പുരോ​ഗ​മ​നാ​ത്മ​ക​മായ ബൈബി​ള​ധ്യ​യ​നങ്ങൾ നടത്തൽ—അധ്യയ​ന​ത്തി​നു തയ്യാറാ​കാൻ വിദ്യാർഥി​കളെ പരിശീ​ലി​പ്പി​ക്കുക

¹ പഠനഭാ​ഗം നേരത്തേ വായി​ച്ചു​വെ​ക്കു​ക​യും ഉത്തരങ്ങൾ അടയാ​ള​പ്പെ​ടു​ത്തു​ക​യും സ്വന്തം വാചക​ത്തിൽ അവ എങ്ങനെ പറയാ​മെന്ന്‌ മുൻകൂ​ട്ടി ചിന്തി​ക്കു​ക​യും ചെയ്യുന്ന ഒരു വിദ്യാർഥി സാധാ​ര​ണ​ഗ​തി​യിൽ പെട്ടെ​ന്നു​തന്നെ ആത്മീയ പുരോ​ഗതി പ്രാപി​ക്കാ​റുണ്ട്‌. അതു​കൊണ്ട്‌ അധ്യയനം മുന്നോ​ട്ടു​പോ​കാ​മെന്ന്‌ ഉറപ്പാ​കുന്ന സാഹച​ര്യ​ത്തിൽ, പഠനഭാ​ഗം എങ്ങനെ തയ്യാറാ​കാ​മെന്ന്‌ വിദ്യാർഥിക്ക്‌ കാണി​ച്ചു​കൊ​ടു​ക്കാം. പല വിദ്യാർഥി​ക​ളു​ടെ​യും കാര്യ​ത്തിൽ, ഒരുമി​ച്ചി​രുന്ന്‌ ഒരു അധ്യായം മുഴുവൻ തയ്യാറാ​കു​ന്നത്‌ ഗുണക​ര​മാ​യി​രി​ക്കും.

² ഉത്തരത്തിന്‌ അടിവ​ര​യി​ടുക, കുറി​പ്പു​കൾ എഴുതുക: പുസ്‌ത​ക​ത്തിൽ കാണുന്ന ചോദ്യ​ങ്ങൾക്ക്‌ നേരി​ട്ടുള്ള ഉത്തരം എങ്ങനെ കണ്ടെത്താ​മെന്ന്‌ കാണി​ച്ചു​കൊ​ടു​ക്കുക. നിങ്ങളു​ടെ സ്വന്തം കോപ്പി​യിൽ നിങ്ങൾ എങ്ങനെ​യാണ്‌ പ്രസക്ത​മായ വാക്കുകൾ അല്ലെങ്കിൽ വാചകങ്ങൾ അടയാ​ള​പ്പെ​ടു​ത്തി​യി​രി​ക്കു​ന്നത്‌ എന്നു കാണി​ക്കുക. ഉത്തരങ്ങൾ പിന്നീട്‌ ഓർത്തെ​ടു​ക്കാൻ സാധി​ക്കു​മാറ്‌ പ്രസക്ത​മായ വാക്കു​ക​ളോ വാചക​ങ്ങ​ളോ സ്വന്തം പുസ്‌ത​ക​ത്തിൽ അടയാ​ള​പ്പെ​ടു​ത്താൻ വിദ്യാർഥിക്ക്‌ അതൊരു പ്രോ​ത്സാ​ഹ​ന​മാ​കും. (ലൂക്കോ. 6:40) ഉത്തരങ്ങൾ സ്വന്തവാ​ക്കു​ക​ളിൽ പറയാൻ വിദ്യാർഥി​യോട്‌ ആവശ്യ​പ്പെ​ടുക. പഠിക്കുന്ന കാര്യങ്ങൾ അദ്ദേഹ​ത്തിന്‌ എത്ര​ത്തോ​ളം മനസ്സി​ലാ​കു​ന്നു​ണ്ടെന്നു കാണാൻ അതു നിങ്ങളെ സഹായി​ക്കും.

