മറ്റുള്ള​വരെ നിർമ​ല​ഭാഷ പഠിപ്പി​ക്കു​ക

¹ വ്യത്യസ്‌ത “രാഷ്‌ട്ര​ങ്ങ​ളി​ലും ഗോ​ത്ര​ങ്ങ​ളി​ലും ജനങ്ങളി​ലും ഭാഷക​ളി​ലും” നിന്നു​ള്ള​വ​രാ​ണെ​ങ്കി​ലും യഹോ​വ​യു​ടെ സാക്ഷികൾ ഒരു ഏകീകൃത ജനമാണ്‌, ഒരു യഥാർഥ സാർവ​ദേ​ശീയ സഹോ​ദ​ര​വർഗം​തന്നെ. (വെളി. 7:9, NW) ഇന്നത്തെ വിഭജിത ലോക​ത്തിൽ ഇതു തികച്ചും ശ്രദ്ധേ​യ​മാണ്‌. എങ്ങനെ​യാണ്‌ ഈ ഐക്യം സാധ്യ​മാ​യി​രി​ക്കു​ന്നത്‌? നമുക്ക്‌ “ഒരു നിർമ​ല​ഭാ​ഷ​യി​ലേ​ക്കുള്ള മാറ്റം” നൽകി​ക്കൊണ്ട്‌ യഹോവ അതു സാധ്യ​മാ​ക്കി​യി​രി​ക്കു​ന്നു.—സെഫ. 3:9, NW.

² അത്ഭുതാവഹമായ ഫലങ്ങൾ: എന്താണ്‌ ഈ നിർമ​ല​ഭാഷ? യഹോ​വ​യെ​യും അവന്റെ ഉദ്ദേശ്യ​ങ്ങ​ളെ​യും കുറിച്ചു ദൈവ​വ​ച​ന​ത്തിൽ കാണുന്ന സത്യത്തി​ന്റെ ഉചിത​മായ ഗ്രാഹ്യം ആണത്‌. വിശേ​ഷാൽ ദൈവ​രാ​ജ്യ​ത്തെ സംബന്ധിച്ച സത്യം എന്നു പറയാം. യേശു മുൻകൂ​ട്ടി പറഞ്ഞതു​പോ​ലെ, ഭൂമി​യി​ലെ ഒരു ദൃശ്യ സരണി​യി​ലൂ​ടെ, അതായത്‌ “വിശ്വ​സ്‌ത​നും വിവേ​കി​യു​മായ അടിമ” മുഖാ​ന്തരം, ഈ സത്യം ഇന്നു വിതരണം ചെയ്യ​പ്പെ​ടു​ന്നു. തന്നിമി​ത്തം, “ജനതക​ളു​ടെ സകല ഭാഷക​ളി​ലും നിന്നുള്ള” ആളുകൾ സത്യാ​രാ​ധന സ്വീക​രി​ക്കു​ക​യാണ്‌.—മത്താ. 24:45-47; സെഖ. 8:23, NW.

³ ആളുകൾ നിർമ​ല​ഭാഷ പഠിക്കു​മ്പോൾ, യഹോ​വ​യു​ടെ നിലവാ​ര​ങ്ങൾക്കു ചേർച്ച​യിൽ തങ്ങളുടെ ജീവി​തത്തെ അനുരൂ​പ​പ്പെ​ടു​ത്താൻ അവർ പ്രേരി​ത​രാ​കു​ന്നു. ‘ഒരേ മനസ്സി​ലും ഒരേ ചിന്താ​ഗ​തി​യി​ലും ഉചിത​മാ​യി ഐക്യ​പ്പെ​ട്ടി​രി​ക്കാൻ’ അവർ പഠിക്കു​ന്നു. (1 കൊരി. 1:10, NW) ദിവ്യ​പ്ര​ബോ​ധനം നേരായ നടത്ത ശീലി​ക്കാൻ അവരെ സഹായി​ച്ചി​രി​ക്കു​ന്നു. വിശേ​ഷി​ച്ചും സുവാർത്താ ഘോഷ​ണ​ത്തോ​ടുള്ള ബന്ധത്തിൽ കെട്ടു​പ​ണി​ചെ​യ്യുന്ന വിധത്തി​ലും സത്യസ​ന്ധ​മാ​യും സംസാ​രി​ക്കാൻ അത്‌ അവരെ പഠിപ്പി​ച്ചി​രി​ക്കു​ന്നു. (തീത്തൊ. 2:7, 8; എബ്രാ. 13:15) വിസ്‌മ​യാ​വ​ഹ​മായ ഈ പരിവർത്ത​നങ്ങൾ യഹോ​വ​യ്‌ക്കു മഹത്ത്വം കൈവ​രു​ത്തു​ന്നു.

