സകലരും ‘ഹൃദയ​പൂർവം വചനം സ്വീക​രി​ക്കേ’ണ്ടതുണ്ട്‌!

¹ ദശലക്ഷ​ക്ക​ണ​ക്കിന്‌ ആളുക​ളാണ്‌ യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്കു​ന്നത്‌. പൊ.യു. 33-ലെ പെന്ത​ക്കോസ്‌തു ദിവസം അനുത​പിച്ച്‌ സ്‌നാ​പ​ന​മേറ്റ 3,000 പേരേ​പ്പോ​ലെ, നിത്യ​ജീ​വ​നാ​യി യോഗ്യത പ്രാപി​ക്കാൻ അവർ ‘ഹൃദയ​പൂർവം വചനം സ്വീക​രി​ക്കേ’ണ്ടതുണ്ട്‌. (പ്രവൃ. 2:41, NW) ഇന്നു നമ്മു​ടെ​മേൽ അത്‌ എങ്ങനെ​യുള്ള ഉത്തരവാ​ദി​ത്വ​മാണ്‌ കൈവ​രു​ത്തു​ന്നത്‌?

² യഹോ​വ​യോ​ടുള്ള ഭക്തി വളർത്തി​യെ​ടു​ക്കാൻ നാം ബൈബിൾ വിദ്യാർഥി​കളെ സഹായി​ക്കേ​ണ്ട​താണ്‌. (1 തിമൊ. 4:7-10) ആ ഉദ്ദേശ്യ​ത്തിൽ, 1996 ജൂൺ ലക്കം നമ്മുടെ രാജ്യ ശുശ്രൂ​ഷ​യു​ടെ അനുബന്ധം അതിന്റെ 20-ാം ഖണ്ഡിക​യിൽ ഇങ്ങനെ നിർദേ​ശി​ക്കു​ന്നു: “അധ്യയന ഘട്ടത്തി​ലു​ട​നീ​ളം യഹോ​വ​യു​ടെ ഗുണങ്ങ​ളെ​ക്കു​റി​ച്ചു വിലമ​തി​പ്പു കെട്ടു​പണി ചെയ്യാ​നുള്ള അവസര​ങ്ങൾക്കാ​യി നോക്കുക. ദൈവ​ത്തോ​ടു നിങ്ങൾക്കു​ത​ന്നെ​യുള്ള ആഴമായ വികാ​ര​ങ്ങളെ പ്രകടി​പ്പി​ക്കുക. യഹോ​വ​യു​മാ​യി ഒരു ഊഷ്‌മ​ള​മായ വ്യക്തിഗത ബന്ധം വികസി​പ്പി​ച്ചെ​ടു​ക്കു​ന്ന​തി​ന്റെ അടിസ്ഥാ​ന​ത്തിൽ ചിന്തി​ക്കാൻ വിദ്യാർഥി​യെ സഹായി​ക്കുക.”

³ നാം അഭിമു​ഖീ​ക​രി​ക്കുന്ന വെല്ലു​വി​ളി: വ്യാജ മതത്തിന്റെ സ്വാധീ​ന​വ​ല​യ​ത്തിൽ പെട്ടി​രി​ക്കുന്ന മിക്കവ​രും, വളരെ കുറച്ച്‌ സമയവും ശ്രമവും മാത്രം ആവശ്യ​മായ, ജീവി​ത​ത്തിൽ യഥാർഥ പരിവർത്ത​നങ്ങൾ വരു​ത്തേ​ണ്ട​തി​ല്ലാത്ത ഒരു ആരാധനാ രീതി​യിൽ തൃപ്‌ത​രാണ്‌. (2 തിമൊ. 3:5) അതു​കൊണ്ട്‌, സത്യാ​രാ​ധ​ന​യിൽ കേവലം ദൈവ​വ​ചനം കേൾക്കു​ന്നവർ ആയിരി​ക്കു​ന്ന​തി​ല​ധി​കം ഉൾപ്പെ​ടു​ന്നു എന്നു മനസ്സി​ലാ​ക്കാൻ ബൈബിൾ വിദ്യാർഥി​കളെ സഹായി​ക്കു​ന്ന​താണ്‌ നമുക്കുള്ള വെല്ലു​വി​ളി. തങ്ങൾ പഠിക്കു​ന്നത്‌ അവർ ബാധക​മാ​ക്കേ​ണ്ട​തുണ്ട്‌. (യാക്കോ. 1:22-25) അവരുടെ വ്യക്തി​പ​ര​മായ നടത്തയു​ടെ ഏതെങ്കി​ലും ഒരു വശം ദൈവ​ത്തി​നു സ്വീകാ​ര്യ​മ​ല്ലെ​ങ്കിൽ, “മാനസാ​ന്തര”പ്പെടാ​നും അവനെ പ്രസാ​ദി​പ്പി​ക്കു​മാറ്‌ ശരിയാ​യതു ചെയ്യാ​നു​മുള്ള കടമ അവർ തിരി​ച്ച​റി​യേ​ണ്ട​തുണ്ട്‌. (പ്രവൃ. 3:19) നിത്യ​ജീ​വൻ പ്രാപി​ക്കാൻ ‘അവർ തീവ്ര ശ്രമം ചെയ്യു’കയും സത്യത്തി​നു വേണ്ടി ഉറച്ച നിലപാട്‌ സ്വീക​രി​ക്കു​ക​യും വേണം.—ലൂക്കൊ. 13:24, 25, NW.

⁴ ധാർമി​ക​ത​യു​ടെ വിവിധ വശങ്ങൾ ചർച്ച ചെയ്യു​മ്പോൾ, അത്തരം കാര്യ​ങ്ങളെ എങ്ങനെ വീക്ഷി​ക്കു​ന്നു​വെ​ന്നും ജീവി​ത​ത്തിൽ മാറ്റങ്ങൾ വരുത്തേണ്ട ആവശ്യം കാണു​ന്നെ​ങ്കിൽ എന്തു ചെയ്യേ​ണ്ട​തു​ണ്ടെ​ന്നും നിങ്ങളു​ടെ ബൈബിൾ വിദ്യാർഥി​യോ​ടു ചോദി​ക്കുക. അയാൾ സത്യം പഠിക്കുന്ന സംഘട​ന​യി​ലേക്ക്‌ അയാളു​ടെ ശ്രദ്ധ തിരി​ച്ചു​വി​ടു​ക​യും പതിവാ​യി സഭാ​യോ​ഗ​ങ്ങ​ളിൽ സംബന്ധി​ക്കാൻ അയാളെ പ്രോ​ത്സാ​ഹി​പ്പി​ക്കു​ക​യും ചെയ്യുക.—എബ്രാ. 10:24, 25.

⁵ നമ്മുടെ പഠിപ്പി​ക്ക​ലി​ലൂ​ടെ വിദ്യാർഥി​യു​ടെ ഹൃദയ​ത്തിൽ എത്തി​ച്ചേ​രാൻ നമുക്ക്‌ ലക്ഷ്യമി​ടാം. ദൈവ​വ​ചനം ഹൃദയ​പൂർവം സ്വീക​രിച്ച്‌ സ്‌നാ​പ​ന​മേൽക്കാൻ പുതി​യ​വരെ പ്രോ​ത്സാ​ഹി​പ്പി​ക്കു​മ്പോൾ അതു നമ്മിൽ സന്തോഷം ഉളവാ​ക്കും!—1 തെസ്സ. 2:13.