ന്യായവിധി ദിവസ​ത്തിൽ എന്താണു സംഭവി​ക്കുക?

1. എന്താണ്‌ ന്യായ​വി​ധി ദിവസം?

ന്യായവിധി ദിവസ​ത്തെ​ക്കു​റിച്ച്‌ പല ആളുക​ളും സങ്കൽപ്പി​ച്ചു​വെ​ച്ചി​രി​ക്കു​ന്നത്‌ എന്താ​ണെ​ന്നാണ്‌ വലതു​വ​ശത്തെ ചിത്രം കാണി​ക്കു​ന്നത്‌. അവരുടെ വിശ്വാ​സം അനുസ​രിച്ച്‌ മരിച്ച​വ​രു​ടെ ആത്മാക്ക​ളെ​യെ​ല്ലാം ന്യായ​വി​ധി ദിവസ​ത്തിൽ ദൈവ​ത്തി​ന്റെ സിംഹാ​സ​ന​ത്തി​നു​മു​മ്പാ​കെ കൂട്ടി​വ​രു​ത്തും. മരിക്കു​ന്ന​തി​നു​മു​മ്പു​വരെ അവർ ചെയ്‌ത എല്ലാ പ്രവൃ​ത്തി​ക​ളു​ടെ​യും അടിസ്ഥാ​ന​ത്തിൽ ദൈവം അവരെ ന്യായം​വി​ധി​ക്കും. ചിലർക്ക്‌ സ്വർഗ​ത്തിൽ ജീവി​ക്കാ​നുള്ള അവസരം കിട്ടും. മറ്റു ചിലർക്ക്‌ നരകത്തി​ലെ ശിക്ഷാ​വി​ധി​യാ​യി​രി​ക്കും ലഭിക്കു​ന്നത്‌. എന്നാൽ ഇങ്ങനെ​യൊ​രു ആശയമേ അല്ല ബൈബിൾ പഠിപ്പി​ക്കു​ന്നത്‌. ബൈബി​ളിൽ പറയു​ന്നത്‌ അനുസ​രിച്ച്‌ മനുഷ്യ​രെ അനീതി​യിൽനി​ന്നു രക്ഷിക്കുക എന്നതാണ്‌ ന്യായ​വി​ധി ദിവസ​ത്തി​ന്റെ ഉദ്ദേശ്യം. (സങ്കീർത്തനം 96:13) നീതി നടപ്പാ​ക്കുന്ന ന്യായാ​ധി​പ​നാ​യി ദൈവം നിയമി​ച്ചി​രി​ക്കു​ന്നത്‌ യേശു​വി​നെ​യാണ്‌.—യശയ്യ 11:1-5; പ്രവൃ​ത്തി​കൾ 17:31 വായി​ക്കുക.

2. ന്യായ​വി​ധി ദിവസ​ത്തിൽ എങ്ങനെ​യാ​യി​രി​ക്കും നീതി നടപ്പാ​ക്കു​ന്നത്‌?

ആദ്യമനുഷ്യനായ ആദാം മനഃപൂർവം ദൈവ​ത്തോട്‌ ധിക്കാരം കാണിച്ചു. ആദാം ചെയ്‌ത ആ തെറ്റിന്റെ ഫലം അവന്റെ മക്കളായ എല്ലാ മനുഷ്യ​രും അനുഭ​വി​ക്കേ​ണ്ടി​വന്നു. മനുഷ്യർ പാപത്തി​ന്റെ​യും മരണത്തി​ന്റെ​യും കഷ്ടതക​ളു​ടെ​യും അടിമ​ക​ളാ​യി​ത്തീർന്നു. (റോമർ 5:12) ഇതു ശരിക്കും ഒരു അനീതി തന്നെയാണ്‌. മനുഷ്യർ നേരിട്ട ആ അനീതിക്ക്‌ യേശു പരിഹാ​രം കാണും. മരിച്ചു​പോയ കോടി​ക്ക​ണ​ക്കിന്‌ ആളുകളെ യേശു ജീവനി​ലേക്കു തിരി​ച്ചു​കൊ​ണ്ടു​വ​രും, അതായത്‌ പുനരു​ത്ഥാ​ന​പ്പെ​ടു​ത്തും. ഇതു സംഭവി​ക്കു​ന്നത്‌ ക്രിസ്‌തു​യേ​ശു​വി​ന്റെ ആയിരം വർഷത്തെ ഭരണകാ​ല​ത്താ​യി​രി​ക്കു​മെന്ന്‌ വെളി​പാട്‌ പുസ്‌ത​ക​ത്തിൽ പറയു​ന്നുണ്ട്‌.—വെളി​പാട്‌ 20:4, 11, 12 വായി​ക്കുക.

