9 അങ്ങനെ ഇസ്രാ​യേൽരാ​ജാവ്‌ ഒരു കൊട്ടാ​രോ​ദ്യോ​ഗ​സ്ഥനെ വിളിച്ച്‌, “വേഗം പോയി യിമ്ലയു​ടെ മകനായ മീഖാ​യയെ കൂട്ടി​ക്കൊ​ണ്ടു​വ​രുക”+ എന്നു പറഞ്ഞു. 10 ഇസ്രായേൽരാജാവും യഹൂദാ​രാ​ജാ​വായ യഹോ​ശാ​ഫാ​ത്തും അപ്പോൾ, ശമര്യ​യു​ടെ പ്രവേ​ശ​ന​ക​വാ​ട​ത്തി​ലുള്ള മെതി​ക്ക​ള​ത്തിൽ രാജകീ​യ​വ​സ്‌ത്രങ്ങൾ അണിഞ്ഞ്‌ തങ്ങളുടെ സിംഹാ​സ​ന​ങ്ങ​ളിൽ ഇരിക്കു​ക​യാ​യി​രു​ന്നു. എല്ലാ പ്രവാ​ച​ക​ന്മാ​രും അവരുടെ മുന്നിൽ പ്രവചി​ച്ചു​കൊ​ണ്ടി​രു​ന്നു.+ 11 അപ്പോൾ കെനാ​ന​യു​ടെ മകനായ സിദെ​ക്കിയ ഇരുമ്പു​കൊണ്ട്‌ കൊമ്പു​കൾ ഉണ്ടാക്കി​യിട്ട്‌ ഇങ്ങനെ പറഞ്ഞു: “യഹോവ പറയുന്നു: ‘സിറി​യ​ക്കാർ ചത്തൊ​ടു​ങ്ങു​ന്ന​തു​വരെ നീ ഇതു​കൊണ്ട്‌ അവരെ കുത്തി​വീ​ഴ്‌ത്തും.’”* 12 മറ്റെല്ലാ പ്രവാ​ച​ക​ന്മാ​രും അതു​പോ​ലെ​തന്നെ പ്രവചി​ച്ചു. അവർ പറഞ്ഞു: “രാമോ​ത്ത്‌-ഗിലെ​യാ​ദി​ലേക്കു പോകുക; രാജാവ്‌ തീർച്ച​യാ​യും വിജയി​ക്കും. യഹോവ അതു രാജാ​വി​ന്റെ കൈയിൽ ഏൽപ്പി​ക്കും.”