13 മീഖായയെ കൂട്ടി​ക്കൊ​ണ്ടു​വ​രാൻ പോയ ദൂതൻ മീഖാ​യ​യോ​ടു പറഞ്ഞു: “ഇതാ, പ്രവാ​ച​ക​ന്മാർ ഒന്നടങ്കം രാജാ​വിന്‌ അനുകൂ​ല​മാ​യി പ്രവചി​ക്കു​ന്നു. ദയവു​ചെ​യ്‌ത്‌ അങ്ങും അവരെ​പ്പോ​ലെ രാജാ​വി​നെ പ്രസാ​ദി​പ്പി​ക്കുന്ന വിധത്തിൽ സംസാ​രി​ക്കണം.”+ 14 എന്നാൽ മീഖായ പറഞ്ഞു: “യഹോ​വ​യാ​ണെ, യഹോവ എന്നോട്‌ എന്താണോ പറയു​ന്നത്‌ അതു ഞാൻ പറയും.” 15 അങ്ങനെ മീഖായ ഇസ്രാ​യേൽരാ​ജാ​വി​ന്റെ അടുത്ത്‌ വന്നു. രാജാവ്‌ മീഖാ​യ​യോട്‌, “മീഖായാ, ഞങ്ങൾ രാമോ​ത്ത്‌-ഗിലെ​യാ​ദി​നു നേരെ യുദ്ധത്തി​നു പോക​ണോ അതോ പിന്മാ​റ​ണോ” എന്നു ചോദി​ച്ചു. ഉടനെ മീഖായ പറഞ്ഞു: “പോകുക. അങ്ങ്‌ തീർച്ച​യാ​യും വിജയി​ക്കും. യഹോവ അതു രാജാ​വി​ന്റെ കൈയിൽ ഏൽപ്പി​ക്കും.” 16 അപ്പോൾ രാജാവ്‌ മീഖാ​യ​യോട്‌: “എന്നോടു സത്യം മാത്രമേ പറയാവൂ എന്ന്‌ എത്ര തവണ ഞാൻ നിന്നെ​ക്കൊണ്ട്‌ യഹോ​വ​യു​ടെ നാമത്തിൽ സത്യം ചെയ്യി​ക്കണം!” 17 മീഖായ പറഞ്ഞു: “ഇടയനി​ല്ലാത്ത ആടുക​ളെ​പ്പോ​ലെ ഇസ്രാ​യേ​ല്യ​രെ​ല്ലാം മലകളിൽ ചിതറി നടക്കു​ന്നതു ഞാൻ കാണുന്നു.+ യഹോവ പറഞ്ഞു: ‘ഇവയ്‌ക്കു നാഥനില്ല. ഓരോ​രു​ത്ത​രും അവരവ​രു​ടെ വീട്ടി​ലേക്കു സമാധാ​ന​ത്തോ​ടെ തിരി​ച്ചു​പോ​കട്ടെ.’”