സുവാർത്താ പ്രസംഗം നമ്മെ വ്യതി​രി​ക്ത​രാ​ക്കു​ന്നു

¹ “മറ്റു മതങ്ങളിൽ നിന്ന്‌ യഹോ​വ​യു​ടെ സാക്ഷി​കളെ വ്യത്യസ്‌ത​രാ​ക്കു​ന്നത്‌ എന്താണ്‌?” എന്ന്‌ പല ആളുക​ളും ചോദി​ക്കാ​റുണ്ട്‌. നിങ്ങൾ എന്തു മറുപടി പറയും? നമ്മുടെ ചില ബൈബി​ള​ധിഷ്‌ഠിത വിശ്വാ​സങ്ങൾ നിങ്ങൾക്കു വിശദീ​ക​രി​ക്കാൻ കഴിയും. എന്നാൽ, നമ്മുടെ പരസ്യ ശുശ്രൂ​ഷ​യും നമ്മെ മറ്റു മതങ്ങളിൽ നിന്ന്‌ എത്രയ​ധി​കം വ്യത്യസ്‌ത​രാ​ക്കു​ന്നു എന്ന സംഗതി ചൂണ്ടി​ക്കാ​ണി​ക്കു​ന്ന​തി​നെ കുറിച്ചു നിങ്ങൾ ചിന്തി​ച്ചി​ട്ടു​ണ്ടോ?—മത്താ. 24:14; 28:19, 20.

² ഇക്കാലത്ത്‌, തങ്ങളുടെ മതവി​ശ്വാ​സങ്ങൾ മറ്റുള്ള​വ​രു​മാ​യി പങ്കു​വെ​ക്കാൻ താത്‌പ​ര്യ​പ്പെ​ടുന്ന ആളുകൾ നന്നേ ചുരു​ക്ക​മാണ്‌. കൈസ​റു​ടെ നിയമങ്ങൾ അനുസ​രി​ക്കുക, മാന്യ​മായ ധാർമിക ജീവിതം നയിക്കുക, ദയാ​പ്ര​വൃ​ത്തി​കൾ ചെയ്യുക ഇവയൊ​ക്കെ മതി​യെന്ന്‌ അവർ വിചാ​രി​ച്ചേ​ക്കാം. എന്നുവ​രി​കി​ലും, രക്ഷ നേടു​ന്ന​തി​നോ​ടുള്ള ബന്ധത്തിൽ ബൈബിൾ പറയു​ന്നതു പഠിക്കാൻ മറ്റുള്ള​വരെ സഹായി​ക്കാ​നുള്ള യാതൊ​രു കടപ്പാ​ടും അവർക്കു തോന്നു​ന്നില്ല. നാം എങ്ങനെ​യാ​ണു വ്യത്യസ്‌ത​രാ​യി​രി​ക്കു​ന്നത്‌?

³ മറ്റു മതങ്ങളു​ടെ പ്രവർത്ത​ന​ങ്ങ​ളിൽ നിന്നു വളരെ വ്യത്യസ്‌ത​മാ​ണു തീക്ഷ്‌ണ​ത​യോ​ടെ​യുള്ള നമ്മുടെ ശുശ്രൂഷ. ആദിമ ക്രിസ്‌ത്യാ​നി​ക​ളു​ടെ മാതൃക പിൻപ​റ്റി​ക്കൊണ്ട്‌, 100-ലധികം വർഷങ്ങ​ളാ​യി, ആധുനി​ക​കാല സാക്ഷികൾ ഭൂമി​യു​ടെ അറുതി​ക​ളോ​ളം സുവാർത്ത സതീക്ഷ്‌ണം പ്രസം​ഗി​ച്ചി​രി​ക്കു​ന്നു. ദൈ​വേ​ഷ്ട​ത്തി​നു ചേർച്ച​യിൽ ജീവി​ക്കാൻ കഴിയു​ന്നത്ര ആളുകളെ സഹായി​ക്കുക എന്നതാണ്‌ അതു ചെയ്യു​ന്ന​തി​ലെ നമ്മുടെ ലക്ഷ്യം.—1 തിമൊ. 2:4; 2 പത്രൊ. 3:9.

