ഒരു റഷ്യൻ പെൺകു​ട്ടി​യു​ടെ പ്രത്യാശ

മോസ്‌കോ​യ്‌ക്ക്‌ 1,200-ലധികം കിലോ​മീ​റ്റർ വടക്കു​കി​ഴ​ക്കാ​യി സ്ഥിതി​ചെ​യ്യുന്ന, 1,00,000-ത്തിലധി​കം ജനസം​ഖ്യ​യുള്ള ഉക്ത എന്ന റഷ്യൻ പട്ടണം. അവിടെ താമസി​ക്കുന്ന ഒരു 15 വയസ്സു​കാ​രി ഭൂമി​യിൽ മെച്ചപ്പെട്ട അവസ്ഥ ഉണ്ടായി​രി​ക്കു​ന്ന​തിന്‌ അതിയായ ആഗ്രഹം പ്രകടി​പ്പി​ച്ചു. യഹോ​വ​യു​ടെ സാക്ഷി​ക​ളു​ടെ റഷ്യയി​ലെ ബ്രാഞ്ച്‌ ഓഫീ​സി​ലേ​ക്കയച്ച പിൻവ​രുന്ന കത്തിൽ അവൾ അതു വിശദീ​ക​രി​ച്ചു:

“ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏറ്റവും മഹാനായ മനുഷ്യൻ എന്ന പുസ്‌തകം യേശു​ക്രി​സ്‌തു​വി​ന്റെ ജീവി​ത​ത്തെ​ക്കു​റി​ച്ചു വിവരി​ക്കു​ന്നു​ണ്ടെന്നു കൂട്ടു​കാ​രി എന്നോടു പറഞ്ഞു. നിങ്ങളു​ടെ പുസ്‌ത​ക​ങ്ങ​ളി​ലും മാസി​ക​ക​ളി​ലും ലഘുപ​ത്രി​ക​ക​ളി​ലും എനിക്കു വളരെ താത്‌പ​ര്യ​മുണ്ട്‌. ഈ താത്‌പ​ര്യം വികാസം പ്രാപി​ച്ച​തെ​ങ്ങ​നെ​യെന്നു ഞാൻ വിശദീ​ക​രി​ക്കാം. റേഡി​യോ​യു​ടെ​യും ടെല​ഫോ​ണി​ന്റെ​യും ബില്ലട​യ്‌ക്കാ​നാ​യി ടെല​ഗ്രാഫ്‌ ഓഫീ​സിൽ ചെന്ന​പ്പോ​ഴാണ്‌ അതു സംഭവി​ച്ചത്‌. അവിടെ നിലത്ത്‌ ഒരു ലഘുലേഖ കിടക്കു​ന്നതു ഞാൻ കണ്ടു. പൊടി​ത​ട്ടി​ക്ക​ള​ഞ്ഞിട്ട്‌ ഞാനതു വായി​ക്കാ​നാ​രം​ഭി​ച്ചു. ജീവിതം ഇത്ര പ്രശ്‌ന​പൂ​രി​ത​മാ​യി​രി​ക്കു​ന്നത എന്തു​കൊണ്ട്‌? എന്നായി​രു​ന്നു അതിന്റെ ശീർഷകം.

“ആളുകൾ നേരി​ടുന്ന ദുരി​ത​ങ്ങ​ളെ​യും കഷ്ടതക​ളെ​യും​കു​റി​ച്ചു ഞാൻ വായിച്ചു. ലഘു​ലേ​ഖ​യു​ടെ പുറം​പേ​ജിൽ വാഗ്‌ദത്ത പറുദീ​സ​യി​ലെ ഒരു പുതിയ ജീവി​ത​ത്തെ​ക്കു​റി​ച്ചു ചിത്രീ​ക​രി​ച്ചി​രു​ന്നു. ഒരിക്കൽ അതു യാഥാർഥ്യ​മാ​യി​ത്തീ​രു​മെ​ന്നാണ്‌ എന്റെ പ്രത്യാശ. ആളുക​ളെ​ല്ലാം സന്തുഷ്ട​രും സംതൃ​പ്‌ത​രും ആരോ​ഗ്യ​മു​ള്ള​വ​രും ആയിരി​ക്കു​ന്നതു കാണാൻ ഞാൻ തീർച്ച​യാ​യും ആഗ്രഹി​ക്കു​ന്നു. മരിച്ചു​പോയ ബന്ധുക്കളെ കാണാ​നും എനിക്ക്‌ ആഗ്രഹ​മുണ്ട്‌. . . . ഭൗമിക പറുദീ​സ​യിൽ ജീവി​ക്കാ​നുള്ള പ്രത്യാശ കൈവ​രി​ക്കേ​ണ്ട​തിന്‌ എന്തു​ചെ​യ്യ​ണ​മെ​ന്ന​റി​യാൻ എനിക്കാ​ഗ്ര​ഹ​മുണ്ട്‌. കൂടു​ത​ലായ വിവര​ങ്ങ​ളോ പുസ്‌ത​ക​ങ്ങ​ളോ അയച്ചു​ത​രാൻ ഞാൻ അപേക്ഷി​ക്കു​ക​യാണ്‌. അവയുടെ വിലയും തപാൽക്കൂ​ലി​യും ഞാൻ വഹിച്ചു​കൊ​ള്ളാം.”

പറുദീ​സാ​ഭൂ​മി​യി​ലെ ജീവി​ത​ത്തെ​ക്കു​റി​ച്ചുള്ള സുദൃ​ഢ​വും ബൈബി​ള​ധി​ഷ്‌ഠി​ത​വു​മായ പ്രത്യാശ നേടാൻ സഹായി​ക്കുന്ന സാഹി​ത്യ​ങ്ങൾ നിങ്ങൾക്കും സ്വന്തമാ​ക്കാ​വു​ന്ന​താണ്‌. ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രി​ക​യു​ടെ ഒരു പ്രതി ലഭിക്കാ​നോ ആരെങ്കി​ലും നിങ്ങളു​ടെ വീട്ടിൽവന്ന്‌ നിങ്ങളു​മാ​യി ഒരു സൗജന്യ ഭവന ബൈബി​ള​ധ്യ​യനം നടത്താ​നോ ആഗ്രഹി​ക്കു​ന്നെ​ങ്കിൽ, നിങ്ങൾ ദയവായി Watch Tower, H-58 Old Khandala Road, Lonavla 410 401, Mah., India,-യിലേക്കോ 5-ാം പേജിൽ പട്ടിക​പ്പെ​ടു​ത്തി​യി​രി​ക്കുന്ന അനു​യോ​ജ്യ​മായ മേൽവി​ലാ​സ​ത്തി​ലോ എഴുതുക.