Каков е мојот став кон крвните фракции и медицинските постапки во кои е вклучена мојата сопствена крв?

Зачувај

Каков е мојот став кон крвните фракции и медицинските постапки во кои е вклучена мојата сопствена крв?

Библијата им заповеда на христијаните „да се воздржуваат... од крв“ (Дела 15:20). Затоа, Јеховините сведоци не прифаќаат трансфузија на полна крв, ниту на четирите главни состојки на крвта — црвени крвни зрнца, бели крвни зрнца, крвни плочки и плазма. Исто така, не даваат крв, ниту ја складираат својата крв за подоцна да им биде дадена преку трансфузија (3. Мој. 17:13, 14; Дела 15:28, 29).

Што се крвни фракции, и зошто секој христијанин треба сам да одлучи дали ќе ги користи?

Крвните фракции се елементи од крвта кои се вадат преку еден процес што се вика фракционирање. На пример, плазмата, една од четирите главни состојки на крвта, може да се разложи на следниве супстанции: околу 91 процент вода; околу 7 проценти протеини, како што се албумините, глобулините и фибриногенот; и околу 1,5 проценти други супстанции, како што се хранливи материи, хормони, гасови, витамини, отпадни материи и електролити.

Дали и фракциите се опфатени со заповедта да се воздржуваме од крв? Не можеме да тврдиме со сигурност. Библијата не дава конкретни упатства во врска со фракциите.a Се разбира, многу фракции се добиваат од крв што била донирана со цел да се користи во медицината. Секој христијанин треба на темел на својата совест да одлучи дали ќе прифати или ќе одбие да ги користи овие супстанции при лекувањето.

Кога треба да донесеш некоја таква одлука, размисли за следниве прашања: Дали сум свесен дека тоа што ќе ги одбијам сите крвни фракции значи дека нема да прифатам некои лекови, како што се извесни лекови против вируси и болести или лекови кои помагаат при згрутчувањето на крвта за да се сопре крвавењето? Можам ли да му објаснам на лекарот зошто одбивам или прифаќам некои крвни фракции?

Зошто треба сам да одлучам кога станува збор за некои медицински постапки во кои е вклучена мојата сопствена крв?

Иако христијаните не даваат крв и не ја складираат сопствената крв со цел подоцна да им биде вратена преку трансфузија, некои медицински постапки или испитувања во кои е вклучена крвта на пациентот не се во отворена спротивност со библиските начела. Затоа, секој треба сам, на темел на својата совест, да одлучи дали ќе прифати или ќе одбие некои медицински постапки во кои е вклучена неговата сопствена крв.

Кога треба да донесеш некоја таква одлука, размисли за следниве прашања: Ако дел од мојата крв е пренасочен надвор од моето тело или ако крвотокот е прекинат на некое време, дали совеста ќе ми дозволи оваа крв сѐ уште да ја сметам за дел од мене, со што не би морало да биде ‚истурена на земја‘? (5. Мој. 12:23, 24). Дали ќе ме мачи совеста, која ми е изострена според Библијата, доколку за време на некоја медицинска постапка ми извадат дел од крвта, ја преработат и повторно ми ја вратат во телото? Дали сум свесен дека тоа што ќе ги одбијам сите медицински постапки во кои е вклучена мојата сопствена крв значи дека одбивам разни начини на лекување како што е дијализата или користењето на машина за срце/бели дробови? Дали го молев Бог за водство кога размислував за оваа работа пред да донесам одлука?b

Како ќе одлучам?

Разгледај ги двата прашалника на следните страници. Во Прашалник 1 се наведени некои од фракциите што се добиваат од крвта и е објаснето како обично се користат во медицината. Во врска со секоја фракција, одлучи дали ќе ја прифатиш или ќе ја одбиеш, и пополни го прашалникот. Во Прашалник 2 се наведени некои вообичаени медицински постапки во кои е вклучена твојата сопствена крв. Во врска со секоја од овие постапки, одлучи дали ќе ја прифатиш или ќе ја одбиеш, и пополни го прашалникот. Овие прашалници не се документи што се важечки пред законот, но можеш да ги користиш како помош за да ја пополниш својата ТП (трајно полномошно) картичка.

