വരിസം​ഖ്യ​കൾ കൈകാ​ര്യം ചെയ്യുന്ന വിധം

¹ ലോക​ത്തി​നു ചുറ്റു​മുള്ള 40-ലധികം രാജ്യ​ങ്ങ​ളി​ലേക്കു ഭാരതീയ ഭാഷക​ളിൽ ഇന്ത്യാ ബ്രാഞ്ച്‌ മാസി​കകൾ അയയ്‌ക്കു​ന്നു​വെന്ന കാര്യം വളരെ സംതൃ​പ്‌തി പകരുന്നു. മാത്രമല്ല, ഭാരതീയ ഭാഷക​ളി​ലെ വരിസം​ഖ്യ​കൾ നാം മറ്റു രാജ്യ​ങ്ങ​ളി​ലേക്ക്‌ അയയ്‌ക്കു​ന്ന​തു​പോ​ലെ​തന്നെ, വിദേശ ഭാഷക​ളി​ലുള്ള വരിസം​ഖ്യ​കൾ മറ്റു ബ്രാഞ്ചു​കൾ നമുക്കും അയച്ചു​ത​രാ​റുണ്ട്‌. അങ്ങനെ ഇന്ത്യ, ബംഗ്ലാ​ദേശ്‌, നേപ്പാൾ എന്നിവി​ട​ങ്ങ​ളിൽ വിദേ​ശ​ഭാഷ സംസാ​രി​ക്കു​ന്ന​വർക്ക്‌ അവരുടെ ഭാഷയിൽ വരിസം​ഖ്യ ലഭിക്കാൻ സഹായി​ക്കു​ക​യെന്ന പദവി​യും നമുക്കുണ്ട്‌. വരിസം​ഖ്യ​കൾ സമ്പാദി​ക്കാ​നുള്ള നിങ്ങളു​ടെ ശ്രമത്തി​നു ഞങ്ങൾ നന്ദി പറയു​ക​യാണ്‌. ഇക്കാര്യ​ത്തിൽ ക്രിയാ​ത്മ​ക​മായ ഒരു മനോ​ഭാ​വം നിലനിർത്താൻ ഞങ്ങൾ പ്രോ​ത്സാ​ഹി​പ്പി​ക്കു​ന്നു.

² എന്നിരു​ന്നാ​ലും, പോ​സ്റ്റോ​ഫീ​സി​ലൂ​ടെ മാസി​കകൾ വിതരണം ചെയ്യു​ന്ന​തു​മാ​യി ബന്ധപ്പെട്ട്‌ രാജ്യ​ത്തെ​മ്പാ​ടും ഞങ്ങൾ ചില വിഷമ​തകൾ നേരി​ടു​ക​യാണ്‌. അനേകം വരിസം​ഖ്യ​ക​ളും വിതര​ണ​ക്കാ​രു​ടെ മാസി​ക​ക​ളും ലക്ഷ്യസ്ഥാ​നത്ത്‌ എത്തി​ച്ചേ​രു​ന്നില്ല; എത്തിച്ചു​കൊ​ടു​ക്കാൻ കഴിയാ​ത്തവ (undeliverable) ആയി ചിലതു സൊ​സൈ​റ്റി​യി​ലേക്കു തിരി​ച്ചു​വ​രു​ന്നു. പ്രസാ​ധകർ കാലതാ​മസം കൂടാ​തെ​യും സൂക്ഷ്‌മ​ത​യോ​ടെ​യും കാര്യങ്ങൾ കൈകാ​ര്യം ചെയ്‌താൽ ഇവയിൽ പല പ്രശ്‌ന​ങ്ങ​ളും ഒഴിവാ​ക്കാ​നാ​കു​മാ​യി​രു​ന്നു​വെ​ന്നാണ്‌ ഒരു അപഗ്ര​ഥനം നടത്തി​യ​പ്പോൾ മനസ്സി​ലാ​യത്‌. അതു​കൊണ്ട്‌ മെച്ചമായ സേവനം ഉറപ്പു​വ​രു​ത്തു​ന്ന​തി​നും വരിസം​ഖ്യ​കൾ കൈകാ​ര്യം ചെയ്യു​ന്ന​തി​ലെ അനാവശ്യ പ്രശ്‌ന​ങ്ങ​ളും കാലതാ​മ​സ​വും ഒഴിവാ​ക്കു​ന്ന​തി​നും പിൻവ​രുന്ന കാര്യങ്ങൾ പരിചി​ന്തി​ക്കാൻ നിങ്ങളെ പ്രോ​ത്സാ​ഹി​പ്പി​ക്കു​ന്നു.

³ മുന്നമേ ആസൂ​ത്രണം ചെയ്യു​ന്നത്‌ മെച്ചമായ സേവന​ത്തിൽ കലാശി​ക്കും. (ഉല്‌പ. 41:33-36; ലൂക്കൊ. 14:28-30) ഉദാഹ​ര​ണ​ത്തിന്‌, സഹായ​പ​യ​നി​യർമാ​രു​ള്ള​പ്പോൾ സഭകൾ മാസി​ക​കൾക്കു പ്രത്യേക ഓർഡ​റു​കൾ അയയ്‌ക്കേ​ണ്ട​തു​ണ്ടാ​യി​രി​ക്കാം. സഹായ​പ​യ​നി​യർമാ​രാ​യി എത്ര പേർ പേരു കൊടു​ക്കു​ന്നു​വെന്നു കാണാൻ അവസാന നിമി​ഷം​വരെ കാത്തി​രി​ക്കു​ന്ന​തി​നു പകരം, ആ സേവന​ത്തിൽ പ്രവേ​ശി​ക്കാൻ സാധ്യ​ത​യു​ള്ള​വ​രു​ടെ എണ്ണത്തെ അടിസ്ഥാ​ന​മാ​ക്കി പ്രത്യേക ഓർഡ​റു​കൾ നേര​ത്തെ​തന്നെ അയയ്‌ക്കു​ന്നതു ബുദ്ധി​യാ​യി​രി​ക്കും. നിങ്ങൾ ആവശ്യ​പ്പെ​ടുന്ന മാസി​ക​ക​ള​ത്ര​യും നൽകാൻ ഞങ്ങൾക്ക്‌ ആഗ്രഹ​മു​ണ്ടെ​ങ്കി​ലും, പ്രസ്‌തുത ലക്കം അച്ചടി​ച്ച​തി​നു​ശേഷം ലഭിക്കുന്ന പ്രത്യേക ഓർഡ​റു​കൾ സ്വീക​രി​ക്കുക സാധ്യമല്ല. പ്രത്യേക ഓർഡർ അയയ്‌ക്കുന്ന ലക്കത്തിന്റെ തീയതിക്ക്‌ 60 ദിവസം മുമ്പ്‌ നിങ്ങളു​ടെ ഓർഡ​റു​കൾ സൊ​സൈ​റ്റി​ക്കു ലഭിച്ചി​രി​ക്ക​ണ​മെന്ന കാര്യം ദയവായി മനസ്സിൽ പിടി​ക്കുക. എന്നിരു​ന്നാ​ലും, നിലവി​ലുള്ള ഓർഡ​റി​ലെ മാറ്റമോ വിലാ​സ​മാ​റ്റ​മോ 45 ദിവസ​ത്തി​നു​ള്ളിൽ പ്രാബ​ല്യ​ത്തിൽ വരും.

