നാം വ്യത്യസ്‌ത​രാ​ണെന്ന്‌ അവർക്കു കാണാൻ കഴിയും

¹ കഴിഞ്ഞ വർഷം 3,00,000-ത്തിലധി​കം പുതി​യവർ സ്‌നാ​പ​ന​മേറ്റ്‌ നമ്മോടു ചേർന്നു. ദൈവ​ത്തി​ന്റെ സംഘട​ന​യു​ടെ ഭാഗമാ​കാൻ ആഗ്രഹി​ക്ക​ത്ത​ക്ക​വി​ധം അവർ യഹോ​വ​യു​ടെ സാക്ഷി​ക​ളിൽ എന്താണു കണ്ടത്‌? നാം മറ്റെല്ലാ മതങ്ങളിൽനി​ന്നും വ്യത്യസ്‌ത​രാ​യി നില​കൊ​ള്ളു​ന്നത്‌ എന്തു​കൊണ്ട്‌? വ്യക്തമായ ചില ഉത്തരങ്ങൾ ഇതാ:

—വ്യക്തി​പ​ര​മായ അഭി​പ്രാ​യങ്ങൾ ഉന്നമി​പ്പി​ക്കു​ന്ന​തി​നു പകരം നാം ബൈബി​ളി​നോ​ടു പറ്റിനിൽക്കു​ന്നു: യേശു ചെയ്യാൻ പറഞ്ഞതു​പോ​ലെ, “ആത്മാ​വോ​ടും സത്യ​ത്തോ​ടും കൂടെ”യാണു നാം യഹോ​വ​യാം ദൈവത്തെ ആരാധി​ക്കു​ന്നത്‌. ഇത്‌ മതപര​മായ വ്യാജ ഉപദേ​ശങ്ങൾ തിരസ്‌ക​രിച്ച്‌ ദൈവ​ത്തി​ന്റെ ലിഖിത വചന​ത്തോ​ടു പറ്റിനിൽക്കു​ന്ന​തി​നെ അർഥമാ​ക്കു​ന്നു.—യോഹ. 4:23, 24, NW; 2 തിമൊ. 3:15-17.

—ആളുകൾ നമ്മുടെ അടു​ത്തേക്കു വരാൻ കാത്തി​രി​ക്കു​ന്ന​തി​നു പകരം നാം അവരുടെ അടു​ത്തേക്കു ചെല്ലുന്നു: പ്രസം​ഗി​ക്കാ​നും പഠിപ്പി​ക്കാ​നു​മുള്ള ക്രിസ്‌തു​വി​ന്റെ നിയോ​ഗം നാം സ്വീക​രി​ച്ചി​രി​ക്കു​ന്നു. ആത്മാർഥ ഹൃദയരെ അന്വേ​ഷി​ക്കുക എന്ന അവന്റെ മാതൃ​ക​യാ​ണു നാം പിൻപ​റ്റു​ന്നത്‌. വീടുകൾ, തെരു​വു​കൾ എന്നിങ്ങനെ അത്തരം ആളുകളെ കണ്ടെത്തി​യേ​ക്കാ​വുന്ന എല്ലാ ഇടങ്ങളി​ലും നാം അവർക്കാ​യി പരതുന്നു.—മത്താ. 9:35; 10:11; 28:19, 20; പ്രവൃ. 10:42.

—നാം സകലർക്കും ബൈബിൾ പ്രബോ​ധനം സൗജന്യ​മാ​യി കൊടു​ക്കു​ന്നു: ഓരോ വർഷവും നൂറു കോടി​യി​ല​ധി​കം മണിക്കൂർ ദൈവ സേവന​ത്തിൽ അർപ്പി​ച്ചു​കൊണ്ട്‌ നാം സൗജന്യ​മാ​യി നമ്മുടെ വിഭവ​ങ്ങ​ളും ഊർജ​വും വിനി​യോ​ഗി​ക്കു​ന്നു. തിരി​ച്ചു​വ്യ​ത്യാ​സ​മി​ല്ലാ​തെ, എല്ലാത്തരം ആളുക​ളെ​യും നാം ബൈബിൾ പഠിപ്പി​ക്കു​ന്നു.—മത്താ. 10:8; പ്രവൃ. 10:34, 35; വെളി. 22:17.

