“ഇതു​പോ​ലൊന്ന്‌ ഇന്നേവരെ ഞാൻ കണ്ടിട്ടില്ല!”

ചിലി​യി​ലെ സാൻറി​യാ​ഗോ​യിൽ 1993-ൽ നടന്ന യഹോ​വ​യു​ടെ സാക്ഷി​ക​ളു​ടെ ചതുർദിന “ദിവ്യ​ബോ​ധന” ഡിസ്‌ട്രി​ക്‌ററ്‌ കൺ​വെൻ​ഷ​നിൽ പങ്കെടു​ക്കാൻ ആയിരം പ്രതി​നി​ധി​കളെ അയയ്‌ക്കു​ന്ന​തി​നുള്ള ക്ഷണം വാച്ച്‌ ടവർ സൊ​സൈ​റ​റി​യു​ടെ അർജൻറീ​ന​യി​ലെ ഓഫീ​സി​നു ലഭിക്കു​ക​യു​ണ്ടാ​യി. ഒരു വിദേശ കൺ​വെൻ​ഷ​നിൽ പങ്കെടു​ക്കേ​ണ്ട​തിന്‌ വലിയ കൂട്ടമാ​യി സഞ്ചരി​ക്കാൻ അർജൻറീ​ന​യി​ലെ സാക്ഷി​കൾക്കു ക്ഷണം ലഭിച്ച പ്രഥമാ​വ​സ​ര​മാ​യി​രു​ന്നു അത്‌.a പ്രതി​ക​ര​ണ​മോ? 8,500-ലധികം അപേക്ഷ​ക​ളു​ടെ ഒഴുക്കാ​യി​രു​ന്നു. അതിൽനിന്ന്‌ 1,039 പ്രതി​നി​ധി​കൾ തിര​ഞ്ഞെ​ടു​ക്ക​പ്പെട്ടു.

ബ്യൂണസ്‌ അയേഴ്‌സിൽനി​ന്നു സാൻറി​യാ​ഗോ​യി​ലേ​ക്കുള്ള 1,400 കിലോ​മീ​ററർ യാത്ര​ക്കു​വേണ്ടി മൊത്തം 14 ബസ്സുകൾ ഏർപ്പാടു ചെയ്യു​ക​യു​ണ്ടാ​യി. പകിട്ടാർന്ന പ്രകൃ​തി​ദൃ​ശ്യം 26 മണിക്കൂർ ദൈർഘ്യ​മുള്ള യാത്രക്ക്‌ ഉണർവേകി. ആൻഡീസ്‌ പർവത​നി​രകൾ കുറുകെ കടന്നു​കൊ​ണ്ടു പ്രതി​നി​ധി​കൾ പശ്ചിമാർധ​ഗോ​ള​ത്തി​ലെ ഏററവും ഉയരം കൂടിയ പർവത​മായ 6,960 മീററ​റുള്ള അക്കോൺകാ​ഗ്വാ​യു​ടെ സമീപ​ത്തി​ലൂ​ടെ കടന്നു​പോ​യി. വളഞ്ഞു​പു​ളഞ്ഞ പർവത​പാ​ത​യി​ലൂ​ടെ ചിലി​യി​ലേക്ക്‌ കുത്ത​നെ​യുള്ള ഇറക്കം വിശേ​ഷാൽ സ്‌മര​ണീ​യ​മാ​യി​രു​ന്നു. വെല്ലു​വി​ളി ഉയർത്തുന്ന ഭൂപ്ര​ദേ​ശ​ത്തൂ​ടെ വിദഗ്‌ധ​മാ​യി വണ്ടി​യോ​ടി​ച്ച​തി​നു ഡ്രൈ​വർമാർക്കു നീണ്ടു​നിന്ന കരഘോ​ഷം ലഭിക്കു​ക​യു​ണ്ടാ​യി!

എന്നിരു​ന്നാ​ലും, ഏററവും മനോ​ഹ​ര​മായ ദൃശ്യം കൺ​വെൻ​ഷൻ സ്ഥലത്തു​ത​ന്നെ​യാ​യി​രു​ന്നു. ദേശീയ വിദ്വേ​ഷ​വും വർഗീയ കലാപ​വു​മുള്ള ഒരു ലോകത്ത്‌ 24 രാജ്യ​ങ്ങ​ളിൽനി​ന്നാ​യി 80,000 പേരുടെ ഒരു ഏകീകൃത സമൂഹം സന്നിഹി​ത​രാ​യി​രി​ക്കു​ന്നതു കാണാൻ കഴിഞ്ഞത്‌ എത്ര ഉൻമേ​ഷ​ദാ​യ​ക​മാ​യി​രു​ന്നു—തീർച്ച​യാ​യും ഒരു സാർവ​ദേ​ശീയ സാഹോ​ദ​ര്യം തന്നെ! കൺ​വെൻ​ഷ​നിൽ പങ്കെടു​ത്ത​വ​രു​ടെ ഐക്യം നേരിട്ടു കണ്ടതി​നാൽ ചില ബസ്സ്‌ ഡ്രൈ​വർമാർ യഹോ​വ​യു​ടെ സാക്ഷി​ക​ളെ​ക്കു​റി​ച്ചു കൂടുതൽ അറിയു​വാൻ താത്‌പ​ര്യം പ്രകടി​പ്പി​ച്ചു. അവരി​ലൊ​രാൾ ഇങ്ങനെ അഭി​പ്രാ​യ​പ്പെട്ടു: “ഇതു​പോ​ലൊന്ന്‌ ഇന്നേവരെ ഞാൻ കണ്ടിട്ടില്ല!”

[അടിക്കു​റി​പ്പു​കൾ]