നല്ല സ്‌നേ​ഹി​തരെ തിര​ഞ്ഞെ​ടു​ക്കാൻ ഒരു വഴികാ​ട്ടി

റീഡേ​ഴ്‌സ്‌ ഡൈജ​സ്റ്റി​ലെ ഒരു റിപ്പോർട്ടു പറയു​ന്ന​പ്ര​കാ​രം വേഷവി​ധാ​നം, സംഗീതം എന്നിവ തിര​ഞ്ഞെ​ടു​ക്കാൻ കുട്ടികൾ തങ്ങളുടെ മാതാ​പി​താ​ക്ക​ളെ​ക്കാൾ തരപ്പടി​ക്കാ​രെ​യാണ്‌ ആശ്രയി​ക്കു​ന്നത്‌. അതു​കൊണ്ട്‌, കുട്ടികൾ ആരോ​ടൊത്ത്‌, എവി​ടെ​യൊ​ക്കെ വെച്ചു സഹവസി​ക്കു​ന്നു എന്നു മാതാ​പി​താ​ക്കൾ അറിഞ്ഞി​രി​ക്കു​ന്നതു വളരെ പ്രധാ​ന​മാണ്‌.

“അന്വേ​ഷി​ക്കാ​നുള്ള ഉത്തരവാ​ദി​ത്വം നിങ്ങളു​ടേ​താണ്‌,” ഒരു ദക്ഷിണാ​ഫ്രി​ക്കൻ യൂണി​വേ​ഴ്‌സി​റ്റി​യി​ലെ മനഃശാ​സ്‌ത്ര വിഭാ​ഗ​ത്തി​ലെ ഒരു മുതിർന്ന അധ്യാ​പി​ക​യായ എസ്‌മെയ്‌ ഫൊൺ റെൻസ്‌ബ്യോർച്ച്‌ പറയുന്നു. അവർ കൂട്ടി​ച്ചേർക്കു​ന്നു: “കുട്ടി നിങ്ങ​ളോ​ടു നീരസ​പ്പെ​ട്ടേ​ക്കാം, കുഴപ്പ​മില്ല അവർ ശാന്തരാ​യി​ക്കൊ​ള്ളും.” പിന്നെ അവർ മാതാ​പി​താ​ക്കൾക്കു പിൻവി​രുന്ന നിർദേ​ശങ്ങൾ നൽകി. നിയമങ്ങൾ ന്യായ​വും തത്ത്വാ​ധി​ഷ്‌ഠി​ത​വും ആയിരി​ക്കണം; നിങ്ങളു​ടെ കുട്ടിക്കു പറയാ​നു​ള്ളതു ശ്രദ്ധിച്ചു കേൾക്കുക; സംയമ​ന​ത്തോ​ടെ പ്രതി​ക​രി​ക്കുക; ശാന്തരാ​യി​രി​ക്കുക; എന്തു പറയണ​മെ​ന്നതു സംബന്ധി​ച്ചു തിട്ടമു​ണ്ടാ​യി​രി​ക്കുക. നിങ്ങളു​ടെ കുട്ടി ഇപ്പോൾ ചീത്ത കൂട്ടു​കെ​ട്ടി​ലാ​ണെ​ങ്കിൽ കേവലം അത്‌ ഉപേക്ഷി​ക്കണം എന്നു പറയു​ന്ന​തി​നു പകരം, അതിന്റെ ദോഷ​വ​ശങ്ങൾ ചൂണ്ടി​ക്കാ​ണി​ക്കുക.

മാതാ​പി​താ​ക്കൾക്കുള്ള നല്ല ബുദ്ധി​യു​പ​ദേശം ദൈവ​വ​ച​ന​മായ ബൈബി​ളിൽ പണ്ടു മുതലേ ലഭ്യമാണ്‌. ഉദാഹ​ര​ണ​ത്തിന്‌ അതിങ്ങനെ പറയുന്നു: “എന്നാൽ ഏതു മനുഷ്യ​നും കേൾപ്പാൻ വേഗത​യും പറവാൻ താമസ​വും കോപ​ത്തി​ന്നു താമസ​വു​മു​ള്ളവൻ ആയിരി​ക്കട്ടെ.” (യാക്കോബ്‌ 1:19) കൂട്ടു​കാ​രെ തിര​ഞ്ഞെ​ടു​ക്കു​ന്നതു സംബന്ധിച്ച്‌ ഈ നല്ല ബുദ്ധി​യു​പ​ദേ​ശ​വും തിരു​വെ​ഴു​ത്തു​കൾ നൽകുന്നു: “ജ്ഞാനി​ക​ളോ​ടു​കൂ​ടെ നടക്ക; നീയും ജ്ഞാനി​യാ​കും; ഭോഷ​ന്മാർക്കു കൂട്ടാ​ളി​യാ​യ​വ​നോ വ്യസനി​ക്കേ​ണ്ടി​വ​രും.” (സദൃശ​വാ​ക്യ​ങ്ങൾ 13:20) വിലമ​തി​പ്പോ​ടെ ബൈബിൾ വായി​ക്കു​ക​യും അതിൽ പറയുന്ന കാര്യങ്ങൾ ദൈനം​ദിന ജീവി​ത​ത്തിൽ ബാധക​മാ​ക്കു​ക​യും ചെയ്യു​ന്ന​വർക്കു കൈവ​രുന്ന ജ്ഞാനമാണ്‌ ഈ ദൃഷ്ടാ​ന്തങ്ങൾ കാട്ടി​ത്ത​രു​ന്നത്‌.