ദിനവൃ​ത്താ​ന്തം രണ്ടാം ഭാഗം

9 ശലോ​മോ​നെ​ക്കു​റിച്ച്‌ കേട്ടറിഞ്ഞ ശേബയി​ലെ രാജ്ഞി,+ ശലോ​മോ​നെ പരീക്ഷി​ക്കാൻ കുഴപ്പി​ക്കുന്ന കുറെ ചോദ്യങ്ങളുമായി* യരുശ​ലേ​മി​ലേക്കു വന്നു. പരിവാ​ര​ങ്ങ​ളോ​ടൊ​പ്പം, ഒട്ടകപ്പു​റത്ത്‌ ധാരാളം സ്വർണവും+ അമൂല്യ​ര​ത്‌ന​ങ്ങ​ളും സുഗന്ധ​തൈ​ല​വും കയറ്റി പ്രൗഢി​യോ​ടെ​യാ​ണു രാജ്ഞി വന്നത്‌. രാജ്ഞി ശലോ​മോ​ന്റെ സന്നിധി​യിൽ ചെന്ന്‌ ഹൃദയ​ത്തി​ലു​ണ്ടാ​യി​രുന്ന എല്ലാ കാര്യ​ങ്ങ​ളെ​ക്കു​റി​ച്ചും ശലോ​മോ​നോ​ടു സംസാ​രി​ച്ചു.+ 2 രാജ്ഞിയുടെ എല്ലാ ചോദ്യ​ങ്ങൾക്കും ശലോ​മോൻ ഉത്തരം കൊടു​ത്തു. ഉത്തരം കൊടു​ക്കാൻ ശലോ​മോന്‌ ഒട്ടും പ്രയാ​സ​പ്പെ​ടേ​ണ്ടി​വ​ന്നില്ല.*

3 ശലോമോന്റെ ജ്ഞാനം,+ ശലോ​മോൻ പണിത ഭവനം,+ 4 മേശയിലെ വിഭവങ്ങൾ,+ ഭൃത്യ​ന്മാ​രു​ടെ ഇരിപ്പി​ട​ക്ര​മീ​ക​ര​ണങ്ങൾ, ഭക്ഷണം വിളമ്പുന്ന പരിചാ​ര​ക​രു​ടെ ഉപചാ​രങ്ങൾ, അവരുടെ വേഷഭൂ​ഷാ​ദി​കൾ, പാനപാ​ത്ര​വാ​ഹകർ, അവരുടെ വേഷഭൂ​ഷാ​ദി​കൾ, യഹോ​വ​യു​ടെ ഭവനത്തിൽ ശലോ​മോൻ പതിവാ​യി അർപ്പി​ക്കുന്ന ദഹനബലികൾ+ എന്നിങ്ങ​നെ​യു​ള്ള​തെ​ല്ലാം നേരിട്ട്‌ കണ്ടപ്പോൾ ശേബാ​രാ​ജ്ഞി അമ്പരന്നു​പോ​യി!* 5 രാജ്ഞി ശലോ​മോൻ രാജാ​വി​നോ​ടു പറഞ്ഞു: “അങ്ങയുടെ നേട്ടങ്ങളെയും* ജ്ഞാന​ത്തെ​യും കുറിച്ച്‌ എന്റെ ദേശത്തു​വെച്ച്‌ കേട്ട​തെ​ല്ലാം സത്യമാ​ണെന്ന്‌ എനിക്കു ബോധ്യ​മാ​യി. 6 പക്ഷേ ഇവിടെ വന്ന്‌ ഇതെല്ലാം സ്വന്തം കണ്ണു​കൊണ്ട്‌ കാണു​ന്ന​തു​വരെ ഞാൻ അതു വിശ്വ​സി​ച്ചില്ല.+ ഇതിന്റെ പാതി​പോ​ലും ഞാൻ കേട്ടി​രു​ന്നില്ല എന്നതാണു വാസ്‌തവം!+ അങ്ങയുടെ ജ്ഞാനം ഞാൻ കേട്ടതി​ലും എത്രയോ അധിക​മാണ്‌!+ 7 അങ്ങയുടെ ജനവും അങ്ങയുടെ ജ്ഞാനം കേട്ടു​കൊണ്ട്‌ അങ്ങയുടെ സന്നിധി​യിൽ നിത്യം നിൽക്കുന്ന ഭൃത്യ​ന്മാ​രും എത്ര ഭാഗ്യ​വാ​ന്മാർ! 8 അങ്ങയിൽ പ്രസാ​ദിച്ച്‌ അങ്ങയെ തനിക്കു​വേണ്ടി തന്റെ സിംഹാ​സ​ന​ത്തിൽ അവരോ​ധിച്ച അങ്ങയുടെ ദൈവ​മായ യഹോവ വാഴ്‌ത്ത​പ്പെ​ടട്ടെ. ഇസ്രാ​യേ​ലി​നെ സ്‌നേഹിക്കുന്നതുകൊണ്ടും+ അവർ എന്നും നിലനിൽക്കാൻ ആഗ്രഹി​ക്കു​ന്ന​തു​കൊ​ണ്ടും ആണ്‌ നീതി​യോ​ടും ന്യായ​ത്തോ​ടും കൂടെ ഭരിക്കാൻ അങ്ങയുടെ ദൈവ​മായ യഹോവ അങ്ങയെ രാജാ​വാ​യി നിയമി​ച്ചി​രി​ക്കു​ന്നത്‌.”

