‘ഈ വിഷയത്തെ കുറിച്ച്‌ ഇത്രയും നല്ലൊരു പുസ്‌തകം ഞാൻ വായിച്ചിട്ടില്ല’
ദൈവത്തിനു വേണ്ടിയുള്ള മനുഷ്യവർഗത്തിന്റെ അന്വേഷണം (ഇംഗ്ലീഷ്‌) എന്ന പുസ്‌തകത്തെപ്പറ്റി ലൂഥറൻ സഭക്കാരനായ ഒരു അധ്യാപകൻ പറഞ്ഞത്‌ അങ്ങനെയാണ്‌. യു.എസ്‌.എ.-യിലെ കാലിഫോർണിയയിലുള്ള സാൻ ഡിയാഗോവിൽ താമസിക്കുന്ന ആ അധ്യാപകൻ നന്ദി രേഖപ്പെടുത്തിക്കൊണ്ട്‌ പിൻവരുന്ന പ്രകാരം എഴുതി:
“നാം ജീവിക്കുന്ന ക്രമംകെട്ട ഈ ലോകത്തെ കുറിച്ചുള്ള നിങ്ങളുടെ വീക്ഷണം ഞാനുമായി പങ്കുവെക്കുന്നതിന്‌ നിങ്ങൾ നടത്തിയ ശ്രമത്തിനും അതുപോലെതന്നെ എനിക്കായി ചെലവഴിച്ച സമയത്തിനും നന്ദി. ദൈവത്തിനു വേണ്ടിയുള്ള മനുഷ്യവർഗത്തിന്റെ അന്വേഷണം എന്ന പുസ്‌തകം ഞാൻ രണ്ടാവർത്തി വായിച്ചുകഴിഞ്ഞു. ഈ വിഷയത്തെ കുറിച്ച്‌ ഇത്രയും നല്ലൊരു പുസ്‌തകം ഞാൻ വായിച്ചിട്ടില്ല. ഞാൻ ശരിക്ക്‌ അന്വേഷിക്കാത്തതുകൊണ്ടായിരിക്കാം, ലൂഥറൻ സഭയിൽ ഇതുപോലൊരു പ്രസിദ്ധീകരണം ഞാൻ കണ്ടിട്ടില്ല. എങ്കിലും യഹോവയുടെ സാക്ഷികളായ നിങ്ങളുടെ ഈ പ്രസിദ്ധീകരണം ഞാൻ വായിച്ചിട്ടുള്ള ഞങ്ങളുടെ പ്രസിദ്ധീകരണങ്ങളെക്കാളൊക്കെ വളരെ മികച്ചതാണ്‌. എന്റെ ആത്മീയ ക്ഷേമത്തിൽ നിങ്ങൾ തുടർച്ചയായി പ്രകടിപ്പിക്കുന്ന താത്‌പര്യത്തിനായി നന്ദി പറയുന്നു.”
ദൈവത്തിനു വേണ്ടിയുള്ള മനുഷ്യവർഗത്തിന്റെ അന്വേഷണം എന്ന പുസ്‌തകത്തിൽ പുരാണം, മന്ത്രവാദം, ആത്മവിദ്യ എന്നിവയ്‌ക്കു പുറമേ ഹൈന്ദവ മതം, ബുദ്ധമതം, താവോ മതം, കൺഫ്യൂഷ്യസ്‌ മതം, ഷിന്റോ മതം, യഹൂദമതം, ക്രൈസ്‌തവമതം, ഇസ്ലാം മതം എന്നിവയെ കുറിച്ചുമുള്ള അധ്യായങ്ങളുണ്ട്‌. ദൈവത്തെ അവനു സ്വീകാര്യമായ വിധത്തിൽ ആരാധിക്കുന്നതു സംബന്ധിച്ച നിർദേശങ്ങളും അതിലുണ്ട്‌. 384 പേജുള്ള ഈ പുസ്‌തകത്തെ കുറിച്ച്‌ കൂടുതൽ വിവരങ്ങൾ അറിയാൻ ആഗ്രഹിക്കുന്നെങ്കിൽ ഇതോടൊപ്പമുള്ള കൂപ്പൺ പൂരിപ്പിച്ച്‌ അതിൽ നൽകിയിരിക്കുന്ന മേൽവിലാസത്തിലോ ഈ മാസികയുടെ 5-ാം പേജിൽ നൽകിയിരിക്കുന്ന ഉചിതമായ വിലാസത്തിലോ അയയ്‌ക്കുക.
□ ദൈവത്തിനു വേണ്ടിയുള്ള മനുഷ്യവർഗത്തിന്റെ അന്വേഷണം എന്ന പുസ്‌തകത്തെ കുറിച്ച്‌ കൂടുതൽ വിവരങ്ങൾ അയച്ചു തരിക.
□ ഒരു സൗജന്യ ഭവന ബൈബിൾ അധ്യയനത്തിനു താത്‌പര്യമുണ്ട്‌. എന്റെ വിലാസം: