അർമ്മ​ഗെ​ദ്ദോൻ—എന്താണ്‌ ചിലർ പറയു​ന്നത്‌?

“അവരെ എബ്രായ ഭാഷയിൽ ഹർമ്മ​ഗെ​ദ്ദോൻ എന്നു പേരുള്ള സ്ഥലത്തു കൂട്ടി​ച്ചേർത്തു.”—വെളി​പാട്‌ 16:16.

“ഹർമ്മ​ഗെ​ദ്ദോൻ” അഥവാ “അർമ്മ​ഗെ​ദ്ദോൻ” എന്ന വാക്കു കേൾക്കു​മ്പോൾ എന്താണ്‌ നിങ്ങളു​ടെ മനസ്സിൽ തെളി​യു​ന്നത്‌? സംഭവി​ക്കാൻ പോകുന്ന ഒരു മഹാദു​ര​ന്ത​മാ​ണോ? ബൈബി​ളിൽ ഒരിടത്തു മാത്രമേ ഈ പദം കാണു​ന്നു​ള്ളൂ; എന്നാൽ മാധ്യ​മ​ങ്ങ​ളും മതനേ​താ​ക്ക​ന്മാ​രും കൂടെ​ക്കൂ​ടെ ഉപയോ​ഗി​ക്കുന്ന ഒരു പദമാണ്‌ ഇത്‌.

അർമ്മ​ഗെ​ദ്ദോ​നെ​ക്കു​റിച്ച്‌ ആളുകൾക്ക്‌ പരക്കെ​യുള്ള അഭി​പ്രാ​യ​വും ബൈബിൾ പഠിപ്പി​ക്കു​ന്ന​തും തമ്മിൽ പൊരു​ത്ത​മു​ണ്ടോ? ഉത്തരം അറി​യേ​ണ്ടത്‌ പ്രധാ​ന​മാണ്‌. കാരണം, സത്യം മനസ്സി​ലാ​ക്കു​മ്പോൾ അനാവ​ശ്യ​ഭയം ഒഴിവാ​ക്കാ​നും ഭാവി​യെ​ക്കു​റി​ച്ചുള്ള നിങ്ങളു​ടെ കാഴ്‌ച​പ്പാട്‌ ഭാസു​ര​മാ​ക്കാ​നും ദൈവ​ത്തെ​ക്കു​റി​ച്ചുള്ള അബദ്ധധാ​ര​ണകൾ തിരു​ത്താ​നും നിങ്ങൾക്കാ​കും.

തുടർന്നു​വ​രു​ന്ന മൂന്നു​ചോ​ദ്യ​ങ്ങൾ വിശക​ലനം ചെയ്യവെ, അർമ്മ​ഗെ​ദ്ദോ​നെ​ക്കു​റിച്ച്‌ ആളുകൾക്ക്‌ പൊതു​വെ​യുള്ള വീക്ഷണ​വും ബൈബിൾ യഥാർഥ​ത്തിൽ പഠിപ്പി​ക്കുന്ന കാര്യ​ങ്ങ​ളും ഒന്നു താരത​മ്യം ചെയ്‌തു​നോ​ക്കുക.

1. അർമ്മ​ഗെ​ദ്ദോൻ മനുഷ്യ​രാ​ലുള്ള ഒരു ദുരന്ത​മാ​യി​രി​ക്കു​മോ?

മനുഷ്യർ വരുത്തുന്ന ദുരന്ത​ങ്ങളെ കുറി​ക്കാൻ മാധ്യ​മ​പ്ര​വർത്ത​ക​രും ഗവേഷ​ക​രും പലപ്പോ​ഴും “അർമ്മ​ഗെ​ദ്ദോൻ” എന്ന പദം ഉപയോ​ഗി​ക്കാ​റുണ്ട്‌. ഉദാഹ​ര​ണ​ത്തിന്‌, ഒന്നും രണ്ടും ലോക​മ​ഹാ​യു​ദ്ധ​ങ്ങളെ അർമ്മ​ഗെ​ദ്ദോൻ എന്ന്‌ പരാമർശി​ക്കു​ക​യു​ണ്ടാ​യി. പിന്നീട്‌, ഐക്യ​നാ​ടു​ക​ളും സോവി​യറ്റ്‌ യൂണി​യ​നും ശത്രു​ത​യി​ലാ​യ​പ്പോൾ അവർ പരസ്‌പരം അണ്വാ​യു​ധങ്ങൾ ഉപയോ​ഗി​ക്കു​മോ എന്ന ഭയത്തി​ലാ​യി ലോകം. ആ ദുരന്ത​സാ​ധ്യ​തയെ മാധ്യ​മ​ലോ​കം “ആണവ അർമ്മ​ഗെ​ദ്ദോൻ” എന്നാണ്‌ വിശേ​ഷി​പ്പി​ച്ചത്‌. ഇന്ന്‌ മലിനീ​ക​ര​ണം​മൂ​ലം കാലാ​വ​സ്ഥ​യിൽ വലിയ മാറ്റങ്ങൾ ഉണ്ടാകു​മെന്നു ഭയക്കുന്ന ഗവേഷകർ “കാലാ​വസ്ഥാ അർമ്മ​ഗെ​ദ്ദോൻ” ആസന്നമാ​യി​രി​ക്കു​ന്നു എന്ന്‌ മുന്നറി​യി​പ്പു നൽകുന്നു.