പുനരുത്ഥാനപ്പെടുന്നവർ വെളി​പാട്‌ 20-ാം അധ്യാ​യ​ത്തിൽ പറയുന്ന ‘ചുരു​ളു​ക​ളി​ലെ’ നിർദേ​ശങ്ങൾ അനുസ​രി​ക്കണം. അതിന്റെ അടിസ്ഥാ​ന​ത്തി​ലാ​യി​രി​ക്കും അവരെ ന്യായം​വി​ധി​ക്കു​ന്നത്‌. അല്ലാതെ മരിക്കു​ന്ന​തി​നു​മുമ്പ്‌ അവർ ചെയ്‌ത പ്രവൃ​ത്തി​ക​ളു​ടെ അടിസ്ഥാ​ന​ത്തി​ലല്ല. (റോമർ 6:7) പുനരു​ത്ഥാ​ന​പ്പെട്ട്‌ ജീവനി​ലേക്കു തിരി​ച്ചു​വ​രു​ന്ന​വ​രു​ടെ കൂട്ടത്തിൽ ‘നീതി​മാ​ന്മാ​രും നീതി​കെ​ട്ട​വ​രും’ ഉണ്ടായി​രി​ക്കു​മെന്ന്‌ അപ്പൊ​സ്‌ത​ല​നായ പൗലോസ്‌ പറഞ്ഞു. ഈ രണ്ടു കൂട്ടർക്കും ദൈവ​ത്തെ​ക്കു​റി​ച്ചു പഠിക്കാ​നുള്ള അവസരം കിട്ടും.—പ്രവൃ​ത്തി​കൾ 24:15 വായി​ക്കുക.

3. ന്യായ​വി​ധി ദിവസം അവസാ​നി​ക്കു​മ്പോ​ഴേ​ക്കും എന്തൊക്കെ സംഭവി​ച്ചി​ട്ടു​ണ്ടാ​കും?

യഹോവയെക്കുറിച്ച്‌ അറിയാ​നോ യഹോ​വയെ ആരാധി​ക്കാ​നോ അവസരം കിട്ടാതെ മരിച്ചു​പോ​യവർ പുനരു​ത്ഥാ​ന​ത്തിൽ വരു​മ്പോൾ വേണ്ട മാറ്റങ്ങൾ വരുത്തി നന്നായി ജീവി​ക്കാ​നുള്ള അവസരം അവർക്കു കിട്ടും. അങ്ങനെ ചെയ്‌താൽ നിത്യ​ജീ​വ​നാ​യി​രി​ക്കും അവർക്കു ലഭിക്കു​ന്നത്‌. അതു​കൊണ്ട്‌ അവരുടെ പുനരു​ത്ഥാ​നത്തെ ‘ജീവനാ​യുള്ള പുനരു​ത്ഥാ​നം’ എന്നു വിളി​ക്കാം. പക്ഷേ പുനരു​ത്ഥാ​ന​പ്പെ​ടുന്ന എല്ലാവ​രും യഹോ​വയെ അനുസ​രി​ക്ക​ണ​മെ​ന്നില്ല. അനുസ​രി​ക്കാ​ത്ത​വ​രു​ടെ പുനരു​ത്ഥാ​നം ‘ന്യായ​വി​ധി​ക്കാ​യുള്ള പുനരു​ത്ഥാ​ന​മാ​യി​രി​ക്കും.’—യോഹ​ന്നാൻ 5:28, 29; യശയ്യ 26:10; 65:20 വായി​ക്കുക.