⁴ കൃത്യത, സ്‌പഷ്ടത, പൂർണത. തപാലു​രു​പ്പ​ടി​കൾ നിർദിഷ്ട സ്ഥാനത്ത്‌ എത്തി​ച്ചേ​രു​ന്ന​തി​നു നിർബ​ന്ധ​മാണ്‌ ഇക്കാര്യ​ങ്ങൾ. നിങ്ങൾ വരിസം​ഖ്യാ സ്ലിപ്പ്‌ പൂരി​പ്പി​ക്കു​മ്പോ​ഴോ വിതര​ണ​ക്കാ​രു​ടെ മാസി​ക​കൾക്കാ​യുള്ള തപാൽ മേൽവി​ലാ​സം പൂരി​പ്പി​ക്കു​മ്പോ​ഴോ, നിങ്ങളു​ടെ പ്രദേ​ശത്തെ സ്ഥലപ്പേ​രു​കൾ പരിചി​ത​മ​ല്ലാത്ത ഒരാളാ​യി​രി​ക്കും അവ കൃത്യ​മാ​യി വായിച്ച്‌ മനസ്സി​ലാ​ക്കേ​ണ്ട​തെന്ന കാര്യം ഓർമ​യിൽ പിടി​ക്കുക. അതു​കൊണ്ട്‌, ആവശ്യ​പ്പെ​ട്ടി​രി​ക്കുന്ന വിവര​ങ്ങ​ളെ​ല്ലാം ശരിയായ ക്രമത്തിൽ നൽകി​യി​രി​ക്കു​ന്നു​വെ​ന്നും സുഗമ​മാ​യി വായി​ക്കാ​വുന്ന വിധത്തി​ലും കൃത്യ​മാ​യും അവ എഴുതി​യി​രി​ക്കു​ന്നു​വെ​ന്നും ദയവായി ഉറപ്പു​വ​രു​ത്തുക. നഗരത്തി​ന്റെ അല്ലെങ്കിൽ പോ​സ്റ്റോ​ഫീ​സി​ന്റെ പേരോ പിൻകോ​ഡോ ചുരു​ക്കി​യെ​ഴു​ത​രുത്‌. ഓരോ വിവര​ങ്ങ​ളും കോമ​യിട്ട്‌ വേർതി​രി​ച്ചെ​ഴു​തുക, ഓരോ പദത്തിനു ശേഷവും സ്ഥലമി​ടേ​ണ്ട​തുണ്ട്‌. കൃത്യ​ത​യി​ല്ലാ​ത്ത​തോ അപൂർണ​മോ ആയ വിവരങ്ങൾ കാലവി​ളം​ബം സൃഷ്ടി​ക്കു​ക​യോ ഉരുപ്പ​ടി​കൾ കിട്ടാ​തി​രി​ക്കാൻ ഇടയാ​ക്കു​ക​യോ ചെയ്യും. വരിസം​ഖ്യ​ക​ളു​ടെ കാര്യ​ത്തിൽ, നിങ്ങൾ എഴുതി​യി​രി​ക്കുന്ന കാര്യങ്ങൾ ഉറപ്പു വരുത്താൻ വരിക്കാ​ര​നോട്‌ അഭ്യർഥി​ക്കു​ന്നതു ജ്ഞാനമാണ്‌. വിതര​ണ​ക്കാ​രു​ടെ മാസി​ക​കൾക്കാ​യുള്ള വിലാസം പോസ്റ്റു​മാ​നു മാസി​കകൾ എത്തിക്കാൻ സൗകര്യ​പ്ര​ദ​മായ ഒരു സ്ഥലമാ​യി​രി​ക്കണം.