Одлуките треба да ги донесеш сам, а не некој друг да одлучи место тебе. Исто така, никој не треба да ја критикува одлуката на некој друг христијанин. Во врска со ваквите одлуки, „секој ќе го носи својот товар“ на одговорност (Гал. 6:4, 5).

[Фусноти]

a Корисни информации во врска со оваа тема има во Стражарска кула од 15 јуни 2004 година, страници 29-31.

b Корисни информации на оваа тема има во Стражарска кула од 15 октомври 2000 година, страници 30, 31, и на DVD-то Лекување без крв — документарна програма (Transfusion Alternatives—Documentary Series).

ПРАШАЛНИК 1

НЕПРИФАТЛИВО ЗА ХРИСТИЈАНИТЕ

ТВОЈАТА ЛИЧНА ОДЛУКА

ПОЛНА КРВ

ФРАКЦИИ

Одлуки што мораш сам да ги донесеш

ПЛАЗМА

АЛБУМИН — ДО 4% ОД ПЛАЗМАТА

Протеин што се добива од плазмата. Некои видови албумин има и во растенијата, во некои видови храна како што се млекото јајцата и во млекото на доилка. Албуминот од крвта онекогаш се користи во експандерите на волумен при состојба на шок и тешки изгореници. Овие препарати можат да содржат и до 25 проценти албумин. Многу мали количини албумин се користат во составот на многу други лекови, како и во составот на некои препарати на еритропоетин (EPO).

____ Прифаќам албумин

или

____ Одбивам албумин

ИМУНОГЛОБУЛИНИ — ДО 3% ОД ПЛАЗМАТА

Протеински фракции кои можат да се користат во некои лекови против разни вируси и болести, како што се дифтерија, тетанус, вирусен хепатит и беснило. Исто така, може да се користат како заштита од некои здравствени состојби кои се опасни по животот на фетусот и за да се спречи дејствотона отров од змија или пајак.

____ Прифаќам имуноглобулини

или

____ Одбивам имуноглобулини

ФАКТОРИ ЗА ЗГРУТЧУВАЊЕ НА КРВТА — ПОМАЛКУ ОД 1% ОД ПЛАЗМАТА

Има различни протеини што помагаат крвта да се згрутчи за да се сопре крвавењето. Некои им се даваат на пациенти кои лесно крвават. Исто така, се користат и во медицинските лепила за да се затворат рани и за да се сопре крвавењето по операција. Една комбинација на фактори за згрутчување на крвта е позната како криопреципитат. Забелешка: Некои фактори за згрутчување на крвта сега се добиваат и од други извори, а не само од крв.

____ Прифаќам фактори за згрутчување на крвта добиени од крв

или

____ Одбивам фактори за згрутчување на крвта добиени од крв

ЦРВЕНИ КРВНИ ЗРНЦА

ХЕМОГЛОБИН — 33% ОД ЦРВЕНИТЕ КРВНИ ЗРНЦА

Протеин кој пренесува кислород низ телото и носи јаглерод диоксид до белите дробови. Производите што се добиваат од човечки или животински хемоглобин може да се користат при лекувањето на пациенти кои имаат акутна анемија или изгубиле многу крв.

____ Прифаќам хемоглобин

или

____ Одбивам хемоглобин

ХЕМИН — ПОМАЛКУ ОД 2% ОД ЦРВЕНИТЕ КРВНИ ЗРНЦА

Состојка што го спречува дејствувањето на ензимите. Се добива од хемоглобинот и се користи при лекувањето на една група ретки генетски нарушувања на крвта (познати како порфирија), кои влијаат врз дигестивниот и нервниот систем и врз крвотокот.

____ Прифаќам хемин

или

____ Одбивам хемин

БЕЛИ КРВНИ ЗРНЦА

ИНТЕРФЕРОНИ — МАЛИ ФРАКЦИИ НА БЕЛИТЕ КРВНИ ЗРНЦА

Протеини што се борат со одреденивирусни инфекции и ракови. Повеќето интерферони не се добиваат од крв. Некои се добиваат од фракции на човечки бели крвни зрнца.

____ Прифаќам интерферони добиени од крв

или

____ Одбивам интерферони добиени од крв

КРВНИ ПЛОЧКИ

Моментално, од крвните плочки не се добиваат фракции што се користат во медицината.

