സന്തോ​ഷ​ത്തോ​ടെ പ്രവർത്തി​ക്കു​ന്നവർ ആയിരി​പ്പിൻ

¹ നോഹയുടെ നാളി​ലെ​പ്പോ​ലെ, തന്റെ സാന്നി​ധ്യ​കാ​ല​ത്തും ഭൂരി​പക്ഷം ആളുക​ളും ‘ശ്രദ്ധി​ക്കു​ക​യില്ല’ എന്ന്‌ യേശു പറഞ്ഞു. (മത്താ. 24:37-39, NW) അതു​കൊണ്ട്‌, എല്ലാവ​രും രാജ്യ സുവാർത്ത ശ്രദ്ധി​ക്കു​മെന്നു നമുക്ക്‌ പ്രതീ​ക്ഷി​ക്കാ​നാ​വില്ല. എന്നിരു​ന്നാ​ലും, ശുശ്രൂഷ നിർവ​ഹി​ക്കു​മ്പോൾ സന്തോഷം നിലനിർത്താൻ നമ്മെ എന്തു സഹായി​ക്കും?—സങ്കീ. 100:2.

² ഒന്നാമതായി, നമ്മുടെ പ്രസംഗ നിയോ​ഗ​വും നാം ഘോഷി​ക്കുന്ന സന്ദേശ​വും ദൈവ​ത്തിൽ നിന്നു​ള്ള​താണ്‌ എന്ന സംഗതി മനസ്സിൽ പിടി​ക്കണം. നാം കഴിവി​ന്റെ പരമാ​വധി ശ്രമി​ച്ചി​ട്ടും ആളുകൾ നമ്മുടെ സന്ദേശ​ത്തോട്‌ പ്രതി​ക​രി​ക്കു​ന്നി​ല്ലെ​ങ്കിൽ ഫലത്തിൽ അവർ യഹോ​വ​യെ​യാണ്‌ നിരസി​ക്കു​ന്നത്‌. സുവാർത്ത പ്രസം​ഗ​വേ​ല​യി​ലെ നമ്മുടെ വിശ്വ​സ്‌ത​ത​യ്‌ക്ക്‌ ദൈവാം​ഗീ​കാ​ര​മു​ണ്ടെന്ന്‌ ഓർക്കു​ന്നത്‌ ദൈവ​വ​ച​നാ​നു​സൃ​തം പ്രവർത്തി​ക്കു​ന്നവർ എന്നനി​ല​യിൽ നമ്മുടെ ആന്തരിക സന്തോഷം നിലനി​റു​ത്താൻ നമ്മെ സഹായി​ക്കും.—യാക്കോ. 1:25, NW.

³ രണ്ടാമതായി, യഹോവ പ്രദാനം ചെയ്യുന്ന രക്ഷാ മാർഗം സ്വീക​രി​ക്കാ​നി​രി​ക്കുന്ന അനേകർ ഇനിയും ഉണ്ട്‌ എന്നതാണ്‌. ഭൂരി​പക്ഷം ആളുക​ളും ഉദാസീ​നർ ആണെങ്കി​ലും, അന്ത്യനാ​ളു​ക​ളു​ടെ ഈ പരമാ​ന്ത്യ​ത്തി​ലും ചെമ്മരി​യാ​ടു​തു​ല്യ​രാ​യവർ കൂട്ടി​ച്ചേർക്ക​പ്പെ​ടാ​നുണ്ട്‌. അതു​കൊണ്ട്‌ “യോഗ്യൻ ആർ എന്നു അന്വേഷി”ക്കാനായി ‘പട്ടണത്തി​ലോ ഗ്രാമ​ത്തി​ലോ കടന്നു​കൊണ്ട്‌’ നാം പ്രസം​ഗ​വേ​ല​യിൽ തുട​രേ​ണ്ട​തുണ്ട്‌.—മത്താ. 10:11-13.