⁵ ഏറ്റവും പുതിയ സേവന​ഫാ​റങ്ങൾ ഉപയോ​ഗി​ക്കുക. ജോലി സുഗമ​വും ത്വരി​ത​ഗ​തി​യി​ലു​മാ​ക്കു​ന്ന​തി​നാ​ണു ഫാറങ്ങൾ. ഉദാഹ​ര​ണ​ത്തിന്‌, വിതര​ണ​ക്കാ​രു​ടെ മാസി​ക​കൾക്കാ​യി പുതിയ ഓർഡർ നൽകു​മ്പോൾ, നിലവി​ലുള്ള ഓർഡർ കൂട്ടാ​നോ കുറയ്‌ക്കാ​നോ റദ്ദു ചെയ്യാ​നോ അല്ലെങ്കിൽ പ്രത്യേക ഓർഡ​റു​കൾ നൽകാ​നോ വരിക്കാ​രു​ടെ ഓർഡർ (M-AB-202) ഫാറം ഉപയോ​ഗി​ക്കാ​വു​ന്ന​താണ്‌. അതു​കൊണ്ട്‌, ഇക്കാര്യം സംബന്ധി​ച്ചു സൊ​സൈ​റ്റിക്ക്‌ എഴുതു​ന്ന​തി​നു​പ​കരം, പ്രസ്‌തുത ഉദ്ദേശ്യ​ത്തി​നാ​യി നൽകി​യി​രി​ക്കുന്ന സേവന​ഫാ​റം ദയവായി ഉപയോ​ഗി​ക്കുക. വരിസം​ഖ്യ​കൾ പുതു​ക്കു​ന്ന​തിന്‌ കാലാ​വധി തീരുന്ന വരിസം​ഖ്യ​കൾ (M-91/M-191) എന്ന സ്ലിപ്പ്‌ ഉപയോ​ഗി​ക്കുക. അവ ലഭ്യമ​ല്ലെ​ങ്കിൽ, പുതിയ വരിസം​ഖ്യാ സ്ലിപ്പി​നോ​ടൊ​പ്പം വരിക്കാ​രന്റെ വിലാ​സ​ലേബൽ (പൊതി​ച്ചി​ലി​ലു​ള്ളത്‌) സഹിതം സൊ​സൈ​റ്റിക്ക്‌ അയയ്‌ക്കാം. അതുമ​ല്ലെ​ങ്കിൽ പുതുക്കൽ ഫാറം (M-5/M-105) ഉപയോ​ഗി​ക്കാം. വരിസം​ഖ്യ​ക​ളു​ടെ വിലാ​സ​മാ​റ്റങ്ങൾ വരിസം​ഖ്യാ വിലാ​സ​മാ​റ്റം (M-205) എന്ന ഫാറമു​പ​യോ​ഗിച്ച്‌ ആറാഴ്‌ച മുമ്പേ അറിയി​ച്ചി​രി​ക്കേ​ണ്ട​താണ്‌. മാറ്റം വരുത്തു​മ്പോൾ എപ്പോ​ഴും പഴയതും പുതി​യ​തു​മായ വിലാ​സങ്ങൾ ഞങ്ങൾക്കു തരേണ്ട​തുണ്ട്‌. മാസി​ക​യു​ടെ പൊതി​ച്ചി​ലി​ലുള്ള പഴയ വിലാ​സ​ലേബൽ ഒപ്പമു​ണ്ടാ​യി​രി​ക്കു​ന്നതു വളരെ സഹായ​ക​മാണ്‌. വിലാസം മാറു​മ്പോൾ അക്കാര്യം പ്രാ​ദേ​ശിക പോ​സ്റ്റോ​ഫീ​സിൽ അറിയി​ക്കാ​നോ മാറ്റം പ്രാബ​ല്യ​ത്തിൽ വരുന്ന​തു​വരെ പോ​സ്റ്റോ​ഫീ​സിൽനി​ന്നു മാസി​കകൾ ശേഖരി​ക്കാൻ വേണ്ട ക്രമീ​ക​ര​ണങ്ങൾ ചെയ്യാ​നോ വരിക്കാ​ര​നോട്‌ ആവശ്യ​പ്പെ​ടുക. അതു​പോ​ലെ, വിതര​ണ​ക്കാർക്കുള്ള മാസി​കകൾ വന്നു​കൊ​ണ്ടി​രി​ക്കുന്ന വിലാസം മാറു​മ്പോൾ, ആ മാറ്റം പ്രാബ​ല്യ​ത്തിൽ വരുന്ന​തു​വരെ പഴയ വിലാ​സ​ത്തിൽനി​ന്നോ പോ​സ്റ്റോ​ഫീ​സിൽനി​ന്നോ മാസി​കകൾ എടുക്കാ​നുള്ള ക്രമീ​ക​ര​ണങ്ങൾ സഭകൾ ചെയ്യാൻ പ്രതീ​ക്ഷി​ക്ക​പ്പെ​ടു​ന്നു.

⁶ കാലവി​ളം​ബം കൂടാതെ വരിസം​ഖ്യ​ക​ളും സൊ​സൈ​റ്റി​യിൽനിന്ന്‌ ആവശ്യ​പ്പെ​ടുന്ന വിവര​ങ്ങ​ളും കൈകാ​ര്യം ചെയ്യുക. വരിസം​ഖ്യ​കൾ സഭയിൽ അവ കൈകാ​ര്യം ചെയ്യു​ന്ന​വരെ ഏൽപ്പി​ക്കേ​ണ്ട​താണ്‌. അവ കിട്ടി​ക്ക​ഴി​ഞ്ഞാൽ അതിന​ടുത്ത യോഗ​ത്തിൽത്തന്നെ അങ്ങനെ ചെയ്യണം. ലഭിക്കുന്ന വരിസം​ഖ്യ​ക​ളെ​ല്ലാം സെക്ര​ട്ടറി ഓരോ വാരത്തി​ലും സൊ​സൈ​റ്റിക്ക്‌ അയയ്‌ക്കണം. ഒരെണ്ണമേ ഉള്ളൂ​വെ​ങ്കിൽപോ​ലും ശരിയാ​യി പൂരി​പ്പിച്ച പ്രതി​വാര വരിസം​ഖ്യ​കൾ (M-AB-203) എന്ന ഫാറ​ത്തോ​ടൊ​പ്പം അത്‌ അയയ്‌ക്കേ​ണ്ട​താണ്‌. പ്രതി​മാസ പണമട​യ്‌ക്ക​ലി​ന്റെ കൂടെ അയയ്‌ക്കാ​നാ​യി വരിസം​ഖ്യ​ക​ളൊ​ന്നും വെച്ചു​താ​മ​സി​പ്പി​ക്ക​രുത്‌. നിങ്ങൾ സൊ​സൈ​റ്റിക്ക്‌ അയയ്‌ക്കു​ന്ന​തി​ന്റെ ഒരു കോപ്പി എപ്പോ​ഴും കൈവശം വെച്ചി​രി​ക്കണം. മാസി​കകൾ ലഭിക്കു​ന്നു​ണ്ടോ​യെ​ന്ന​റി​യാൻ പ്രസാ​ധകർ വരിക്കാ​രെ മടങ്ങി​ച്ചെന്നു കാണേ​ണ്ട​തുണ്ട്‌. പൊതു​വേ പറഞ്ഞാൽ, വരിസം​ഖ്യാ​സ്ലി​പ്പു​കൾ സൊ​സൈ​റ്റി​ക്കു ലഭിച്ച തീയതിക്ക്‌ ആറാഴ്‌ച​യ്‌ക്കു​ള്ളിൽ വരിസം​ഖ്യ​യു​ടെ ആദ്യ ലക്കം വരിക്കാർക്കു ലഭിച്ചി​രി​ക്കണം. വെരി​ഫി​ക്കേഷൻ നോട്ടീസ്‌ (M-232), കാലാ​വധി തീരുന്ന വരിസം​ഖ്യ (M-91 അല്ലെങ്കിൽ M-191), അൺഡെ​ലി​വ​റ​ബിൾ സബ്‌സ്‌ക്രി​പ്‌ഷൻ ഫോളോ-അപ്പ്‌ (M-210) എന്നിങ്ങ​നെ​യുള്ള ഫാറങ്ങൾപോ​ലെ സൊ​സൈ​റ്റി​യിൽനി​ന്നു ലഭിക്കുന്ന ഏത്‌ അറിയി​പ്പി​നോ​ടും താമസം​വി​നാ പ്രതി​ക​രി​ക്കുക. എത്തിച്ചു​കൊ​ടു​ക്കാ​നാ​കാത്ത വരിസം​ഖ്യ സംബന്ധിച്ച്‌ അന്വേ​ഷണം നടത്തു​മ്പോൾ, സാധ്യ​ത​യ​നു​സ​രിച്ച്‌ മാസിക അയച്ച​പ്പോ​ഴു​ണ്ടായ പ്രതി​ബ​ന്ധ​ത്തെ​ക്കു​റി​ച്ചു വരിക്കാ​രനെ അറിയി​ക്കേ​ണ്ട​തുണ്ട്‌. അൺഡെ​ലി​വ​റ​ബിൾ സബ്‌സ്‌ക്രി​പ്‌ഷൻ ഫോളോ-അപ്പ്‌ സ്ലിപ്പ്‌ നിങ്ങളു​ടെ അഭി​പ്രാ​യങ്ങൾ സഹിതം സൊ​സൈ​റ്റിക്ക്‌ ലഭിക്കുന്ന ഉടനെ മാസിക വീണ്ടും അയച്ചു​കൊ​ടു​ക്കാൻ തുടങ്ങു​ന്ന​താ​യി​രി​ക്കും.

