ദുഷ്ടാ​ത്മാ​ക്ക​ളിൽ വിശ്വ​സി​ക്കു​ന്ന​താർ?

അദൃശ്യാ​ത്മാ​ക്കൾക്കു നിങ്ങളു​ടെ ജീവി​തത്തെ സ്വാധീ​നി​ക്കാ​നാ​വു​മെന്നു നിങ്ങൾ വിശ്വ​സി​ക്കു​ന്നു​ണ്ടോ? ഇല്ലേയില്ല എന്ന തിട്ടമാ​യൊ​രു ഉത്തരമാ​യി​രി​ക്കും പലർക്കും ഉണ്ടാവുക. ദൈവ​മു​ണ്ടെന്നു സമ്മതി​ക്കു​മ്പോൾത്തന്നെ ദുഷ്ടത പ്രവർത്തി​ക്കുന്ന അമാനു​ഷിക വ്യക്തി​ക​ളെ​ക്കു​റി​ച്ചുള്ള ആശയത്തെ അവർ പുച്ഛി​ച്ചു​ത​ള്ളു​ന്നു.

അദൃശ്യാ​ത്മാ​ക്ക​ളി​ലുള്ള വിശ്വാ​സ​രാ​ഹി​ത്യം പാശ്ചാത്യ രാജ്യ​ങ്ങ​ളിൽ വ്യാപ​ക​മാ​യി കണ്ടുവ​രു​ന്നു. ഭൂമി പ്രപഞ്ച​ത്തി​ന്റെ കേന്ദ്ര​ബി​ന്ദു​വാണ്‌, അതു സ്വർഗ​ത്തി​നും താഴെ​യുള്ള നരകത്തി​നും ഇടയ്‌ക്കു സ്ഥിതി​ചെ​യ്യു​ന്നു എന്നൊക്കെ നൂററാ​ണ്ടു​ക​ളാ​യി പഠിപ്പിച്ച ക്രൈ​സ്‌ത​വ​ലോ​ക​ത്തി​ന്റെ സ്വാധീ​ന​മാണ്‌ അതിനുള്ള ഒരു കാരണം. ഈ പഠിപ്പി​ക്ക​ല​നു​സ​രിച്ച്‌, ദൂതൻമാർ സ്വർഗ​ത്തിൽ പരമാ​ന​ന്ദ​സു​ഖം അനുഭ​വി​ക്കു​ന്നു, ഭൂതങ്ങൾ നരകത്തി​ലെ കാര്യങ്ങൾ നോക്കി​ന​ട​ത്തു​ന്നു.

ശാസ്‌ത്ര​ത്തി​ന്റെ കണ്ടെത്ത​ലു​കൾ നിമിത്തം പ്രപഞ്ച​ത്തി​ന്റെ ഘടന സംബന്ധിച്ച തെററായ ആശയങ്ങളെ തള്ളിക്ക​ള​യാൻ ആളുകൾ നിർബ​ന്ധി​ത​രാ​യ​തോ​ടെ ആത്മജീ​വി​ക​ളി​ലുള്ള വിശ്വാ​സം ഫാഷന​ല്ലാ​താ​യി​ത്തീർന്നു. “പ്രത്യ​ക്ഷ​ത്തിൽ അനന്തമായ പ്രപഞ്ച​ത്തി​ലുള്ള ഒരു ഗാലക്‌സി​യു​ടെ വളരെ ചെറിയ ഭാഗമായ സൗരയൂ​ഥ​ത്തി​ലുള്ള ഒരു ഗ്രഹം മാത്ര​മാ​ണു ഭൂമി, അല്ലാതെ പ്രപഞ്ച​ത്തി​ന്റെ കേന്ദ്ര​ബി​ന്ദു​വല്ല . . . എന്ന 16-ാം നൂററാ​ണ്ടി​ലെ കോപ്പർനി​ഷ്യൻ വിപ്ലവ​ത്തി​ന്റെ (പോളിഷ്‌ ജ്യോ​തി​ശ്ശാ​സ്‌ത്ര​ജ്ഞ​നായ കോപ്പർനി​ക്ക​സി​ന്റെ സിദ്ധാ​ന്ത​ങ്ങ​ളിൽ അടിസ്ഥാ​ന​പ്പെ​ടു​ത്തി​യുള്ള ചിന്താ​ധാ​ര​യു​ടെ) അനന്തര​ഫ​ല​മാ​യി ദൂതൻമാ​രെ​യും ഭൂതങ്ങ​ളെ​യും കുറി​ച്ചുള്ള ധാരണകൾ മേലാൽ യുക്തമാ​യി വീക്ഷി​ക്ക​പ്പെ​ടു​ന്നില്ല” എന്നു ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നിക്ക പ്രസ്‌താ​വി​ക്കു​ന്നു.