⁴ ദൃഷ്ടാന്തത്തിന്‌, ആദ്യമാ​യി സുവാർത്ത കേട്ട ഒരു മനുഷ്യന്‌ അനവധി ചോദ്യ​ങ്ങൾ ഉണ്ടായി​രു​ന്നു. അദ്ദേഹത്തെ സന്ദർശിച്ച സാക്ഷി ഓരോ​ന്നി​നും ബൈബി​ളിൽനിന്ന്‌ ഉത്തരം നൽകി. കേട്ട കാര്യങ്ങൾ അദ്ദേഹ​ത്തി​ന്റെ ഹൃദയത്തെ സ്‌പർശി​ച്ചു. അങ്ങനെ അദ്ദേഹം ആഴ്‌ച​യിൽ രണ്ടു പ്രാവ​ശ്യം വീതം അധ്യയനം വേണ​മെന്ന്‌ ആവശ്യ​പ്പെട്ടു, യോഗ​ങ്ങൾക്കു ഹാജരാ​കാ​നും തുടങ്ങി. രാജ്യ​ഹാ​ളിൽ സഹോ​ദ​ര​ങ്ങ​ളിൽനിന്ന്‌ ഊഷ്‌മ​ള​മായ സ്വീക​രണം ലഭിച്ച​പ്പോൾ ആ മനുഷ്യൻ അതിശ​യി​ച്ചു​പോ​യി. കാരണം അവരിൽ അനേക​രും മറ്റൊരു വർഗത്തിൽപ്പെട്ട ആളുക​ളാ​യി​രു​ന്നു. അധികം വൈകാ​തെ​തന്നെ അദ്ദേഹ​വും ഭാര്യ​യും ജീവി​ത​ത്തിൽ മാറ്റങ്ങൾ വരുത്തു​ക​യും സ്‌നാ​പനം ഏൽക്കു​ക​യും ചെയ്‌തു. സ്വന്തകു​ടും​ബാം​ഗങ്ങൾ ഉൾപ്പെടെ 40-ഓളം പേരെ യഹോ​വയെ സേവി​ക്കു​ന്നവർ ആയിത്തീ​രാൻ സഹായി​ക്കു​ന്ന​തിന്‌ അദ്ദേഹ​ത്തി​നു കഴിഞ്ഞി​രി​ക്കു​ന്നു. ശാരീ​രി​ക​മാ​യി ഒരു വൈക​ല്യം ഉണ്ടായി​രു​ന്നി​ട്ടു പോലും, അടുത്ത​കാ​ലത്ത്‌ അദ്ദേഹം പയനിയർ സേവന​ത്തിൽ പ്രവേ​ശി​ച്ചു.

⁵ മറ്റുള്ളവരെ പഠിപ്പി​ക്കൽ: തങ്ങളുടെ ചിന്താ​ഗ​തി​യും ജീവി​ത​രീ​തി​യും സംബന്ധിച്ച്‌ ഒരു പുനഃ​പ​രി​ശോ​ധന നടത്താൻ, പുതു​താ​യി അരങ്ങേ​റി​ക്കൊ​ണ്ടി​രി​ക്കുന്ന ലോക​സം​ഭ​വങ്ങൾ ആത്മാർഥ ഹൃദയ​രായ ആളുകളെ പ്രേരി​പ്പി​ക്കു​ന്നു. അങ്ങനെ​യു​ള്ള​വരെ സഹായി​ക്കാൻ യേശു​വി​നെ​പ്പോ​ലെ നാമും സന്മനസ്സു​ള്ളവർ ആയിരി​ക്കണം. പരമാർഥ ഹൃദയരെ നിർമ​ല​ഭാഷ പഠിക്കാൻ സഹായി​ക്കു​ന്ന​തിൽ ഫലപ്ര​ദ​മായ മടക്കസ​ന്ദർശ​ന​ങ്ങ​ളും ബൈബി​ള​ധ്യ​യ​ന​ങ്ങ​ളും നിർണാ​യക പങ്കുവ​ഹി​ക്കു​ന്നു.