ПРАШАЛНИК 2

ТВОЈАТА ЛИЧНА ОДЛУКА
МЕДИЦИНСКИ ПОСТАПКИ ВО КОИ СЕ КОРИСТИ ТВОЈАТА КРВ
НАЗИВ НА ЛЕКУВАЊЕТО	ШТО СЕ ПОСТИГНУВА	Одлуки што мораш сам да ги донесеш (Добро е да разговараш со својот лекар пред да прифатиш или да одбиеш некоја од овие медицински постапки.)
СЕЛСЕЈВЕР (АПАРАТ ЗА СОБИРАЊЕ НА КРВТА ОД ОПЕРАТИВНОТО ПОЛЕ)	Ја намалува загубата на крв. Во текот на операцијата крвта се собира од раната или од телесната празнина. Се чисти или се филтрира, и потоа, можеби во непрекинат процес, повторно се враќа во пациентот.	____ Прифаќам ____ Можеби ќе прифатамc ____ Одбивам
ХЕМОДИЛУЦИЈА	Ја намалува загубата на крв. Во текот на операцијата, дел од крвта се пренасочува во ќеси и се заменува со експандер на волумен што не содржи крв. На тој начин, крвта што ќе остане во пациентот во текот на операцијата е разредена и содржи помалку црвени крвни зрнца. За време на операцијата или на крајот од операцијата, пренасочената крв повторносе враќа о пациентот.	____ Прифаќам ____ Можеби ќе прифатамd ____ Одбивам
МАШИНА ЗА СРЦЕ/БЕЛИ ДРОБОВИ	Ја одржува циркулацијата. Крвта се пренасочува во вештачко срце/бели дробови каде што се врзува со кислород и потоа повторно се враќа во телото на пациентот.	____ Прифаќам ____ Можеби ќе прифатамe ____ Одбивам
ДИЈАЛИЗА	Функционира како орган. При хемодијализата, крвта циркулира низ една машина која ја филтрира и ја прочистува пред да ја врати во телото на пациентот.	____ Прифаќам ____ Можеби ќе прифатамf ____ Одбивам
ЕПИДУРАЛНА КРВНА ЛЕПЕНКА	Го спречува истекувањето на течноста од ’рбетниот столб. Мала количина од крвта на пациентот се става со шприц во мембраната околу ’рбетниот столб. Таа се користи за да се затвори дупнатото место од каде што истекува течноста од ’рбетниот столб.	____ Прифаќам ____ Можеби ќе прифатамg ____ Одбивам
ПЛАЗМОФЕРЕЗА	Се лекуваат болести. Се вади крв и се филтрира за да се отстрани плазмата. Се додава замена за плазмата, и крвта повторно се враќа во пациентот. Некои лекари можеби ќе сакаат да користат плазма од друго лице за да ја заменат онаа што била извадена од крвта на пациентот. Во тој случај, тоа не би било прифатливо за еден христијанин.	____ Прифаќам ____ Можеби ќе прифатамh ____ Одбивам
ОБЕЛЕЖУВАЊЕ ИЛИ ОЗНАЧУВАЊЕ	Се поставува дијагноза или се лекува некоја болест. Се вади малку крв, се меша со лек и се враќа во пациентот. Времето колку олго ќе биде крвта надвор од телото може да варира.	____ Прифаќам ____ Можеби ќе прифатамi ____ Одбивам
ТРОМБОЦИТЕН ГЕЛ; АВТОЛОГЕН (ШТО ЗНАЧИ „НАПРАВЕН ОД ТВОЈАТА СОПСТВЕНА КРВ“)	Се користи за затворање рани и за намалување на крвавењето. Се вади малку крв и од неа се прави раствор богат со крвни плочки и бели крвни зрнца. Овој раствор се нанесува на оперативни резови или рани. Забелешка: Во некои раствори се користи фактор за згрутчување на крвта земен од кравја крв.	____ Прифаќам ____ Можеби ќе прифатамj ____ Одбивам

c d e f g h i j Забелешка: Секој лекар на различен начин ги применува овие медицински постапки. Треба да го замолиш твојот лекар да ти објасни што точно е вклучено во медицинската постапка што ти ја предлага за да бидеш сигурен дека сѐ е во склад со библиските начела и со твоите одлуки што си ги донел на темел на својата совест.