⁷ വിതര​ണ​ക്കാ​രു​ടെ മാസി​ക​ക​ളോ വരിസം​ഖ്യ​ക​ളോ അയയ്‌ക്കു​ന്ന​തി​ലെ ക്രമ​ക്കേ​ടു​കൾ താമസം​വി​നാ റിപ്പോർട്ടു ചെയ്യുക. വിതര​ണ​ക്കാ​രു​ടെ മാസി​കകൾ ലക്കത്തീ​യതി കഴിഞ്ഞി​ട്ടും ലഭിക്കു​ന്നി​ല്ലെ​ങ്കിൽ, സകല വിശദാം​ശ​ങ്ങ​ളും ഉൾപ്പെ​ടു​ത്തി സൊ​സൈ​റ്റി​യെ എഴുതി​യ​റി​യി​ക്കുക. കാലതാ​മസം കൂടാതെ റിപ്പോർട്ടു ചെയ്യു​ക​യാ​ണെ​ങ്കിൽ നഷ്ടപ്പെ​ട്ട​തി​നു പകരമാ​യി നിങ്ങൾക്കു മാസി​കകൾ തരാൻ സൊ​സൈ​റ്റി​ക്കു കഴി​ഞ്ഞേ​ക്കും. വരിസം​ഖ്യ സൊ​സൈ​റ്റിക്ക്‌ അയച്ചിട്ട്‌ എട്ടാഴ്‌ച​യിൽ കൂടു​ത​ലാ​യെ​ങ്കിൽ, ആ വിവരം സഭയി​ലൂ​ടെ അറിയി​ക്കേ​ണ്ട​താണ്‌. കഴിഞ്ഞ രണ്ടു മാസത്തെ സ്റ്റേറ്റ്‌മെൻറിൽ അതു ചാർജ്‌ ചെയ്‌തി​ട്ടി​ല്ലെ​ങ്കിൽ പ്രതി​വാര വരിസം​ഖ്യ​കൾ എന്ന ഫാറത്തി​ന്റെ ഒരു പകർപ്പും ബന്ധപ്പെട്ട വരിസം​ഖ്യാ സ്ലിപ്പു​ക​ളു​ടെ പകർപ്പു​ക​ളും ഒരു വിശദീ​ക​ര​ണ​ക്ക​ത്തി​നൊ​പ്പം സെക്ര​ട്ടറി സൊ​സൈ​റ്റിക്ക്‌ വീണ്ടും അയയ്‌ക്കേ​ണ്ട​താണ്‌. എന്നാൽ അത്‌ ഏതെങ്കി​ലും പ്രതി​മാസ സ്റ്റേറ്റ്‌മെൻറിൽ ചാർജു ചെയ്‌തി​ട്ടു​ണ്ടെ​ങ്കിൽ, കിട്ടാത്ത വരിസം​ഖ്യ​ക​ളു​ടെ സ്ലിപ്പിന്റെ കോപ്പി മാത്രം, ചാർജ്‌ ചെയ്‌തി​ട്ടു​ണ്ടെ​ങ്കി​ലും വരിസം​ഖ്യ അല്ലെങ്കിൽ വരിസം​ഖ്യ​കൾ ലഭിച്ചി​ട്ടി​ല്ലെന്നു വിശദീ​ക​രി​ക്കുന്ന ഒരു കത്തി​നോ​ടൊ​പ്പം അയച്ചാൽ മതിയാ​കും. സ്റ്റേറ്റ്‌മെൻറിൽ ഒരിക്കൽ ചാർജു ചെയ്‌തി​ട്ടുള്ള വരിസം​ഖ്യ​യ്‌ക്കാ​യി പ്രതി​വാര വരിസം​ഖ്യ​കൾ (M-AB-203) ഫാറത്തി​ന്റെ കോപ്പി​കൾ ദയവായി അയയ്‌ക്ക​രുത്‌.

