Како ќе им дојде крај на војните и конфликтите

БОГ ЌЕ ГИ ОТСТРАНИ ЧОВЕЧКИТЕ ВЛАДИ

Бог ќе им стави крај на човечките влади преку војната која Библијата ја нарекува Армагедонa (Откровение 16:16). Во тоа време, „царевите од целиот свет“ ќе бидат собрани заедно за „војната која ќе се случи во големиот ден на Семоќниот Бог“ (Откровение 16:14). Армагедон е војната на Бог со која ќе им стави крај на сите војни.

Бог ќе ги замени човечките влади со своето Царство, односно влада, кое ќе владее од небото и никогаш нема да биде уништено (Даниел 2:44). Бог го избрал својот Син, Исус Христос, да биде Цар на тоа Царство (Исаија 9:6, 7; Матеј 28:18). Оваа влада е Царствотоb за кое Исус ги поучил своите следбеници да се молат (Матеј 6:9, 10). Целото човештво ќе биде обединето под една глобална влада со која ќе владее Исус.

За разлика од човечките владетели, Исус нема да го користи авторитетот за свој личен интерес. Тој е праведен и непристрасен, и затоа со никој нема да се постапува неправедно поради неговата раса, националност или етничко потекло (Исаија 11:3, 4). И, луѓето нема да треба да се борат за своите права. Зошто? Бидејќи Исус ќе се грижи за доброто на секој поединец. „Тој ќе го избави сиромавиот кој вика за помош, страдалникот и секој што нема помошник... Од угнетување и од насилство ќе ја откупи нивната душа“ (Псалм 72:12-14).

Божјето Царство ќе ја исчисти Земјата од сето смртоносно оружје (Михеј 4:3). А ќе ги отстрани и злобните луѓе кои не престануваат да се борат и да им нанесуваат штета на другите (Псалм 37:9, 10). Секој маж, жена и дете ќе се чувствува безбедно каде и да се наоѓа на Земјата (Езекиел 34:28).

Под Божјата влада, секој ќе живее во совршени услови. Таа ќе ги отстрани проблемите поради кои луѓето се борат, како на пример сиромаштијата, гладот и несоодветните места за живеење. Секој ќе има на располагање изобилство здрава храна и ќе има удобен дом (Псалм 72:16; Исаија 65:21-23).

Под власта на Божјето Царство, ќе бидат отстранети ужасните последици од војните. Во тоа се вклучени не само физичките лузни туку и психичката и емоционалната болка која луѓето ја чувствуваат поради ѕверствата поврзани со војните. Дури и оние кои починале ќе бидат воскреснати и повторно ќе живеат на Земјата (Исаија 25:8; 26:19; 35:5, 6). Семејствата пак ќе бидат заедно и страшните спомени од војните ќе бидат минато (Откровение 21:4).

БОГ ЌЕ ГО ОТСТРАНИ ГРЕВОТ

За време на владеењето на Божјето Царство на Земјата, сите луѓе ќе го обожаваат единствениот вистински Бог, Јеховаc‚ „Богот на љубовта и на мирот“ (2. Коринќаните 13:11). Луѓето ќе научат како да живеат заедно во мир (Исаија 2:3, 4; 11:9). Сите што го применуваат она што го учат ќе бидат ослободени од последиците на гревот (Римјаните 8:20, 21).

БОГ ЌЕ ГИ ОТСТРАНИ САТАНА И НЕГОВИТЕ ДЕМОНИ

Божјето Царство ќе ги уништи оние што подбуцнуваат на војни, Сатана и неговите демони (Откровение 20:1-3, 10). Без нивното злобно влијание, „ќе има голем мир“ (Псалм 72:7).

Можеш да бидеш уверен дека ветувањето на Бог да им стави крај на војните и насилните конфликти ќе се исполни. Тој има и способност и желба да ги отстрани војните.

• Бог има мудрост и моќ за да им стави крај на војните и насилството (Јов 9:4). Не постои ништо што тој не може да го направи (Јов 42:2).

• Бог мрази кога гледа дека луѓето страдаат (Исаија 63:9). Исто така, тој „го мрази оној што го сака насилството“ (Псалм 11:5).

• Бог секогаш си стои на зборот; тој не може да лаже (Исаија 55:10, 11; Тит 1:2).