മറിയ സ്വാഭാ​വിക കാരണ​ങ്ങ​ളാ​ലാ​ണോ മരിച്ചത്‌?

വത്തിക്കാൻ പത്രമായ ലൊ​സെർവാ​റ്റോ​റെ റൊമാ​നോ പറയു​ന്നത്‌ അനുസ​രിച്ച്‌, മറിയ​യു​ടെ സ്വർഗാ​രോ​ഹണം സംബന്ധിച്ച കത്തോ​ലി​ക്കാ ഉപദേശം ഇങ്ങനെ​യാണ്‌: “ആദ്യ പാപത്തി​ന്റെ സകല കളങ്കത്തിൽനി​ന്നും സംരക്ഷി​ക്ക​പ്പെട്ട, നിർമല കന്യക​യു​ടെ ഭൗമിക ജീവിതം അവസാ​നി​ച്ച​പ്പോൾ അവളുടെ ശരീര​വും ആത്മാവും സ്വർഗീയ മഹത്ത്വ​ത്തി​ലേക്ക്‌ എടുക്ക​പ്പെട്ടു.” മറിയ “മരിച്ചില്ല, മറിച്ച്‌ ഭൗമിക ജീവനിൽനിന്ന്‌ സ്വർഗീയ മഹത്ത്വ​ത്തി​ലേക്ക്‌ തത്‌ക്ഷണം ഉയർത്ത​പ്പെട്ടു” എന്ന്‌ അവകാ​ശ​പ്പെ​ടു​ന്ന​തി​ലേക്ക്‌ ഇത്‌ അനേകം കത്തോ​ലി​ക്കാ ദൈവ​ശാ​സ്‌ത്ര​ജ്ഞ​ന്മാ​രെ നയിച്ചി​രി​ക്കു​ന്നു​വെന്ന്‌ ആ പത്രം പറയുന്നു.a

അടുത്ത​യി​ടെ, ജോൺ പോൾ രണ്ടാമൻ പാപ്പാ പ്രസ്‌തുത സംഗതി വ്യത്യ​സ്‌ത​മായ ഒരു വിധത്തിൽ വിശദീ​ക​രി​ച്ചു. 1997 ജൂൺ 25-ന്‌ വത്തിക്കാ​നി​ലെ പൊതു സഭയിൽ അദ്ദേഹം പറഞ്ഞു: “മറിയ മരിച്ച സാഹച​ര്യ​ങ്ങ​ളെ​ക്കു​റിച്ച്‌ പുതിയ നിയമം യാതൊ​രു വിവര​വും നൽകു​ന്നില്ല. വിശേ​ഷാൽ പരാമർശം അർഹി​ക്കുന്ന യാതൊ​രു പ്രത്യേ​ക​ത​യും ഇല്ലാതെ സ്വാഭാ​വി​ക​മാ​യി​ട്ടാണ്‌ അതു സംഭവി​ച്ച​തെന്ന്‌ നിഗമനം ചെയ്യു​ന്ന​തി​ലേക്ക്‌ ഈ നിശ്ശബ്ദത ഒരുവനെ നയിക്കു​ന്നു. . . . അവൾ സ്വാഭാ​വിക കാരണ​ങ്ങ​ളാൽ മരിച്ചു എന്ന ആശയം തള്ളിക്ക​ള​യാൻ ഉദ്ദേശി​ച്ചുള്ള അഭി​പ്രായ പ്രകട​നങ്ങൾ അടിസ്ഥാന രഹിത​മാ​ണെന്നു തോന്നു​ന്നു.”

ജോൺ പോൾ പാപ്പാ​യു​ടെ പ്രസ്‌താ​വന മറിയ​യു​ടെ അമലോ​ത്ഭവം സംബന്ധിച്ച ഉപദേ​ശ​ത്തി​ലെ ഒരു ഗുരു​ത​ര​മായ തെറ്റ്‌ വെളി​ച്ചത്തു കൊണ്ടു​വ​രു​ന്നു. യേശു​വി​ന്റെ മാതാവ്‌ “ആദ്യ പാപത്തി​ന്റെ സകല കളങ്കത്തിൽനി​ന്നും സംരക്ഷി​ക്കപ്പെ”ട്ടിരു​ന്നെ​ങ്കിൽ, പാപി​യായ ആദാമിൽനിന്ന്‌ കൈമാ​റി കിട്ടിയ പാപത്തി​ന്റെ ഫലമായ “സ്വാഭാ​വിക കാരണങ്ങ”ളാൽ മറിയ​യ്‌ക്ക്‌ എങ്ങനെ മരിക്കാൻ കഴിയു​മാ​യി​രു​ന്നു? (റോമർ 5:12) യേശു​വി​ന്റെ അമ്മയെ കുറി​ച്ചുള്ള കത്തോ​ലി​ക്കാ സഭയുടെ വികല​മായ വീക്ഷണ​ത്തി​ന്റെ ഫലമാണ്‌ ഈ ദൈവ​ശാ​സ്‌ത്ര ധർമസ​ങ്കടം. ഈ സംഗതി​യെ പ്രതി കത്തോ​ലി​ക്കാ സഭയുടെ ഉള്ളിൽത്തന്നെ ഭിന്നത​യും ആശയക്കു​ഴ​പ്പ​വും ഉയർന്നു വന്നിരി​ക്കു​ന്ന​തിൽ തെല്ലും അതിശ​യ​മില്ല.

ബൈബിൾ മറിയയെ വിനയാ​ന്വി​ത​യും വിശ്വ​സ്‌ത​യും ദൈവ​ഭ​ക്ത​യു​മാ​യി ചിത്രീ​ക​രി​ക്കു​ന്നു എങ്കിലും അത്‌ ആ ഗുണങ്ങളെ “അമലോ​ത്ഭവ”ത്തോടു ബന്ധപ്പെ​ടു​ത്തു​ന്നില്ല. (ലൂക്കൊസ്‌ 1:38; പ്രവൃ​ത്തി​കൾ 1:13, 14) ബൈബിൾ ലളിത​മാ​യി പറയുന്നു: “എല്ലാവ​രും പാപം ചെയ്‌തു ദൈവ​തേ​ജസ്സു ഇല്ലാത്ത​വ​രാ​യി​ത്തീർന്നു.” (റോമർ 3:23) അതേ, ശേഷിച്ച മനുഷ്യ​വർഗ​ത്തെ​പ്പോ​ലെ തന്നെ മറിയ​യ്‌ക്കും പാപവും അപൂർണ​ത​യും പാരമ്പ​ര്യ​മാ​യി ലഭിച്ചു. അവൾ സ്വാഭാ​വിക കാരണ​ങ്ങ​ളാ​ലല്ല മരിച്ച​തെന്നു തെളി​യി​ക്കാൻ യാതൊ​രു തെളി​വു​മില്ല.—1 യോഹ​ന്നാൻ 1:8-10 താരത​മ്യം ചെയ്യുക.

[അടിക്കു​റി​പ്പു​കൾ]