ആളുകൾ മനസ്സി​ലാ​ക്കി​യി​രി​ക്കു​ന്നത്‌: ഭൂമി​യു​ടെ​യും അതിലെ ജീവജാ​ല​ങ്ങ​ളു​ടെ​യും ഭാവി മനുഷ്യ​ന്റെ കരങ്ങളി​ലാണ്‌. ഭരണകൂ​ടങ്ങൾ ജ്ഞാന​ത്തോ​ടെ പ്രവർത്തി​ച്ചി​ല്ലെ​ങ്കിൽ ഭൂമി​യു​ടെ സമ്പൂർണ​നാ​ശം കാണേ​ണ്ടി​വ​രും.

ബൈബിൾ പഠിപ്പി​ക്കു​ന്നത്‌: ഭൂമിയെ നശിപ്പി​ക്കാൻ ദൈവം മനുഷ്യ​രെ അനുവ​ദി​ക്കു​ക​യില്ല. ബൈബിൾ ഉറപ്പു തരുന്നു: യഹോവa ഭൂമിയെ സൃഷ്ടി​ച്ചത്‌ “വ്യർത്ഥ​മാ​യി​ട്ടല്ല” മറിച്ച്‌ “പാർപ്പി​ന്ന​ത്രേ.” (യെശയ്യാ​വു 45:18) ഭൂമിയെ നശിപ്പി​ക്കാൻ മനുഷ്യ​രെ അനുവ​ദി​ക്കു​ന്ന​തി​നു പകരം, “ഭൂമിയെ നശിപ്പി​ക്കു​ന്ന​വരെ” ദൈവം ‘നശിപ്പി​ക്കും.’—വെളി​പാട്‌ 11:18.

2. അർമ്മ​ഗെ​ദ്ദോൻ ഒരു പ്രകൃ​തി​ദു​ര​ന്ത​മാ​യി​രി​ക്കു​മോ?

വലിയ പ്രകൃ​തി​വി​പ​ത്തു​കളെ മാധ്യ​മ​പ്ര​വർത്തകർ ചില​പ്പോ​ഴൊ​ക്കെ “അർമ്മ​ഗെ​ദ്ദോൻ” എന്ന്‌ വിളി​ക്കാ​റുണ്ട്‌. ഉദാഹ​ര​ണ​ത്തിന്‌, “ഹെയ്‌റ്റി​യിൽ ‘അർമ്മ​ഗെ​ദ്ദോൻ’” എന്ന തലക്കെ​ട്ടോ​ടെ 2010-ൽ ഒരു റിപ്പോർട്ടു വരുക​യു​ണ്ടാ​യി. അതിശ​ക്ത​മായ ഭൂകമ്പ​ത്തിൽ ആ രാജ്യ​ത്തു​ണ്ടായ കനത്ത നാശന​ഷ്ട​ങ്ങ​ളെ​യും ദുരി​ത​ങ്ങ​ളെ​യും ജീവാ​പാ​യ​ങ്ങ​ളെ​യും കുറി​ച്ചു​ള്ള​താ​യി​രു​ന്നു ആ റിപ്പോർട്ട്‌. സംഭവി​ച്ചു​ക​ഴിഞ്ഞ പ്രകൃ​തി​ദു​ര​ന്ത​ങ്ങളെ മാത്രമല്ല സംഭവി​ക്കു​മെന്ന്‌ ഭയപ്പെ​ടുന്ന ദുരന്ത​ങ്ങ​ളെ​യും അർമ്മ​ഗെ​ദ്ദോൻ എന്ന പദം ഉപയോ​ഗിച്ച്‌ മാധ്യ​മ​പ്ര​വർത്ത​ക​രും ചലച്ചി​ത്ര​ലോ​ക​വും വിശേ​ഷി​പ്പി​ക്കാ​റുണ്ട്‌. ഉദാഹ​ര​ണ​ത്തിന്‌, ഒരു ക്ഷുദ്ര​ഗ്രഹം ഭൂമി​യിൽ വന്നിടി​ച്ചാ​ലു​ണ്ടാ​കാ​വുന്ന ഭവിഷ്യ​ത്തു​കളെ വിവരി​ക്കു​ന്ന​തിന്‌ “അർമ്മ​ഗെ​ദ്ദോൻ” എന്ന പദം ഉപയോ​ഗി​ച്ചി​രി​ക്കു​ന്നു.

ആളുകൾ മനസ്സി​ലാ​ക്കി​യി​രി​ക്കു​ന്നത്‌: ദുഷ്ട​രെ​ന്നോ നല്ലവ​രെ​ന്നോ ഉള്ള വിവേചന കൂടാതെ ആളുകളെ കൊ​ന്നൊ​ടു​ക്കുന്ന ആകസ്‌മിക സംഭവ​മാണ്‌ അർമ്മ​ഗെ​ദ്ദോൻ. അതിൽനിന്ന്‌ രക്ഷപെ​ടാൻ നിങ്ങൾക്ക്‌ പ്രത്യേ​കിച്ച്‌ ഒന്നും ചെയ്യാ​നാ​കില്ല.