³ പരാമർശി​ക്കു​ക​മാ​ത്രം ചെയ്‌തി​രി​ക്കുന്ന തിരു​വെ​ഴു​ത്തു​കൾ ശ്രദ്ധാ​പൂർവം പരി​ശോ​ധി​ക്കു​ന്നത്‌ തയ്യാറാ​ക​ലി​ന്റെ ഭാഗമാണ്‌. (പ്രവൃ. 17:11) ആ ഓരോ തിരു​വെ​ഴു​ത്തും ഖണ്ഡിക​യി​ലെ ഏതെങ്കി​ലും ഒരു ആശയത്തെ പിന്താ​ങ്ങു​ന്നു​ണ്ടെന്ന്‌ വിദ്യാർഥിക്ക്‌ പറഞ്ഞു​കൊ​ടു​ക്കുക. പുസ്‌ത​ക​ത്തി​ന്റെ മാർജി​നിൽ ഹ്രസ്വ​മായ കുറി​പ്പു​കൾ എഴുതേണ്ട വിധവും കാണി​ച്ചു​കൊ​ടു​ക്കുക. അധ്യയ​ന​ത്തി​ന്റെ അടിസ്ഥാ​നം ബൈബി​ളാ​ണെന്ന വസ്‌തുത എപ്പോ​ഴും ഊന്നി​പ്പ​റ​യണം. അധ്യയ​ന​സ​മ​യത്ത്‌ അഭി​പ്രാ​യങ്ങൾ പറയു​മ്പോൾ ആ തിരു​വെ​ഴു​ത്തു​ക​ളി​ലെ ആശയങ്ങൾ ഉൾപ്പെ​ടു​ത്താൻ വിദ്യാർഥി​യെ പ്രോ​ത്സാ​ഹി​പ്പി​ക്കുക.

⁴ അവലോ​കനം, പുനര​വ​ലോ​കനം: വിദ്യാർഥി, പാഠഭാ​ഗം വിശദ​മാ​യി തയ്യാറാ​കു​ന്ന​തി​നു​മുമ്പ്‌ വിഷയ​ത്തെ​ക്കു​റിച്ച്‌ ഒരു ആകമാന വീക്ഷണം നേടു​ന്നത്‌ നന്നായി​രി​ക്കും. ഇതിനാ​യി അദ്ദേഹ​ത്തിന്‌ അധ്യാ​യ​ത്തി​ന്റെ ശീർഷ​ക​വും ഉപശീർഷ​ക​ങ്ങ​ളും അതിലെ ചിത്ര​ങ്ങ​ളും ഹ്രസ്വ​മാ​യി അവലോ​കനം ചെയ്യാ​നാ​കു​മെന്ന്‌ പറഞ്ഞു​കൊ​ടു​ക്കുക. അതു​പോ​ലെ, പാഠഭാ​ഗം നന്നായി തയ്യാറാ​യ​ശേഷം അൽപ്പസ​മ​യ​മെ​ടുത്ത്‌ അതിലെ പ്രധാന ആശയങ്ങൾ—പുനര​വ​ലോ​കന ചോദ്യ​ങ്ങൾ ഉണ്ടെങ്കിൽ അത്‌—പരിചി​ന്തി​ക്കാൻ പ്രോ​ത്സാ​ഹി​പ്പി​ക്കുക. ഇതെല്ലാം വിവരങ്ങൾ വിദ്യാർഥി​യു​ടെ മനസ്സിൽ പതിയാൻ ഇടയാ​ക്കും.

⁵ അധ്യയ​ന​ത്തി​നാ​യി നല്ലവണ്ണം തയ്യാറാ​കാൻ വിദ്യാർഥി​യെ പരിശീ​ലി​പ്പി​ക്കു​മ്പോൾ സഭാ​യോ​ഗ​ങ്ങ​ളി​ലും നന്നായി പങ്കുപ​റ്റാൻ അദ്ദേഹ​ത്തി​നു സാധി​ക്കും. നല്ല പഠനശീ​ലം വളർത്തി​യെ​ടു​ക്കാ​നും അത്‌ വിദ്യാർഥി​യെ സഹായി​ക്കും. അതാകട്ടെ, അദ്ദേഹ​ത്തിന്‌ എക്കാല​വും പ്രയോ​ജനം ചെയ്യും.