⁸ പ്രാ​ദേ​ശിക പോ​സ്റ്റോ​ഫീസ്‌ അധികാ​രി​ക​ളു​മാ​യുള്ള നല്ല ബന്ധം മാസി​കകൾ ബുദ്ധി​മു​ട്ടി​ല്ലാ​തെ​തന്നെ കിട്ടു​ന്ന​തിൽ മർമ​പ്ര​ധാ​ന​മായ ഒരു പങ്കു വഹിക്കു​ന്നു. അവർ നമ്മെക്കു​റി​ച്ചു മെച്ചമാ​യി അറിഞ്ഞി​രി​ക്കു​ന്നത്‌ നമ്മെയോ നമ്മുടെ പത്രി​ക​ക​ളെ​യോ കുറിച്ച്‌ അവർക്കു​ണ്ടാ​യി​രു​ന്നേ​ക്കാ​വുന്ന മുൻവി​ധി​കൾ നീക്കാൻ സഹായി​ക്കും. അവരുടെ സുപ്ര​ധാന സേവന​ത്തെ​പ്രതി നാം കാണി​ക്കുന്ന വിലമ​തി​പ്പി​നു നല്ല ഫലങ്ങളു​ണ്ടാ​കും. (ന്യായാ. 8:1-3) ഇടയ്‌ക്കി​ട​യ്‌ക്കു സഭയിലെ അനുഭ​വ​ജ്ഞാ​ന​മുള്ള സഹോ​ദ​രങ്ങൾ പ്രാ​ദേ​ശിക പോ​സ്റ്റോ​ഫീസ്‌ അധികൃ​ത​രു​ടെ പക്കൽ സൗഹാർദ സന്ദർശനം നടത്തു​ന്നതു നല്ലതാ​യി​രി​ക്കും. പോസ്റ്റു​മാൻമാ​രു​ടെ​യും മറ്റ്‌ അധികാ​രി​ക​ളു​ടെ​യും വീടു​ക​ളിൽവെച്ചു സൗഹാർദ​പ​ര​മായ ചർച്ചകൾ നടത്തു​ന്നത്‌ അവരു​മാ​യി നല്ല ബന്ധങ്ങൾ വളർത്തി​യെ​ടു​ക്കാൻ സഹായി​ക്കും. അവരു​മാ​യുള്ള ബന്ധങ്ങൾ മെച്ച​പ്പെ​ടു​ത്തു​ന്ന​തി​നു വേണ്ടി സഹകര​ണ​മു​ള്ള​വ​രാ​യി​രി​ക്കു​ന്ന​തും തിര​ഞ്ഞെ​ടുത്ത പോ​സ്റ്റോ​ഫീ​സു​കൾക്കു ദാനവ​രി​സം​ഖ്യ​കൾ കൊടു​ക്കു​ന്ന​തും ടിപ്പുകൾ കൊടു​ക്കു​ന്ന​തു​മൊ​ക്കെ നിങ്ങൾക്കു പര്യാ​ലോ​ചി​ക്കാ​വുന്ന കാര്യ​ങ്ങ​ളാണ്‌.

⁹ ഒരിക്ക​ലും വാഗ്വാ​ദ​ത്തി​ലേർപ്പെ​ട​രുത്‌. നിങ്ങളു​ടെ തപാലു​രു​പ്പ​ടി​കൾ സമയത്ത്‌ എത്തിക്കാൻ പോസ്റ്റു​മാ​നു കഴിഞ്ഞി​ല്ലെ​ങ്കിൽപോ​ലും അയാ​ളോ​ടു സൗഹാർദ​പ​ര​മാ​യി ഇടപെ​ടുക. അയാൾക്ക്‌ ഒരുപക്ഷേ അനവധി പ്രശ്‌ന​ങ്ങ​ളും അസൗക​ര്യ​ങ്ങ​ളും ഉണ്ടായി​രു​ന്നേ​ക്കാ​മെ​ന്നും ഓർക്കുക. (യാക്കോ. 3:13) നിങ്ങളു​ടെ തപാലു​രു​പ്പ​ടി​കൾ നീക്കം ചെയ്യു​ന്ന​തിൽ പ്രാ​ദേ​ശിക പോ​സ്റ്റോ​ഫീ​സു​മാ​യി സഹകരി​ക്കുക. ഭാരമുള്ള സാധനങ്ങൾ ഉൾപ്പെ​ട്ടി​രി​ക്കു​മ്പോൾ ഇതു പ്രത്യേ​കി​ച്ചും അനിവാ​ര്യ​മാണ്‌. അത്തരം സാഹച​ര്യ​ങ്ങ​ളിൽ, പ്രത്യേ​കി​ച്ചും മാസി​കാ​കെ​ട്ടു​ക​ളു​ടെ കാര്യ​ത്തിൽ, പോസ്റ്റു​മാൻ അവ വീട്ടിൽ കൊണ്ടു​വന്നു തരാൻ പ്രതീ​ക്ഷി​ക്കു​ന്ന​തി​നു പകരം ആരെങ്കി​ലും പതിവാ​യി അവ എടുത്തു​കൊ​ണ്ടു​വ​രാ​നുള്ള ക്രമീ​ക​രണം ചെയ്യു​ന്നതു മെച്ചമാ​യി​രി​ക്കും. എന്നിരു​ന്നാ​ലും, തപാലു​രു​പ്പ​ടി​കൾ വന്നുവെന്ന കാര്യം നിങ്ങളെ അറിയി​ക്കാൻ പോസ്റ്റു​മാ​നോട്‌ അഭ്യർഥി​ക്കാ​വു​ന്ന​താണ്‌.

¹⁰ പോ​സ്റ്റോ​ഫീസ്‌ അധികാ​രി​കൾ ഉൾപ്പെ​ടെ​യുള്ള ഗവൺമെൻറ്‌ ജീവന​ക്കാ​രോ​ടുള്ള ഇടപെ​ട​ലു​ക​ളിൽ നാം ജാഗ്ര​ത​യും നയവും പ്രകട​മാ​ക്കാൻ യഹോവ പ്രതീ​ക്ഷി​ക്കു​ന്നു. (മത്താ. 10:16) വരിസം​ഖ്യ​കൾക്ക്‌ എന്തു സംഭവി​ച്ചാ​ലും, അതു പ്രാ​ദേ​ശിക സഭയു​ടെ​യും സൊ​സൈ​റ്റി​യു​ടെ​യും കീർത്തി​യെ ബാധി​ച്ചേ​ക്കാം. അതിലും പ്രധാ​ന​മാ​യി, ദൈവ​നാ​മ​ത്തെ​യും അതു ബാധി​ച്ചേ​ക്കാം. (1 ശമൂ. 16:7ബി) അതു​കൊണ്ട്‌ മെച്ചപ്പെട്ട തപാൽ സേവനം ലഭിക്കു​ന്ന​തി​നു നിങ്ങൾക്കു പ്രാ​ദേ​ശി​ക​മാ​യി ചെയ്യാൻ സാധി​ക്കുന്ന കാര്യ​ങ്ങ​ളെ​ക്കു​റി​ച്ചു പരിചി​ന്തി​ക്കാൻ പ്രോ​ത്സാ​ഹി​പ്പി​ക്കു​ക​യാണ്‌. നിങ്ങൾ സൊ​സൈ​റ്റി​യു​ടെ മാർഗ​നിർദേ​ശങ്ങൾ പിൻപ​റ്റു​ക​യും പ്രാ​ദേ​ശിക പോ​സ്റ്റോ​ഫീസ്‌ അധികാ​രി​ക​ളു​മാ​യി സഹകരി​ക്കു​ക​യും ചെയ്യു​മ്പോൾ നിങ്ങൾക്കു മെച്ചമായ സേവനം ലഭിക്കു​മെന്നു ഞങ്ങൾക്ക്‌ ഉറപ്പുണ്ട്‌.