ബൈബിൾ പഠിപ്പി​ക്കു​ന്നത്‌: ദുഷ്ട​രെ​ന്നോ നല്ലവ​രെ​ന്നോ ഉള്ള വിവേചന കൂടാതെ ആളുകളെ കൊ​ന്നൊ​ടു​ക്കുന്ന ആകസ്‌മിക സംഭവമല്ല അർമ്മ​ഗെ​ദ്ദോൻ. ദുഷ്ടരാ​യവർ മാത്ര​മാണ്‌ അർമ്മ​ഗെ​ദ്ദോ​നിൽ നശിപ്പി​ക്ക​പ്പെ​ടുക. ഉടൻതന്നെ ‘ദുഷ്ടൻ ഇല്ലാതാ​കും; നീ അവന്റെ ഇടം സൂക്ഷി​ച്ചു​നോ​ക്കും; അവനെ കാണു​ക​യില്ല’ എന്ന്‌ ബൈബിൾ വാഗ്‌ദാ​നം ചെയ്യുന്നു.—സങ്കീർത്തനം 37:10.

3. അർമ്മ​ഗെ​ദ്ദോ​നിൽ ദൈവം ഭൂമിയെ നശിപ്പി​ക്കു​മോ?

നന്മയും തിന്മയും തമ്മിൽ ഒരു അന്തിമ​യു​ദ്ധം ഉണ്ടാകു​മെ​ന്നും അത്‌ ഭൂമി​യു​ടെ നാശത്തിൽ കലാശി​ക്കു​മെ​ന്നും ആണ്‌ അനേക മതസ്ഥരും വിശ്വ​സി​ക്കു​ന്നത്‌. ഈ വിഷയ​ത്തെ​ക്കു​റിച്ച്‌ ഒരു സംഘടന ഐക്യ​നാ​ടു​ക​ളിൽ ഒരു അഭി​പ്രായ വോ​ട്ടെ​ടുപ്പ്‌ നടത്തു​ക​യു​ണ്ടാ​യി. “അർമ്മ​ഗെ​ദ്ദോൻ യുദ്ധത്തിൽ” ലോകം അവസാ​നി​ക്കു​മെന്ന്‌ വിശ്വ​സി​ക്കു​ന്ന​താ​യി അതിൽ പങ്കെടുത്ത 40 ശതമാനം ആളുക​ളും പറഞ്ഞു.

ആളുകളുടെ പഠിപ്പി​ക്ക​ലിൽനി​ന്നു വ്യക്തമാ​കു​ന്നത്‌: ഭൂമി​യിൽ നിത്യം ജീവി​ക്കു​ന്ന​തി​നു​വേ​ണ്ടി​യല്ല ദൈവം മനുഷ്യ​നെ സൃഷ്ടി​ച്ചി​രി​ക്കു​ന്നത്‌. ഭൂമി​യും നിത്യം നിലനിൽക്കാ​നു​ള്ളതല്ല. മനുഷ്യ​രെ​ല്ലാം എന്നെങ്കി​ലും ഒരിക്കൽ മരിക്കണം; അതാണ്‌ ദൈവ​ത്തി​ന്റെ ഉദ്ദേശ്യം.

ബൈബിൾ പഠിപ്പി​ക്കു​ന്നത്‌: ദൈവം “ഭൂമിയെ അതൊ​രി​ക്ക​ലും ഇളകി​പ്പോ​കാ​ത​വണ്ണം അതിന്റെ അടിസ്ഥാ​ന​ത്തി​ന്മേൽ സ്ഥാപി​ച്ചി​രി​ക്കു​ന്നു” എന്ന്‌ ബൈബിൾ വ്യക്തമാ​യി പറയുന്നു. (സങ്കീർത്തനം 104:5) ഭൂമി​യി​ലെ നിവാ​സി​ക​ളെ​ക്കു​റിച്ച്‌ ബൈബിൾ പറയു​ന്നത്‌ ശ്രദ്ധി​ക്കുക: “നീതി​മാ​ന്മാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും.”—സങ്കീർത്തനം 37:29.

അർമ്മ​ഗെ​ദ്ദോ​നെ​ക്കു​റിച്ച്‌ ആളുകൾക്ക്‌ പൊതു​വെ​യുള്ള ധാരണ​ക​ളിൽനിന്ന്‌ തികച്ചും വ്യത്യ​സ്‌ത​മായ കാര്യ​ങ്ങ​ളാണ്‌ ബൈബിൾ പഠിപ്പി​ക്കു​ന്ന​തെന്നു വ്യക്തം. അങ്ങനെ​യെ​ങ്കിൽ എന്താണ്‌ സത്യം? (w12-E 02/01)

[അടിക്കു​റിപ്പ്‌]