ഭൂമി​യി​ലെ ഏറ്റവും സന്തുഷ്ട​രായ ജനം

¹ “യഹോവ ദൈവ​മാ​യി​രി​ക്കുന്ന ജനം സന്തുഷ്ടർ!” (സങ്കീ. 144:15, NW) ആ വാക്കുകൾ യഹോ​വ​യു​ടെ സാക്ഷി​കളെ ഭൂമി​യി​ലെ ഏറ്റവും സന്തുഷ്ട​രായ ജനമായി വർണി​ക്കു​ന്നു. ജീവനുള്ള ഏകസത്യ​ദൈ​വ​മായ യഹോ​വയെ സേവി​ക്കു​ന്ന​തിൽ നിന്നു ലഭിക്കു​ന്ന​തി​നെ​ക്കാൾ വലിയ സന്തോഷം വേറെ​യില്ല. അവൻ ‘സന്തുഷ്ട​നായ ദൈവം’ ആയതി​നാൽ അവനെ ആരാധി​ക്കു​ന്നവർ അവന്റെ സന്തോഷം പ്രതി​ഫ​ലി​പ്പി​ക്കു​ന്നു. (1 തിമൊ. 1:11, NW) നമ്മെ ഇത്ര സന്തുഷ്ട​രാ​ക്കുന്ന, നമ്മുടെ ആരാധ​ന​യു​ടെ ചില വശങ്ങൾ ഏതൊ​ക്കെ​യാണ്‌?

² സന്തുഷ്ടർ ആയിരി​ക്കു​ന്ന​തി​നുള്ള കാരണങ്ങൾ: നമ്മുടെ “ആത്മീയ ആവശ്യത്തെ കുറിച്ചു ബോധ​മു​ള്ളവർ” ആയിരി​ക്കു​ന്ന​താണ്‌ സന്തുഷ്ടി​ക്കു നിദാ​ന​മെന്ന്‌ യേശു ഉറപ്പു നൽകി. (മത്താ. 5:3, NW) ബൈബിൾ തുടർച്ച​യാ​യി പഠിക്കു​ന്ന​തും എല്ലാ ക്രിസ്‌തീയ യോഗ​ങ്ങൾക്കും മുടങ്ങാ​തെ ഹാജരാ​കു​ന്ന​തും ആ ആവശ്യത്തെ തൃപ്‌തി​പ്പെ​ടു​ത്തു​ന്നു. ദൈവ​വ​ച​ന​ത്തി​ലെ സത്യം പഠിച്ച​പ്പോൾ മതപര​മായ ഭോഷ്‌കിൽനി​ന്നും തെറ്റു​ക​ളിൽനി​ന്നും നാം സ്വത​ന്ത്ര​രാ​യി. (യോഹ. 8:32) ഏറ്റവും മെച്ചപ്പെട്ട ജീവി​ത​ഗതി ഏതെന്നും തിരു​വെ​ഴു​ത്തു​കൾ നമ്മെ പഠിപ്പി​ച്ചി​രി​ക്കു​ന്നു. (യെശ. 48:17) തന്നിമി​ത്തം, നമ്മുടെ സന്തുഷ്ട സഹോ​ദ​ര​വർഗ​ത്തി​നു​ള്ളിൽ നാം ആരോ​ഗ്യാ​വ​ഹ​മായ ക്രിസ്‌തീയ കൂട്ടായ്‌മ ആസ്വദി​ക്കു​ന്നു.—1 തെസ്സ. 2:19, 20; 1 പത്രൊ. 2:17.