മെച്ചമായ സേവന​ത്തി​നു നിങ്ങൾക്കു ചെയ്യാ​നാ​വുന്ന ചില കാര്യങ്ങൾ

(എ) വരിസം​ഖ്യാ സ്ലിപ്പുകൾ പൂരി​പ്പി​ക്കു​മ്പോൾ ആവശ്യ​പ്പെ​ട്ടി​രി​ക്കുന്ന എല്ലാ വിവര​ങ്ങ​ളും കൃത്യ​മാ​യും സുഗമ​മാ​യി വായി​ക്കാ​വുന്ന വിധത്തി​ലും ശരിയായ ക്രമത്തി​ലും കൊടു​ത്തി​രി​ക്കു​ന്നു​വെന്നു ദയവായി ഉറപ്പു​വ​രു​ത്തുക. വിലാ​സ​ത്തി​ലുള്ള ഓരോ വിവര​വും വേർതി​രി​ക്കാൻ കോമ ഉപയോ​ഗി​ക്കുക. നിങ്ങൾ പൂരി​പ്പി​ച്ചി​രി​ക്കു​ന്നതു ശരിയാ​ണെന്ന്‌ ഉറപ്പു​വ​രു​ത്താൻ വരിക്കാ​ര​നോട്‌ അഭ്യർഥി​ക്കു​ന്നതു ജ്ഞാനമാണ്‌.

(ബി) വരിക്കാ​രന്റെ പേരിനു മുമ്പായി Mr., Mrs., Miss, Dr. എന്നിങ്ങ​നെ​യുള്ള വിശേ​ഷ​ണങ്ങൾ ചേർക്കാ​വു​ന്ന​താണ്‌. എന്നാൽ, പേരി​നു​ശേഷം വിശേ​ഷ​ണങ്ങൾ ആവശ്യ​മില്ല.

(സി) പോ​സ്റ്റോ​ഫീ​സി​ന്റെ​യും നഗരത്തി​ന്റെ​യും പേരുകൾ പൂർണ​മാ​യി എഴു​തേ​ണ്ട​തുണ്ട്‌, ചുരു​ക്ക​രൂ​പങ്ങൾ ഉപയോ​ഗി​ക്ക​രുത്‌—വൻനഗ​ര​ങ്ങ​ളു​ടെ കാര്യ​ത്തി​ലും ഇതു ബാധക​മാണ്‌. പിൻകോഡ്‌ അറിയി​ല്ലെ​ങ്കിൽ അതിനു നൽകി​യി​രി​ക്കുന്ന സ്ഥലത്ത്‌ ഒരു വരയി​ടുക.

(ഡി) നൽകി​യി​രി​ക്കുന്ന സഭാനമ്പർ, വരിക്കാ​രൻ താമസി​ക്കുന്ന പ്രദേ​ശത്തെ സഭയു​ടേ​താ​യി​രി​ക്കണം. വരിക്കാ​രൻ നിങ്ങളു​ടെ സഭയുടെ പ്രദേ​ശ​ത്തി​നു വെളി​യി​ലാ​ണു താമസി​ക്കു​ന്നത്‌, അയാൾ താമസി​ക്കുന്ന പ്രദേ​ശത്തെ സഭയുടെ നമ്പർ നിങ്ങൾക്ക്‌ അറിയില്ല, എങ്കിൽ സഭാന​മ്പ​രി​നു വേണ്ടി കൊടു​ത്തി​രി​ക്കുന്ന സ്ഥലത്ത്‌ ഒരു വരയി​ടുക.

(ഇ) ദാനവ​രി​സം​ഖ്യ​ക​ളാണ്‌ അയയ്‌ക്കു​ന്ന​തെ​ങ്കിൽ സ്ലിപ്പിന്റെ വലത്ത്‌ ഏറ്റവും മുകളി​ലാ​യി കൊടു​ത്തി​രി​ക്കുന്ന ചതുര​ത്തിൽ അടയാ​ള​പ്പെ​ടു​ത്തണം. ദാനവ​രി​സം​ഖ്യ കൊടു​ക്കുന്ന വ്യക്തി​യു​ടെ പേരും സ്ഥലവും വരിസം​ഖ്യ കൊടു​ക്കുന്ന വ്യക്തി​യെ​ക്കു​റി​ച്ചുള്ള വിവര​ങ്ങൾക്കാ​യി നൽകി​യി​രി​ക്കുന്ന സ്ഥലത്ത്‌ കാണി​ക്കണം.

(എഫ്‌) ഭാഷാ​നാ​മം പൂർണ​മാ​യി എഴു​തേ​ണ്ട​താണ്‌, ഇംഗ്ലീഷ്‌ വരിസം​ഖ്യ​ക​ളു​ടെ കാര്യ​ത്തി​ലും ഇതു ബാധക​മാണ്‌. ബ്രെയിൽ വരിസം​ഖ്യ​യു​ടെ കാര്യ​ത്തിൽ, ഭാഷ​യോ​ടൊ​പ്പം അതു കാണി​ച്ചി​രി​ക്കണം. (ഉദാഹ​രണം: “ബ്രെയിൽ-ഇംഗ്ലീഷ്‌.”) നിലവിൽ ഭാരതീയ ഭാഷക​ളി​ലൊ​ന്നി​ലും ബ്രെയിൽ പ്രസി​ദ്ധീ​ക​ര​ണങ്ങൾ ലഭ്യമല്ല.

(ജി) പ്രാ​ദേ​ശിക വരിസം​ഖ്യ​യു​ടെ ഏറ്റവും കുറഞ്ഞ കാലാ​വധി 12 ലക്കങ്ങളും ഏറ്റവും കൂടി​യത്‌ 5 വർഷവു​മാണ്‌. എന്നാൽ എയർമെ​യിൽ വരിസം​ഖ്യ​ക​ളൊ​ന്നും ഒന്നിൽ കൂടുതൽ വർഷ​ത്തേക്കു നൽകാൻ പാടു​ള്ളതല്ല.