—ആളുകളെ ആത്മീയ​മാ​യി സഹായി​ക്കാൻ നാം നന്നായി പരിശീ​ലി​പ്പി​ക്ക​പ്പെ​ടു​ന്നു: വ്യക്തി​പ​ര​മായ ബൈബിൾ പഠനം, സഭാ യോഗങ്ങൾ, സമ്മേള​നങ്ങൾ, കൺ​വെൻ​ഷ​നു​കൾ എന്നിവ​യി​ലൂ​ടെ ലഭിച്ചു​കൊ​ണ്ടി​രി​ക്കുന്ന അമൂല്യ​മായ ദിവ്യാ​ധി​പത്യ വിദ്യാ​ഭ്യാ​സം മറ്റുള്ള​വരെ ആത്മീയ​മാ​യി പ്രബു​ദ്ധ​രാ​ക്കാൻ നമ്മെ പ്രാപ്‌ത​മാ​ക്കു​ന്നു.—യെശ. 54:13; 2 തിമൊ 2:15; 1 പത്രൊ. 3:15.

—ദൈനം​ദിന ജീവി​ത​ത്തിൽ ബാധക​മാ​ക്കി​ക്കൊണ്ട്‌ നാം സത്യം ഗൗരവ​ത്തോ​ടെ എടുക്കു​ന്നു: ദൈവ​ത്തോ​ടുള്ള സ്‌നേഹം നിമിത്തം, നാം നമ്മുടെ ജീവിതം അവന്റെ ഇഷ്ടത്തിനു ചേർച്ച​യിൽ കൊണ്ടു​വ​ന്നു​കൊണ്ട്‌ മാറ്റങ്ങൾ വരുത്തു​ന്നു. നമ്മുടെ ക്രിസ്‌തു​സ​മാന പുതിയ വ്യക്തി​ത്വം മറ്റുള്ള​വരെ സത്യത്തി​ലേക്ക്‌ ആകർഷി​ക്കു​ന്നു.—കൊലൊ. 3:9, 10; യാക്കോ. 1:22, 25; 1 യോഹ. 5:3.

—മറ്റുള്ള​വ​രു​മാ​യി സമാധാ​ന​ത്തിൽ ജീവി​ക്കാൻ നാം കഠിന ശ്രമം ചെയ്യുന്നു: ദിവ്യ ഗുണങ്ങൾ നട്ടുവ​ളർത്തു​ന്നത്‌ പ്രവൃ​ത്തി​യി​ലും സംസാ​ര​ത്തി​ലും സൂക്ഷ്‌മത പുലർത്താൻ നമ്മെ സഹായി​ക്കു​ന്നു. എല്ലാവ​രോ​ടു​മുള്ള ബന്ധത്തിൽ നാം “സമാധാ​നം അന്വേ​ഷി​ച്ചു പിന്തു​ടരു”ന്നു.—1 പത്രൊ. 3:10, 11; എഫെ. 4:1-3.

² യഹോ​വ​യു​ടെ സംഘട​ന​യിൽ തങ്ങൾ കാണുന്ന ക്രിസ്‌തീയ ജീവി​ത​രീ​തി​യു​ടെ മാതൃ​കകൾ സത്യം സ്വീക​രി​ക്കാൻ അനേകരെ പ്രചോ​ദി​പ്പി​ക്കു​ന്നു. നമ്മെ അറിയു​ക​യും നിരീ​ക്ഷി​ക്കു​ക​യും ചെയ്യു​ന്ന​വ​രു​ടെ മേൽ നമ്മുടെ വ്യക്തി​പ​ര​മായ മാതൃ​കയ്‌ക്കും സമാന​മായ ഒരു ഫലം ഉണ്ടാകട്ടെ.