ആയിരം വർഷം നീളുന്ന ന്യായ​വി​ധി ദിവസം അവസാ​നി​ക്കു​മ്പോ​ഴേ​ക്കും അനുസ​ര​ണ​മുള്ള മനുഷ്യ​രു​ടെ അവസ്ഥ എന്തായി​രി​ക്കും? അവർ പൂർണ​ത​യിൽ എത്തിയി​ട്ടു​ണ്ടാ​കും. അതായത്‌ മനുഷ്യർ എങ്ങനെ ജീവി​ക്ക​ണ​മെ​ന്നാ​ണോ ദൈവം ആദ്യം ഉദ്ദേശി​ച്ചത്‌ ആ അവസ്ഥയിൽ. (1 കൊരി​ന്ത്യർ 15:24-28) അനുസ​ര​ണ​മുള്ള മനുഷ്യർക്ക്‌ ഇതിലും നല്ല ഒരു ഭാവി കിട്ടാ​നു​ണ്ടോ! ഏറ്റവും അവസാനം ഒരു പരി​ശോ​ധന ഉണ്ടായി​രി​ക്കും. ആയിരം വർഷമാ​യി അഗാധ​ത്തിൽ അടച്ചു​പൂ​ട്ടി​യി​ട്ടി​രി​ക്കുന്ന പിശാ​ചായ സാത്താനെ ദൈവം തുറന്നു​വി​ടും. യഹോ​വ​യിൽനിന്ന്‌ ആളുകളെ അകറ്റാൻ സാത്താൻ വീണ്ടും ശ്രമി​ക്കും. അപ്പോ​ഴും ദൈവ​ത്തോ​ടു വിശ്വ​സ്‌ത​രാ​യി നിൽക്കു​ന്ന​വർക്ക്‌ ഭൂമി​യിൽ എന്നെന്നും സന്തോ​ഷ​മാ​യി ജീവി​ക്കാ​നാ​കും.—യശയ്യ 25:8; വെളി​പാട്‌ 20:7-9 വായി​ക്കുക.

4. മനുഷ്യർക്കു പ്രയോ​ജനം ചെയ്യുന്ന മറ്റൊരു ന്യായ​വി​ധി ദിവസം ഏതാണ്‌?

ഇന്നത്തെ ഈ ദുഷ്ടവ്യ​വ​സ്ഥി​തിക്ക്‌ അവസാനം കുറി​ക്കുന്ന സംഭവത്തെ സൂചി​പ്പി​ക്കാ​നും ‘ന്യായം വിധി​ക്കുന്ന ദിവസം’ എന്ന പദപ്ര​യോ​ഗ​മാണ്‌ ബൈബിൾ ഉപയോ​ഗി​ക്കു​ന്നത്‌. നോഹ​യു​ടെ കാലത്ത്‌ ദുഷ്ടമ​നു​ഷ്യ​രെ ഒന്നാകെ മുക്കി​ക്കൊന്ന ആ പ്രളയം പോലെ അത്ര പെട്ടെ​ന്നാ​യി​രി​ക്കും ഈ ന്യായ​വി​ധി ദിവസ​വും വരുന്നത്‌. ‘ദൈവ​ഭ​ക്തി​യി​ല്ലാത്ത മനുഷ്യ​രെ​ല്ലാം’ നശിച്ചു​പോ​കു​ന്ന​തോ​ടെ ഭൂമി​യിൽ “നീതി കളിയാ​ടും,” അത്‌ ഒരു പുതിയ ലോകം തന്നെയാ​യി​രി​ക്കും.—2 പത്രോസ്‌ 3:6, 7, 13 വായി​ക്കുക.