ദുഷ്ടാ​ത്മാ​ക്ക​ളിൽ വിശ്വ​സി​ക്കാ​ത്തവർ അനേക​രുണ്ട്‌, വിശ്വ​സി​ക്കു​ന്ന​വ​രാ​യി ലക്ഷങ്ങളും. മുൻകാ​ല​ത്തെ​യും ഇപ്പോ​ഴ​ത്തെ​യും അനേകം മതങ്ങളിൽ അപ്രധാ​ന​മ​ല്ലാത്ത റോളു​കൾ ഉള്ളവരാ​ണു വീഴ്‌ച​ഭ​വിച്ച ദൂതൻമാർ. ആത്മീയത ദുഷി​പ്പി​ക്കു​ന്നവർ എന്ന റോൾ കൂടാതെ, യുദ്ധം, ക്ഷാമം, ഭൂകമ്പങ്ങൾ എന്നിവ​പോ​ലുള്ള വിപത്തു​ക​ളു​ടെ ഏജൻറു​മാ​രാ​യും രോഗം, മാനസിക തകരാ​റു​കൾ, മരണം എന്നിവ ഉളവാ​ക്കു​ന്ന​വ​രാ​യും ഈ ചീത്ത ദൂതൻമാർ വീക്ഷി​ക്ക​പ്പെ​ടു​ന്നു.

ക്രിസ്‌ത്യാ​നി​ത്വം, യഹൂദ മതം എന്നിവ​യി​ലെ മുഖ്യ ദുഷ്ടാ​ത്മാ​വായ, പിശാ​ചായ സാത്താനെ മുസ്ലീം​ങ്ങൾ ഇബിലീസ്‌ എന്നു വിളി​ക്കു​ന്നു. അംഗ്ര മിന്യൂ എന്നാണു പുരാതന പേർഷ്യ​യി​ലെ പാർസി​മ​ത​ത്തിൽ അവൻ അറിയ​പ്പെ​ടു​ന്നത്‌. പൊ. യു. (പൊതു​യു​ഗം) രണ്ടും മൂന്നും നൂററാ​ണ്ടു​ക​ളി​ലാ​യി ഉടലെ​ടുത്ത നോസ്‌റ​റിക്‌ മതമെ​ടു​ത്താൽ അവൻ ഡെമ്യൂർജ്‌ ആണ്‌. അസൂയാ​ലു​വും താഴ്‌ന്ന​വ​നും അതേസ​മയം മനുഷ്യ​വർഗ​ത്തിൽ അധിക​പ​ങ്കിൽനി​ന്നും അജ്ഞതയിൽ ആരാധന ലഭിക്കു​ന്ന​വ​നു​മായ ഒരു ദൈവം എന്നാണ്‌ ആ പദത്തിന്റെ വിവക്ഷ.

മുഖ്യ ദുഷ്ടാ​ത്മാ​വി​നു കീഴി​ലുള്ള ശക്തി കുറഞ്ഞ ദുഷ്ടാ​ത്മാ​ക്ക​ളു​ടെ പ്രവർത്ത​നങ്ങൾ പ്രാധാ​ന്യ​ത്തോ​ടെ ചിത്രീ​ക​രി​ക്കു​ന്ന​വ​യാ​ണു പൂർവ​ദേശ മതങ്ങൾ. ദേവൻമാ​രെ എതിർക്കുന്ന അസുരൻമാർ (ഭൂതങ്ങൾ) ഉള്ളതായി ഹിന്ദുക്കൾ വിശ്വ​സി​ക്കു​ന്നു. ശ്‌മശാന ഭൂമി​ക​ളിൽ അടിക്കടി പ്രത്യ​ക്ഷ​പ്പെ​ടുന്ന ബീഭത്സ ജീവി​ക​ളായ, അസുരൻമാ​രിൽപ്പെട്ട രാക്ഷസൻമാ​രോട്‌ ആളുകൾക്കു വിശേ​ഷാൽ ഭയമാണ്‌.