³ ദൈവ​ത്തി​ന്റെ ഉന്നത ധാർമിക നിലവാ​രങ്ങൾ അനുസ​രി​ക്കു​ന്ന​തിൽനി​ന്നു നമുക്കു വലിയ സംതൃപ്‌തി ലഭിക്കു​ന്നു; കാരണം, അതു നമ്മെ സംരക്ഷി​ക്കു​ക​യും യഹോ​വയെ സന്തോ​ഷി​പ്പി​ക്കു​ക​യും ചെയ്യു​ന്നു​വെന്നു നമുക്ക​റി​യാം. (സദൃ. 27:11) ഒരു പത്രറി​പ്പോർട്ടർ ഇങ്ങനെ അഭി​പ്രാ​യ​പ്പെട്ടു: “കർശന നിലവാ​രങ്ങൾ ഉള്ളവ​രെ​ങ്കി​ലും യഹോ​വ​യു​ടെ സാക്ഷികൾ അസന്തു​ഷ്ട​രാ​യി കാണ​പ്പെ​ടു​ന്നില്ല. നേരെ മറിച്ച്‌, പ്രായ​ഭേ​ദ​മ​ന്യേ എല്ലാവ​രും അസാധാ​രണ സന്തോ​ഷ​വും നല്ല സമനി​ല​യും ഉള്ളവരാ​യി കാണ​പ്പെ​ടു​ന്നു.” നമ്മുടെ സന്തുഷ്ട ജീവി​ത​ഗ​തി​യിൽ ചേരാൻ നമുക്കു മറ്റുള്ള​വരെ എങ്ങനെ സഹായി​ക്കാ​നാ​കും?

⁴ സന്തുഷ്ടി കണ്ടെത്താൻ മറ്റുള്ള​വരെ സഹായി​ക്കുക: അസന്തുഷ്ടി നിറഞ്ഞ ഒരു ലോക​മാണ്‌ ഇന്നത്തേത്‌; ഭാവിയെ കുറിച്ച്‌ ആളുകൾക്കു പൊതു​വേ​യുള്ള കാഴ്‌ച​പ്പാട്‌ ഇരുള​ട​ഞ്ഞ​താണ്‌. എന്നാൽ, എല്ലാ ദുഃഖ​വും ഒരു ദിവസം ഇല്ലാതാ​കും എന്ന്‌ അറിയാ​വു​ന്ന​തു​കൊണ്ട്‌ നമ്മുടെ കാഴ്‌ച​പ്പാ​ടു ശോഭ​ന​മാണ്‌. (വെളി. 21:3-5എ) അതു​കൊണ്ട്‌, നമ്മുടെ പ്രത്യാ​ശ​യും യഹോ​വയെ കുറി​ച്ചുള്ള നമ്മുടെ വിശ്വാ​സ​ങ്ങ​ളും പങ്കു​വെ​ക്കാൻ ആത്മാർഥ ഹൃദയരെ തിരഞ്ഞു​കൊണ്ട്‌ നാം ശുശ്രൂ​ഷ​യിൽ തീക്ഷ്‌ണ​മാ​യി പങ്കുപ​റ്റു​ന്നു.—യെഹെ. 9:4.

⁵ ഒരു പയനിയർ സഹോ​ദരി പറഞ്ഞു: “യഹോ​വ​യെ​യും അവന്റെ സത്യ​ത്തെ​യും കുറിച്ച്‌ അറിയാൻ ആളുകളെ സഹായി​ക്കു​ന്ന​തി​നെ​ക്കാൾ സംതൃപ്‌തി നൽകുന്ന യാതൊ​ന്നു​മില്ല.” ഭവന ബൈബിൾ അധ്യയനം സ്വീക​രി​ക്കു​ന്ന​തിന്‌ അനേകരെ കൂടെ പ്രോ​ത്സാ​ഹി​പ്പി​ക്കാൻ നമുക്ക്‌ ആവതു ചെയ്യാം. യഹോ​വയെ സേവി​ക്കു​ന്ന​തും അവനെ സേവി​ക്കു​ന്ന​തി​നു മറ്റുള്ള​വരെ സഹായി​ക്കാൻ നമ്മെത്തന്നെ വിട്ടു​കൊ​ടു​ക്കു​ന്ന​തു​മാണ്‌ ഏറ്റവും വലിയ സന്തുഷ്ടി കൈവ​രു​ത്തു​ന്നത്‌.—പ്രവൃ. 20:35.