Зошто и понатаму има војни и конфликти
Библијата открива кои се главните причини за војните и насилните конфликти и зошто сѐ уште се случуваат овие трагични настани.
ГРЕВОТ
Бог ги создал нашите први родители, Адам и Ева, според својот лик (1. Мојсеева 1:27). Тоа значи дека тие природно ќе ги одразувале Божјите особини, меѓу кои мирот и љубовта (1. Коринќаните 14:33; 1. Јованово 4:8). Меѓутоа, Адам и Ева не го послушале Бог и згрешиле. Како резултат на тоа, сите сме наследиле грев и смрт (Римјаните 5:12). Поради наследениот грев сме склони кон насилни мисли и постапки (1. Мојсеева 6:5; Марко 7:21, 22).
ЧОВЕЧКИТЕ ВЛАДИ
Бог не нѐ создал за да владееме едни над други. Во Библијата пишува: „Човекот кој оди не може да управува со своите чекори“ (Еремија 10:23). Затоа, човечките влади не можат потполно да ги отстранат војните и насилството.
САТАНА И НЕГОВИТЕ ДЕМОНИ
Библијата открива дека „целиот свет е под власта на Злобниот“ (1. Јованово 5:19). „Злобниот“ е наречен Сатана Ѓаволот и е немилосрден убиец (Јован 8:44). Тој и други злобни духовни суштества се невидливите подбуцнувачи на војните и насилството (Откровение 12:9, 12).
Ние не можеме да ги отстраниме главните причини за војните и насилството, но Бог може.