⁶ തിരക്കിലായിരിക്കുന്ന ആളുക​ളു​മാ​യി വീട്ടു​വാ​തിൽക്കൽ നിന്നു​കൊ​ണ്ടു​തന്നെ ഹ്രസ്വ​മായ ഒരു ബൈബി​ള​ധ്യ​യനം നടത്തു​ന്നത്‌ വളരെ ഫലപ്ര​ദ​മായ ഒരു സമീപ​ന​മാണ്‌ എന്നു തെളി​ഞ്ഞി​രി​ക്കു​ന്നു. (km 5/02 പേ. 1) നിങ്ങൾ അതു പരീക്ഷി​ച്ചു നോക്കി​യി​ട്ടു​ണ്ടോ? ഒരു മടക്കസ​ന്ദർശ​ന​ത്തി​നാ​യി തയ്യാറാ​കു​മ്പോൾ, നിങ്ങൾ സന്ദർശി​ക്കാൻ പോകുന്ന വ്യക്തിക്ക്‌ ഇണങ്ങുന്ന ഒരു അവതരണം നമ്മുടെ രാജ്യ ശുശ്രൂ​ഷ​യു​ടെ 2002 ജനുവരി ലക്കം അനുബ​ന്ധ​ത്തിൽ നിന്നു തിര​ഞ്ഞെ​ടു​ക്കുക. ആവശ്യം ലഘുപ​ത്രി​ക​യിൽ നിന്നോ പരിജ്ഞാ​നം പുസ്‌ത​ക​ത്തിൽ നിന്നോ ഉള്ള ഒരു ചർച്ചയി​ലേക്കു നേരിട്ടു നയിക്കുന്ന വിധത്തി​ലാണ്‌ ആ അനുബ​ന്ധ​ത്തി​ലെ അവതര​ണ​ങ്ങ​ളിൽ മിക്കവ​യും തയ്യാറാ​ക്കി​യി​ട്ടു​ള്ളത്‌. അവതര​ണങ്ങൾ നന്നായി പരിശീ​ലി​ക്കുക. അങ്ങനെ​യാ​കു​മ്പോൾ മുഖവു​ര​യിൽ നിന്നു ചർച്ചയി​ലേക്കു കടക്കുക എളുപ്പ​മാ​യി​രി​ക്കും. വായിച്ചു ചർച്ച ചെയ്യാ​നാ​യി ഖണ്ഡിക​യിൽ നിന്നും ഒന്നോ രണ്ടോ തിരു​വെ​ഴു​ത്തു​കൾ തിര​ഞ്ഞെ​ടു​ക്കുക. അധ്യയ​ന​ത്തി​ന്റെ അവസാനം ഉന്നയി​ക്കാൻ ഒരു ചോദ്യം കരുതി​വെ​ക്കു​ന്ന​തും നല്ലതാണ്‌. ഈ ചോദ്യം അടുത്ത പ്രാവ​ശ്യം പഠിക്കാൻ പോകുന്ന ഖണ്ഡിക​യു​മാ​യി ബന്ധിപ്പി​ക്കുന്ന ഒരു കണ്ണിയാ​യി​രി​ക്കും.

⁷ നിർമലഭാഷ പഠിച്ച​തി​ന്റെ ഫലമായി യഹോ​വ​യു​ടെ ജനം എണ്ണമറ്റ പ്രയോ​ജ​നങ്ങൾ അനുഭ​വി​ക്കു​ന്നുണ്ട്‌. നമ്മോ​ടൊ​പ്പം ‘യഹോ​വ​യു​ടെ നാമം വിളി​ച്ച​പേ​ക്ഷി​ക്കാ​നും തോ​ളോ​ടു തോൾ ചേർന്ന്‌ അവനെ സേവി​ക്കാ​നും’ ഇനിയും ജനസഹ​സ്ര​ങ്ങളെ സഹായി​ക്കു​ന്ന​തിൽ നമുക്കു ശുഷ്‌കാ​ന്തി​യോ​ടെ മുന്നേ​റാം.—സെഫ. 3:9, NW.