(എച്ച്‌) പുതു​ക്ക​ലു​കൾ: പുതു​ക്കു​ന്ന​തി​നു വേണ്ടി കാലാ​വധി തീരുന്ന വരിസം​ഖ്യ (M-91, M-191) സ്ലിപ്പുകൾ ദയവായി ഉപയോ​ഗി​ക്കുക. അവ ലഭ്യമ​ല്ലെ​ങ്കിൽ, പുതുക്കൽ ഫാറമോ (M-5/M-105) പുതിയ സ്ലിപ്പു​ക​ളോ ഉപയോ​ഗി​ക്കുക. അങ്ങനെ വരു​മ്പോൾ, ലഭിച്ച ഒരു മാസി​ക​യു​ടെ പൊതി​ച്ചി​ലിൽനി​ന്നെ​ടുത്ത വരിക്കാ​രന്റെ വിലാസം കൂടെ ചേർക്കു​ന്നതു നല്ലതാ​യി​രി​ക്കും.

(ഐ) വീക്ഷാ​ഗോ​പു​ര​ത്തി​ന്റെ 2-ാം പേജിൽ കാണി​ച്ചി​രി​ക്കു​ന്ന​തു​പോ​ലെ, ഏതാനും ഭാഷക​ളിൽ (ഭാരതീയ ഭാഷക​ളി​ലില്ല) വല്യക്ഷ​ര​പ്പ​തിപ്പ്‌ ലഭ്യമാണ്‌. അതിൽ അധ്യയന ലേഖനങ്ങൾ മാത്രമേ കാണു​ക​യു​ള്ളൂ.

(ജെ) നിരക്കു​കൾ: നിലവി​ലുള്ള വരിസം​ഖ്യാ നിരക്കു​കൾ മാസി​ക​ക​ളിൽ കൊടു​ത്തി​ട്ടുണ്ട്‌. പയനിയർ നിരക്കു​ക​ളും ബ്രെയിൽ വരിസം​ഖ്യ​കൾക്കുള്ള നിരക്കും, നമ്മുടെ രാജ്യ ശുശ്രൂ​ഷ​യി​ലെ അറിയി​പ്പി​ലൂ​ടെ പരിഷ്‌ക​രി​ക്കാ​ത്ത​പക്ഷം, വാച്ച്‌ടവർ പ്രസി​ദ്ധീ​ക​ര​ണ​ങ്ങ​ളു​ടെ ലിസ്റ്റിൽനി​ന്നു ലഭ്യമാണ്‌. വരിസം​ഖ്യാ സ്ലിപ്പിൽ കാണി​ച്ചി​രി​ക്കുന്ന തുക പ്രതി​വാര വരിസം​ഖ്യ​കൾ എന്ന ഫാറത്തി​ലെ തുകയു​മാ​യി ഒത്തുവ​രു​ന്നു​വെന്നു സെക്ര​ട്ടറി ഉറപ്പു​വ​രു​ത്തേ​ണ്ട​തുണ്ട്‌.

(കെ) ഇന്ത്യയിൽനിന്ന്‌, അറേബി​യൻ ഗൾഫ്‌ രാജ്യ​ങ്ങ​ളൊ​ഴി​കെ, ഏതു വിദേ​ശ​രാ​ജ്യ​ത്തേ​ക്കും അയയ്‌ക്കുന്ന എയർമെ​യിൽ വരിസം​ഖ്യ​യ്‌ക്കുള്ള നിരക്ക്‌ നിലവിൽ സാധാരണ വരിസം​ഖ്യാ നിരക്കി​നു പുറമേ ഓരോ മെയി​ലി​നും 9.00 രൂപ വെച്ചാണ്‌. ഗൾഫ്‌ രാജ്യ​ങ്ങ​ളി​ലേ​ക്കുള്ള എല്ലാ വരിസം​ഖ്യ​ക​ളും ഒന്നാം ക്ലാസ്സ്‌ തപാലി​ലാണ്‌ അയയ്‌ക്കു​ന്നത്‌. മെയി​ലൊ​ന്നി​നു തപാൽചെ​ലവ്‌ 11.00 രൂപയാണ്‌. മറ്റു രാജ്യ​ങ്ങ​ളിൽ അച്ചടി​ക്കുന്ന മാസി​ക​ക​ളു​ടെ ഏറ്റവും പുതിയ എയർമെ​യിൽ നിരക്ക​റി​യാൻ സൊ​സൈ​റ്റി​യു​മാ​യി ബന്ധപ്പെ​ടുക.

(എൽ) പ്രസാ​ധ​ക​രു​ടെ വ്യക്തിഗത വരിസം​ഖ്യ​കൾ ഉൾപ്പെടെ, എല്ലാ വരിസം​ഖ്യ​ക​ളും പ്രാ​ദേ​ശിക സഭയി​ലൂ​ടെ അയയ്‌ക്കുക. അതു​പോ​ലെ​തന്നെ സൊ​സൈ​റ്റി​യോട്‌ എന്തെങ്കി​ലും കാര്യം ചോദി​ച്ച​റി​യാൻ ആഗ്രഹി​ക്കു​ന്നെ​ങ്കി​ലും അതു ദയവായി സഭയി​ലൂ​ടെ ചെയ്യുക. വരിസം​ഖ്യ​കൾ കിട്ടി​ക്ക​ഴിഞ്ഞ്‌ അടുത്ത യോഗ​ത്തിൽതന്നെ അവയുടെ എല്ലാത്തി​ന്റെ​യും പകർപ്പു സഹിതം വരിസം​ഖ്യ​കൾ കൈകാ​ര്യം ചെയ്യുന്ന ആളെ ഏൽപ്പി​ക്കുക. ലഭിക്കുന്ന വരിസം​ഖ്യ, ഒന്നേ ഉള്ളൂ​വെ​ങ്കിൽ പോലും, കൃത്യ​മാ​യി പൂരി​പ്പിച്ച പ്രതി​വാര വരിസം​ഖ്യ​കൾ (M-AB-203) എന്ന ഫാറ​ത്തോ​ടൊ​പ്പം ഓരോ വാരത്തി​ലും സെക്ര​ട്ടറി അതു സൊ​സൈ​റ്റിക്ക്‌ അയയ്‌ക്കണം. പ്രതി​മാസ പണമട​യ്‌ക്ക​ലി​ന്റെ കൂടെ അയയ്‌ക്കാ​നാ​യി വരിസം​ഖ്യ​ക​ളൊ​ന്നും താമസി​പ്പി​ക്ക​രുത്‌.

(എം) മാസി​കകൾ ലഭിക്കു​ന്നു​വെന്ന്‌ ഉറപ്പു​വ​രു​ത്താൻ വരിക്കാ​രെ ചെന്നു കാണുക. വരിക്കാ​രനു മാസി​ക​ക​ളു​ടെ ആദ്യ പ്രതി കിട്ടു​ന്നത്‌ വരിസം​ഖ്യാ സ്ലിപ്പുകൾ സൊ​സൈ​റ്റി​ക്കു കിട്ടി ആറാഴ്‌ച​യ്‌ക്കു ശേഷമാ​യി​രി​ക്കും.

