Проучувај со цел да споделиш некој бисер

Кога ја проучуваме Библијата, се чувствуваме освежено. Но, кога ги споделуваме со другите охрабрувачките духовни бисери што сме ги нашле, се чувствуваме уште поубаво. Тоа на симболичен начин е опишано во Изреки 11:25 со следниве зборови: „Кој обилно ги напојува другите, и самиот ќе биде обилно напоен“.

Кога го споделуваме со другите она што го учиме, тоа ни помага полесно да ги запомниме поуките и уште подобро да ги разбереме. Освен тоа, бидејќи таквите бисери можат да им бидат корисни на другите, се радуваме кога можеме да ги споделиме со нив (Дела 20:35).

Предлог: Во текот на следната седмица, барај прилика да го споделиш со некого она што си го научил. Тоа може да биде некој од семејството, од собранието, колега на работа, соученик, сосед или некој што ќе го сретнеш во службата на проповедање. Обиди се да се изразиш со свои зборови, едноставно и јасно.

Имај на ум: Кога го споделуваш со другите она што го учиш, целта нека ти биде да ги охрабриш, а не да ги импресионираш (1. Кор. 8:1).