗ ВЕРА МОЖАТ ДА СТЕКНАТ ВЕРА! — ОНИЕ ШТО НЕ СЕ РЕЛИГИОЗНИ, А ПОТОА ОДГОВОРИ ГО СЛЕДНОВО ПРАШАЊЕ:

Како искуството на Томасо ти помага да не се воздржуваш да им сведочиш на луѓе кои не се религиозни?

Твојот одговор

Како да го правиш тоа

Ако некое лице каже дека не верува во Бог, биди љубезен, тактичен и покажи дека искрено се интересираш што мисли на таа тема (2Ти 2:24). Разговарај за теми кои веројатно ќе го интересираат. Дали сака да разговара за доказите кои многумина ги увериле дека постои Творец? Ако да, користи ги публикациите и видеоклиповите кои се наменети за таа цел. Брошурите Дали животот е Божје дело? и Пет важни прашања за потеклото на животот се додадени во нашите главни публикации за служба за полесно да ни бидат достапни.

На почетокот, можеби ќе те плаши помислата да разговараш за вистината со некој што не верува во Бог. Зошто не замолиш некој поискусен објавител да ти помогне? Исто така, не заборавај дека Јехова може да ни помогне да допреме до срцата на оние што исправно гледаат на вечниот живот, дури и ако на почетокот тие не веруваат дека тој постои (Де 13:48).