⁴ നിങ്ങൾ എങ്ങനെ​യാണ്‌ അറിയ​പ്പെ​ടു​ന്നത്‌? ദൈവ​വ​ച​ന​ത്തി​ന്റെ ഒരു സതീക്ഷ്‌ണ പ്രസം​ഗ​ക​നാ​യി നിങ്ങൾ അറിയ​പ്പെ​ടു​ന്നു​വോ? (പ്രവൃ. 17:2, 3; 18:25) നിങ്ങളു​ടെ പ്രസംഗ പ്രവർത്തനം നിമിത്തം, അയൽക്കാർ അവരുടെ മതവും നിങ്ങളു​ടേ​തും തമ്മിലുള്ള വ്യത്യാ​സം എളുപ്പ​ത്തിൽ തിരി​ച്ച​റി​യു​ന്നു​ണ്ടോ? പ്രത്യാശ പങ്കു​വെ​ക്കു​ന്ന​തിൽ തീക്ഷ്‌ണ​ത​യുള്ള ആളായി​ട്ടാ​ണോ നിങ്ങൾ അറിയ​പ്പെ​ടു​ന്നത്‌? പതിവാ​യി ശുശ്രൂ​ഷ​യിൽ പങ്കുപ​റ്റുന്ന ഒരു രീതി നിങ്ങൾക്ക്‌ ഉണ്ടോ? നമ്മുടെ പേരി​നാൽ മാത്രമല്ല, ആ പേർ വിശദീ​ക​രി​ക്കുന്ന നമ്മുടെ പ്രവർത്ത​ന​ങ്ങ​ളാ​ലും ആണ്‌—യഹോ​വ​യെ​ക്കു​റി​ച്ചു സാക്ഷ്യം നൽകുക—നാം നമ്മെത്തന്നെ വ്യത്യസ്‌ത​രാ​ക്കു​ന്നത്‌ എന്നത്‌ ഓർമി​ക്കുക.—യെശ. 43:10.

⁵ ദൈവ​ത്തോ​ടും അയൽക്കാ​രോ​ടു​മുള്ള സ്‌നേഹം പ്രസം​ഗ​പ്ര​വർത്ത​ന​ത്തിൽ ഏർപ്പെ​ടാൻ നമ്മെ പ്രേരി​പ്പി​ക്കു​ന്നു. (മത്താ. 22:37-39) അതു​കൊ​ണ്ടാണ്‌, യേശു​വി​നെ​യും അപ്പൊസ്‌ത​ല​ന്മാ​രെ​യും പോലെ, രാജ്യ സന്ദേശം പങ്കു​വെ​ക്കാ​നുള്ള എല്ലാ അവസര​ങ്ങ​ളും പ്രയോ​ജ​ന​പ്പെ​ടു​ത്താൻ നാം ആഗ്രഹി​ക്കു​ന്നത്‌. ശ്രദ്ധി​ക്കാൻ ചായ്‌വുള്ള സകല​രോ​ടും സതീക്ഷ്‌ണം സുവാർത്ത പ്രസം​ഗി​ക്കു​ന്ന​തിൽ നമുക്കു തുടരാം. അങ്ങനെ ചെയ്യു​ന്ന​തി​ലൂ​ടെ “ദൈവത്തെ സേവി​ക്കു​ന്ന​വ​നും സേവി​ക്കാ​ത്ത​വ​നും തമ്മിലുള്ള വ്യത്യാ​സം” കാണാൻ പരമാർഥ ഹൃദയർ സഹായി​ക്ക​പ്പെ​ടും.—മലാ. 3:18.