⁴ ക്രിയാത്മക മനോ​ഭാ​വം നിലനിർത്തുക: വ്യാജ​മ​ത​ത്തി​ന്റെ പരിതാ​പ​ക​ര​മായ ചരിത്രം അനേകരെ നിരാ​ശ​രാ​ക്കി​യി​രി​ക്കു​ന്നു. മറ്റു ചിലർ ഈ വ്യവസ്ഥി​തി നിമിത്തം “കുഴഞ്ഞ​വ​രും ചിന്നി​യ​വ​രു​മാ​യി”ത്തീർന്നി​രി​ക്കു​ന്നു. (മത്താ. 9:36) തൊഴിൽരാ​ഹി​ത്യം, ആരോ​ഗ്യ​പ്ര​ശ്‌നങ്ങൾ, സുരക്ഷി​ത​ത്വ​മി​ല്ലായ്‌മ എന്നിവ അനേകരെ ഭാര​പ്പെ​ടു​ത്തു​ന്നു​ണ്ടാ​കാം. ഇത്‌ തിരി​ച്ച​റി​യു​ന്നത്‌ വേലയിൽ സ്ഥിരോ​ത്സാ​ഹം ഉള്ളവരാ​യി​രി​ക്കാൻ നമ്മെ സഹായി​ക്കും. നമ്മുടെ പ്രദേ​ശ​ത്തുള്ള ആളുകളെ ആകുല​പ്പെ​ടു​ത്തുന്ന കാര്യ​ങ്ങളെ കേന്ദ്രീ​ക​രിച്ച്‌ സംഭാ​ഷ​ണങ്ങൾ തുടങ്ങാൻ ശ്രമി​ക്കേ​ണ്ട​താണ്‌. അതി​നെ​ല്ലാ​മുള്ള ഏക പരിഹാ​രം ദൈവ​രാ​ജ്യ​മാ​ണെന്നു കാണാൻ അവരെ സഹായി​ക്കുക. സുവാർത്ത അവരുടെ ഹൃദയ​ത്തിൽ എത്തിക്കാൻ തക്കവിധം തിരു​വെ​ഴു​ത്തു​ക​ളും പ്രസി​ദ്ധീ​ക​ര​ണ​ങ്ങ​ളിൽ നിന്നുള്ള പ്രത്യേക ആശയങ്ങ​ളും ഉൾപ്പെ​ടു​ത്തുക.—എബ്രാ. 4:12.

⁵ ദൈവവചനാനുസൃതം പ്രവർത്തി​ക്കു​ന്ന​തിൽ സന്തോഷം കണ്ടെത്തു​ന്നവർ പിൻവ​രുന്ന സംഗതി എപ്പോ​ഴും മനസ്സിൽ പിടി​ക്കു​ന്നു: “യഹോ​വ​യി​ങ്കലെ സന്തോഷം [നമ്മുടെ] ബലം ആകുന്നു.” (നെഹെ. 8:10) നമ്മുടെ സന്തോഷം നഷ്ടപ്പെ​ടു​ത്തു​ന്ന​തി​നു യാതൊ​രു കാരണ​വു​മില്ല. “വീട്ടിന്നു യോഗ്യ​ത​യു​ണ്ടെ​ങ്കിൽ നിങ്ങളു​ടെ സമാധാ​നം അതിന്മേൽ വരട്ടെ; യോഗ്യ​ത​യില്ല എന്നു വരികിൽ സമാധാ​നം നിങ്ങളി​ലേക്കു മടങ്ങി​പ്പോ​രട്ടെ.” (മത്താ. 10:13) നാം ക്ഷമയോ​ടെ യഹോ​വ​യു​ടെ വിശുദ്ധ സേവന​ത്തിൽ തുടരു​മ്പോൾ അവൻ നമ്മുടെ സന്തോ​ഷ​ത്തെ​യും ശക്തി​യെ​യും പുതു​ക്കു​ക​യും നമ്മുടെ വിശ്വ​സ്‌ത​തയെ അനു​ഗ്ര​ഹി​ക്കു​ക​യും ചെയ്യും.