9 പിന്നെ രാജ്ഞി ശലോ​മോൻ രാജാ​വിന്‌ 120 താലന്തു* സ്വർണവും+ വളരെ​യ​ധി​കം സുഗന്ധ​തൈ​ല​വും അമൂല്യ​ര​ത്‌ന​ങ്ങ​ളും സമ്മാനി​ച്ചു. ശേബാ​രാ​ജ്ഞി ശലോ​മോൻ രാജാ​വി​നു സമ്മാനി​ച്ച​തു​പോ​ലുള്ള സുഗന്ധ​തൈലം പിന്നീട്‌ ഒരിക്ക​ലും ആരും കൊണ്ടു​വ​ന്നി​ട്ടില്ല.+

10 ഓഫീരിൽനിന്ന്‌ സ്വർണം കൊണ്ടു​വന്ന, ഹീരാമിന്റെയും+ ശലോ​മോ​ന്റെ​യും ദാസന്മാർ അതോ​ടൊ​പ്പം രക്തചന്ദ​ന​ത്ത​ടി​ക​ളും അമൂല്യ​ര​ത്‌ന​ങ്ങ​ളും കൊണ്ടു​വന്നു.+ 11 രാജാവ്‌ ആ രക്തചന്ദ​ന​ത്ത​ടി​കൊണ്ട്‌ യഹോ​വ​യു​ടെ ഭവനത്തി​ലും രാജാ​വി​ന്റെ കൊട്ടാരത്തിലും+ ഗോവണിപ്പടികളും+ ഗായകർക്കു വേണ്ട കിന്നര​ങ്ങ​ളും തന്ത്രി​വാ​ദ്യ​ങ്ങ​ളും നിർമി​ച്ചു.+ മുമ്പൊ​രി​ക്ക​ലും അത്രയും നല്ല രക്തചന്ദ​ന​ത്ത​ടി​കൾ യഹൂദാ​ദേ​ശത്ത്‌ കണ്ടിട്ടില്ല.

12 ശേബാരാജ്ഞി ആഗ്രഹി​ച്ച​തും ചോദി​ച്ച​തും എല്ലാം ശലോ​മോൻ രാജാവ്‌ കൊടു​ത്തു. രാജ്ഞി രാജാ​വി​നു കൊടു​ത്ത​തി​നെ​ക്കാൾ കൂടുതൽ* രാജ്ഞിക്കു ലഭിച്ചു. പിന്നെ രാജ്‌ഞി ഭൃത്യ​ന്മാ​രോ​ടൊ​പ്പം സ്വദേ​ശ​ത്തേക്കു മടങ്ങി​പ്പോ​യി.+

13 ശലോമോന്‌ ഒരു വർഷം ലഭിക്കുന്ന സ്വർണ​ത്തി​ന്റെ തൂക്കം 666 താലന്താ​യി​രു​ന്നു.+ 14 കച്ചവടക്കാരും വ്യാപാ​രി​ക​ളും കൊണ്ടു​വ​ന്ന​തി​നു പുറ​മേ​യാ​യി​രു​ന്നു ഇത്‌. കൂടാതെ ഗവർണർമാ​രും എല്ലാ അറബി​രാ​ജാ​ക്ക​ന്മാ​രും ശലോ​മോ​നു സ്വർണ​വും വെള്ളി​യും കൊണ്ടു​വന്ന്‌ കൊടു​ത്തു.+

