Предлог за овој месец

Како да бидеш во тек со промените во нашето разбирање на библиските вистини

Живееме во едно возбудливо време. Во врска со својата Реч, Јехова денес ни открива повеќе работи од кога и да било порано (Дан. 12:4). Но, може да ни биде предизвик да бидеме во тек со промените во нашето разбирање на библиските вистини. Каде може да ги најдеме тие промени и појаснувања?

• Во Прирачникот за истражување на публикациите на Јеховините сведоци промените во нашето разбирање се групирани по теми. Оди во темата „Јеховини сведоци“, потоа во поднасловот „Гледишта и верувања“, а потоа во делот „Појаснувања на нашите верувања“.

Како проект за твоето лично проучување, би можел да избереш понова промена во некое наше верување и да истражуваш кое е моменталното разбирање, како и библиските причини за таа промена.