സകല ആഗ്രഹ​ങ്ങ​ളും അസ്‌ത​മിച്ച നിർവാ​ണം എന്ന അവസ്ഥയിൽ എത്തി​പ്പെ​ടു​ന്ന​തിൽനി​ന്നു മനുഷ്യ​രെ തടയുന്ന വ്യക്തി​ത്വ​മുള്ള ശക്തിക​ളാ​യി ഭൂതങ്ങളെ വീക്ഷി​ക്കു​ന്ന​വ​രാ​ണു ബുദ്ധമ​ത​ക്കാർ. രതി (ആഗ്രഹം), രാഗ (സുഖം), തൻഹ (അസ്വസ്ഥത) എന്നീ മൂന്നു പെൺമ​ക്ക​ളുള്ള മാരാ ആണു ഭൂതങ്ങൾക്കി​ട​യി​ലെ ഒരു മുഖ്യ പ്രലോ​ഭകൻ.

ഗ്വെയിൽനിന്ന്‌ അഥവാ പ്രകൃതി ഭൂതങ്ങ​ളിൽനി​ന്നു സംരക്ഷണം ലഭിക്കാൻ ഉത്സവാഗ്നി, തീപന്തങ്ങൾ, പടക്കങ്ങൾ മുതലാ​യവ ഉപയോ​ഗി​ക്കു​ന്ന​വ​രാ​ണു ചൈന​യി​ലെ ആരാധകർ. ഒരു പുരോ​ഹി​ത​നാൽ പുറത്താ​ക്ക​പ്പെ​ടും​വരെ ആളുകൾക്കു ഭൂതബാ​ധ​യു​ണ്ടാ​ക്കുന്ന അരൂപി​ക​ളിൽ ഭയാന​ക​മായ തെങ്കൂ ഉൾപ്പെടെ അനേകം ഭൂതങ്ങ​ളു​ള്ള​താ​യി ജപ്പാനി​ലെ മതങ്ങളും വിശ്വ​സി​ക്കു​ന്നു.

അപ്പോ​ഴ​ത്തെ തങ്ങളുടെ സാഹച​ര്യ​ത്തി​നും മാനസി​കാ​വ​സ്ഥ​ക്കും അനുസൃ​ത​മാ​യി ആത്മസൃ​ഷ്ടി​കൾ സഹായ​മോ ദോഷ​മോ ചെയ്യു​മെന്നു വിശ്വ​സി​ക്കു​ന്ന​വ​യാണ്‌ ഏഷ്യ, ആഫ്രിക്ക, ഓഷ്യാ​നിയ, അമേരി​ക്കകൾ എന്നിവി​ട​ങ്ങ​ളി​ലെ നിരക്ഷര മതങ്ങളിൽ പലതും. ദുരന്തം ഒഴിഞ്ഞു​പോ​കാ​നും അനു​ഗ്ര​ഹങ്ങൾ പ്രാപി​ക്കാ​നും ആളുകൾ ഈ ആത്മാക്കളെ പൂജി​ക്കു​ന്നു.

മാജി​ക്കി​ലും ആത്മവി​ദ്യ​യി​ലും ഇന്നു വ്യാപ​ക​മാ​യി കാണുന്ന താത്‌പ​ര്യം ഇതി​നെ​ല്ലാം പുറ​മേ​യാണ്‌. ദുഷ്ടാ​ത്മാ​ക്ക​ളി​ലുള്ള വിശ്വാ​സ​ത്തി​നു ദീർഘ​വും പരപ്പാർന്ന​തു​മായ ഒരു ചരി​ത്ര​മു​ണ്ടെ​ന്നതു വ്യക്തമാണ്‌. എന്നാൽ അത്തരം സൃഷ്ടികൾ ഉണ്ടെന്നു വിശ്വ​സി​ക്കു​ന്നതു ന്യായ​യു​ക്ത​മാ​ണോ? ഉണ്ടെന്നാ​ണു ബൈബിൾ പറയു​ന്നത്‌. അപ്പോൾ, അവ ശരിക്കും സ്ഥിതി​ചെ​യ്യു​ന്നു​വെ​ങ്കിൽ ദോഷം വരത്തക്ക​വണ്ണം മനുഷ്യ​നെ സ്വാധീ​നി​ക്കാൻ ദൈവം എന്തു​കൊ​ണ്ടാണ്‌ അവരെ അനുവ​ദി​ക്കു​ന്നത്‌?