15 സങ്കരസ്വർണംകൊണ്ട്‌ ശലോ​മോൻ രാജാവ്‌ 200 വലിയ പരിചകളും+ (ഓരോ​ന്നി​നും 600 ശേക്കെൽ* സങ്കരസ്വർണം വേണ്ടി​വന്നു.)+ 16 കൂടാതെ 300 ചെറുപരിചകളും* (ഓരോ​ന്നി​നും മൂന്നു മിന* സ്വർണം വേണ്ടി​വന്നു.) ഉണ്ടാക്കി. രാജാവ്‌ അവ ലബാ​നോൻ-വനഗൃ​ഹ​ത്തിൽ സൂക്ഷിച്ചു.+

17 രാജാവ്‌ ആനക്കൊ​മ്പു​കൊണ്ട്‌ ഒരു മഹാസിം​ഹാ​സനം പണിക​ഴി​പ്പിച്ച്‌ തനിത്ത​ങ്കം​കൊണ്ട്‌ അതു പൊതി​ഞ്ഞു.+ 18 സിംഹാസനത്തിലേക്ക്‌ ആറു പടിക​ളു​ണ്ടാ​യി​രു​ന്നു. സിംഹാ​സ​ന​ത്തോ​ടു ചേർത്ത്‌ സ്വർണം​കൊണ്ട്‌ ഒരു പാദപീ​ഠം പണിതി​രു​ന്നു. ഇരിപ്പി​ട​ത്തി​ന്റെ ഇരുവ​ശ​ങ്ങ​ളി​ലും കൈ വെക്കാ​നുള്ള താങ്ങു​ക​ളും ഉണ്ടായി​രു​ന്നു. ആ താങ്ങു​ക​ളു​ടെ സമീപത്ത്‌ രണ്ടു സിംഹ​ങ്ങളെ ഉണ്ടാക്കി​വെ​ച്ചി​രു​ന്നു.+ 19 കൂടാതെ ഓരോ പടിയു​ടെ​യും രണ്ട്‌ അറ്റത്തും ഓരോ സിംഹം+ എന്ന കണക്കിൽ ആറു പടിക​ളി​ലാ​യി 12 സിംഹങ്ങൾ നിൽക്കു​ന്നു​ണ്ടാ​യി​രു​ന്നു. മറ്റൊരു രാജ്യ​ത്തും ഇതു​പോ​ലെ ഒന്നുണ്ടാ​യി​രു​ന്നില്ല. 20 ശലോമോൻ രാജാ​വി​ന്റെ പാനപാ​ത്ര​ങ്ങ​ളെ​ല്ലാം സ്വർണം​കൊ​ണ്ടും ലബാ​നോൻ-വനഗൃ​ഹ​ത്തി​ലെ ഉപകര​ണ​ങ്ങ​ളെ​ല്ലാം തനിത്ത​ങ്കം​കൊ​ണ്ടും ഉള്ളതാ​യി​രു​ന്നു. വെള്ളി​കൊണ്ട്‌ ഉണ്ടാക്കിയ ഒന്നുമു​ണ്ടാ​യി​രു​ന്നില്ല. കാരണം ശലോ​മോ​ന്റെ കാലത്ത്‌ വെള്ളിക്കു തീരെ വിലയി​ല്ലാ​യി​രു​ന്നു.+ 21 രാജാവിന്റെ കപ്പലുകൾ ഹീരാ​മി​ന്റെ ഭൃത്യന്മാരുമായി+ തർശീശിലേക്കു+ പോകുക പതിവാ​യി​രു​ന്നു. ആ തർശീ​ശു​ക​പ്പ​ലു​കൾ മൂന്നു വർഷം കൂടു​മ്പോൾ സ്വർണം, വെള്ളി, ആനക്കൊ​മ്പ്‌,+ ആൾക്കു​ര​ങ്ങു​കൾ, മയിലു​കൾ എന്നിവ​യു​മാ​യി മടങ്ങി​വ​ന്നി​രു​ന്നു.

