Промена во барањето на часови за пионерите
1 Сите ние цениме што имаме трудољубиви општи и помошни пионери во собранието. Дури и онаму каде што подрачјето е ограничено и е редовно темелно обработувано, пионерите дале добар пример со нивната ревносна служба за Царството. Тие ги охрабрија сите објавители да останат зафатени во барањето на оние кои се „исправно настроени“ (Дела 13:48, NW).
2 Заедницата ги разгледа зголемените тешкотии со кои се соочуваат пионерите, особено во поглед на наоѓањето световна работа со скратено работно време која ќе им овозможи соодветно да се грижат за своите лични потреби за да останат во полновремената служба. Моменталната економска ситуација во многу земји направи да биде сѐ потешко и други да започнат со пионерското дело иако тоа е нивна горлива желба. Во текот на последниве месеци, овие и други фактори беа внимателно разгледани.
3 Затоа, со оглед на горенаведеното, Заедницата го намали барањето на часови и за општите и за помошните пионери. Почнувајќи од 1999 календарска година, од општите пионери ќе се бараат 70 часа месечно, односно вкупно 840 часа годишно. Од помошните пионери ќе се бараат 50 часа месечно. Барањето на часови за специјалните пионери и за мисионерите останува непроменето, бидејќи Заедницата направила подготовки да им помогне да се грижат за нивните основни материјални потреби. Затоа, тие можат поцелосно да се сконцентрираат на делото на проповедање и правење ученици.
4 Се надеваме дека оваа промена во барањето на часови ќе им помогне на повеќе пионери да ја задржат оваа скапоцена предност во службата. Тоа треба да отвори и пат за уште повеќе објавители да започнат со општото и со помошното пионерско дело. Колкав само благослов треба да биде ова за секого во собранието!