(എൻ) സ്ലിപ്പുകൾ സൊ​സൈ​റ്റിക്ക്‌ അയച്ച്‌ എട്ടാഴ്‌ച കഴിഞ്ഞി​ട്ടും വരിസം​ഖ്യ​കൾ ലഭിക്കു​ന്നി​ല്ലെ​ങ്കിൽ അക്കാര്യം സഭയി​ലൂ​ടെ റിപ്പോർട്ടു ചെയ്യേ​ണ്ട​താണ്‌. കഴിഞ്ഞ രണ്ടു മാസങ്ങ​ളി​ലെ സ്റ്റേറ്റ്‌മെൻറു​ക​ളിൽ അതു ചാർജു ചെയ്‌തി​ട്ടി​ല്ലെ​ങ്കിൽ പ്രതി​വാര വരിസം​ഖ്യ​കൾ എന്ന ഫാറത്തി​ന്റെ ഒരു പകർപ്പും ബന്ധപ്പെട്ട വരിസം​ഖ്യ​ക​ളു​ടെ സ്ലിപ്പിന്റെ പകർപ്പു​ക​ളും ഒരു വിശദീ​ക​ര​ണ​ക്ക​ത്തി​നൊ​പ്പം സെക്ര​ട്ടറി വീണ്ടും അയയ്‌ക്കേ​ണ്ട​താണ്‌. പ്രതി​മാസ സ്റ്റേറ്റ്‌മെൻറിൽ അതു ചാർജു ചെയ്‌തി​ട്ടു​ണ്ടെ​ങ്കിൽ, കിട്ടാത്ത വരിസം​ഖ്യ​യു​ടെ സ്ലിപ്പു​ക​ളു​ടെ ഒരു പകർപ്പു മാത്രം, ചാർജു ചെയ്‌തെ​ങ്കി​ലും വരിസം​ഖ്യ​കൾ ലഭിക്കു​ന്നി​ല്ലെന്നു കാണി​ക്കുന്ന ഒരു വിശദീ​ക​ര​ണ​ക്ക​ത്തി​നൊ​പ്പം അയച്ചാൽ മതിയാ​കും. സ്റ്റേറ്റ്‌മെൻറിൽ ചാർജു ചെയ്‌തി​ട്ടുള്ള വരിസം​ഖ്യ​കൾക്കാ​യി പ്രതി​വാര വരിസം​ഖ്യ​കൾ എന്ന ഫാറത്തി​ന്റെ കോപ്പി​കൾ ദയവായി അയയ്‌ക്ക​രുത്‌.

(ഒ) വിലാ​സ​മാ​റ്റം വരിസം​ഖ്യാ വിലാ​സ​മാ​റ്റം (M-205) എന്ന ഫാറം ഉപയോ​ഗിച്ച്‌ സാധ്യ​മെ​ങ്കിൽ ആറാഴ്‌ച മുമ്പെ അറിയി​ച്ചി​രി​ക്കേ​ണ്ട​താണ്‌. പുതി​യ​തും പഴയതു​മായ വിലാ​സങ്ങൾ നൽകു​ക​യും വേണം. സാധി​ക്കു​മെ​ങ്കിൽ, വരിക്കാ​രന്റെ പഴയ വിലാസം സൂചി​പ്പി​ക്കുന്ന വിലാ​സ​ലേബൽ ഉൾപ്പെ​ടു​ത്തുക. വിലാ​സ​മാ​റ്റം പ്രാ​ദേ​ശിക പോ​സ്റ്റോ​ഫീസ്‌ അധികാ​രി​കളെ അറിയി​ക്കാ​നോ വിലാ​സ​മാ​റ്റം പ്രാബ​ല്യ​ത്തിൽ വരുന്ന​തു​വരെ പഴയ വിലാ​സ​ത്തിൽതന്നെ മാസി​കകൾ ശേഖരി​ക്കാ​നോ വരിക്കാ​രോട്‌ ആവശ്യ​പ്പെ​ടുക.

(പി) “അൺഡെ​ലി​വ​റ​ബിൾ സബ്‌സ്‌ക്രി​പ്‌ഷൻ ഫോളോ-അപ്പ്‌” സ്ലിപ്പുകൾ വരിസം​ഖ്യ കൊടുത്ത ആളെ ഏൽപ്പി​ക്കേ​ണ്ട​താണ്‌. അപ്പോൾ, വരിക്കാ​രനെ നേരിൽക്കണ്ട്‌ കാര്യങ്ങൾ നേരെ​യാ​ക്കാൻ അയാൾക്കു കഴി​ഞ്ഞേ​ക്കും. സൊ​സൈറ്റി അത്തരം കാര്യങ്ങൾ ആവശ്യ​പ്പെ​ടു​മ്പോൾ അവയോ​ടു പ്രതി​ക​രി​ക്കാൻ താമസി​ക്ക​രുത്‌.

(ക്യു) തപാലു​രു​പ്പ​ടി​കൾ യഥാസ​മയം എത്തിക്കാ​ത്ത​പ്പോൾപോ​ലും പോ​സ്റ്റോ​ഫീസ്‌ അധികൃ​ത​രോ​ടു ദയയും സഹകര​ണ​മ​നോ​ഭാ​വ​വും കാണി​ക്കുക. അവർക്കു നല്ലൊരു മനോ​ഭാ​വം ഉണ്ടാകാ​നും ഒരുപക്ഷേ അവരുടെ മനസ്സി​ലു​ണ്ടാ​യി​രു​ന്നേ​ക്കാ​വുന്ന മുൻവി​ധി ദൂരീ​ക​രി​ക്കാ​നും അതു സഹായി​ച്ചേ​ക്കാം.

നിങ്ങൾ ഈ നിർദേ​ശങ്ങൾ ശ്രദ്ധാ​പൂർവം പിൻപ​റ്റു​മ്പോൾ, വരിസം​ഖ്യ​കൾ കൈകാ​ര്യം ചെയ്യു​ന്ന​തിൽ കാലവി​ളം​ബം സൃഷ്ടി​ച്ചേ​ക്കാ​വുന്ന പ്രശ്‌നങ്ങൾ മിക്കതും ഒഴിവാ​ക്കാൻ സാധി​ക്കു​മെന്നു ഞങ്ങൾക്കു​റ​പ്പുണ്ട്‌.