22 അങ്ങനെ ശലോ​മോൻ രാജാവ്‌ ജ്ഞാനം​കൊ​ണ്ടും സമ്പത്തു​കൊ​ണ്ടും ഭൂമി​യി​ലെ മറ്റെല്ലാ രാജാ​ക്ക​ന്മാ​രെ​ക്കാ​ളും മികച്ചു​നി​ന്നു.+ 23 സത്യദൈവം ശലോ​മോ​നു നൽകിയ ജ്ഞാനം കേൾക്കാ​നാ​യി ഭൂമി​യി​ലെ എല്ലാ രാജാ​ക്ക​ന്മാ​രും ശലോ​മോ​നെ കാണാൻ ആഗ്രഹി​ച്ചു.+ 24 രാജാവിന്റെ അടുത്ത്‌ വരുന്ന​വ​രെ​ല്ലാം രാജാ​വി​നു സ്വർണ​ത്തി​ന്റെ​യും വെള്ളി​യു​ടെ​യും വസ്‌തു​ക്കൾ, വസ്‌ത്രങ്ങൾ,+ ആയുധങ്ങൾ, സുഗന്ധ​തൈലം, കുതി​രകൾ, കോവർക​ഴു​തകൾ എന്നിങ്ങ​നെ​യുള്ള കാഴ്‌ചകൾ കൊണ്ടു​വ​രു​മാ​യി​രു​ന്നു. എല്ലാ വർഷവും ഇതു തുടർന്നു. 25 ശലോമോനു തന്റെ കുതി​ര​കൾക്കും രഥങ്ങൾക്കും വേണ്ടി 4,000* ലായങ്ങ​ളു​ണ്ടാ​യി​രു​ന്നു. അദ്ദേഹ​ത്തിന്‌ 12,000 കുതി​ര​ക​ളു​മു​ണ്ടാ​യി​രു​ന്നു.*+ രാജാവ്‌ അവയെ രഥനഗ​ര​ങ്ങ​ളി​ലും യരുശ​ലേ​മിൽ തന്റെ അടുത്തും സൂക്ഷിച്ചു.+ 26 യൂഫ്രട്ടീസ്‌ നദിമു​തൽ ഫെലി​സ്‌ത്യ​രു​ടെ ദേശം​വ​രെ​യും ഈജി​പ്‌തി​ന്റെ അതിർത്തി​വ​രെ​യും ഉള്ള എല്ലാ രാജാ​ക്ക​ന്മാ​രെ​യും ശലോ​മോൻ അടക്കി​ഭ​രി​ച്ചു.+ 27 ശലോമോൻ രാജാവ്‌ വെള്ളിയെ കല്ലുകൾപോ​ലെ​യും ദേവദാ​രു​ത്ത​ടി​യെ ഷെഫേ​ല​യി​ലെ അത്തി മരങ്ങൾപോ​ലെ​യും യരുശ​ലേ​മിൽ സുലഭ​മാ​ക്കി.+ 28 അവർ ഈജി​പ്‌തിൽനി​ന്നും മറ്റെല്ലാ ദേശങ്ങ​ളിൽനി​ന്നും ശലോ​മോ​നു​വേണ്ടി കുതി​ര​കളെ കൊണ്ടു​വ​രു​മാ​യി​രു​ന്നു.+

29 ശലോമോന്റെ ബാക്കി ചരിത്രം+ ആദി​യോ​ടന്തം നാഥാൻ പ്രവാ​ച​കന്റെ പുസ്‌തകത്തിലും+ ശീലോ​ന്യ​നായ അഹീയ​യു​ടെ പ്രവചനങ്ങളിലും+ നെബാ​ത്തി​ന്റെ മകനായ യൊരോബെയാമിനെക്കുറിച്ച്‌+ ദിവ്യ​ദർശി​യായ ഇദ്ദൊയ്‌ക്ക്‌+ ഉണ്ടായ ദർശന​ങ്ങ​ളു​ടെ രേഖയി​ലും വിവരി​ച്ചി​ട്ടുണ്ട്‌. 30 ശലോമോൻ യരുശ​ലേ​മി​ലി​രുന്ന്‌ 40 വർഷം ഇസ്രാ​യേൽ മുഴുവൻ ഭരിച്ചു. 31 പിന്നെ പൂർവി​ക​രെ​പ്പോ​ലെ അന്ത്യവി​ശ്ര​മം​കൊ​ണ്ടു. ശലോ​മോ​നെ അപ്പനായ ദാവീ​ദി​ന്റെ നഗരത്തിൽ അടക്കം ചെയ്‌തു.+ ശലോ​മോ​ന്റെ മകൻ രഹബെ​യാം അടുത്ത രാജാ​വാ​യി.+