ഒരു നല്ല അധ്യാ​പ​ക​നു​വേണ്ട അനിവാ​ര്യ ഗുണം

1. ഒരു നല്ല അധ്യാ​പ​ക​നു​വേണ്ട അനിവാ​ര്യ ഗുണം ഏതാണ്‌?

¹ ഒരു നല്ല ബൈബിൾ അധ്യാ​പ​ക​നാ​യി​രി​ക്കാൻ ഒരുവനെ പ്രാപ്‌ത​നാ​ക്കു​ന്നത്‌ എന്താണ്‌? ലൗകിക വിദ്യാ​ഭ്യാ​സ​മാ​ണോ? ആത്മീയ അനുഭ​വ​സ​മ്പ​ത്താ​ണോ? നൈസർഗിക കഴിവു​ക​ളാ​ണോ? ഇതൊ​ന്നു​മല്ല എന്നാണ്‌ ഉത്തരം. മറിച്ച്‌, അത്‌ ഒരു ഗുണമാണ്‌. മുഴു​ന്യാ​യ​പ്ര​മാ​ണ​ത്തി​ന്റെ​യും സാരാം​ശം എന്നു വിളി​ക്കാ​വുന്ന, യേശു​വി​ന്റെ ശിഷ്യ​ന്മാ​രെ തിരി​ച്ച​റി​യി​ക്കുന്ന, യഹോ​വ​യു​ടെ പ്രമുഖ ഗുണങ്ങ​ളിൽ ഏറ്റവും ഉത്‌കൃ​ഷ്ട​മായ സ്‌നേഹം എന്ന ഗുണം. (യോഹ. 13:35; ഗലാ. 5:14; 1 യോഹ. 4:8) അതെ, നല്ല അധ്യാ​പകർ സ്‌നേഹം എന്ന ഗുണം പ്രകടി​പ്പി​ക്കു​ന്ന​വ​രാ​യി​രി​ക്കും.

2. നാം ആളുകളെ സ്‌നേ​ഹി​ക്കേ​ണ്ടത്‌ അനിവാ​ര്യ​മാ​യി​രി​ക്കു​ന്നത്‌ എന്തു​കൊണ്ട്‌?

² ആളുകളെ സ്‌നേ​ഹി​ക്കുക: മഹാഗു​രു​വായ യേശു ആളുകളെ സ്‌നേ​ഹി​ച്ചു. അവൻ കാണിച്ച ആ സ്‌നേഹം അവനെ ശ്രദ്ധി​ക്കാൻ ആളുകളെ പ്രേരി​പ്പി​ച്ചു. (ലൂക്കോ. 5:12, 13; യോഹ. 13:1; 15:13) ആളുക​ളെ​ക്കു​റിച്ച്‌ ചിന്തയു​ള്ള​വ​രാ​ണെ​ങ്കിൽ, സാക്ഷീ​ക​രി​ക്കാൻ ലഭിക്കുന്ന ഒരവസ​ര​വും നാം പാഴാ​ക്കില്ല; പീഡന​മോ നിസ്സം​ഗ​ത​യോ നമു​ക്കൊ​രു പ്രതി​ബ​ന്ധ​മാ​കില്ല. ആളുക​ളോ​ടു സ്‌നേഹം ഉണ്ടെങ്കിൽ ഓരോ വ്യക്തി​യി​ലും നാം ആത്മാർഥ താത്‌പ​ര്യം പ്രകടി​പ്പി​ക്കും; അവരുടെ ആകുല​ത​ക​ളെ​യും ഉത്‌ക​ണ്‌ഠ​ക​ളെ​യും കണക്കി​ലെ​ടു​ത്തു​കൊണ്ട്‌ അനു​യോ​ജ്യ​മായ വിധത്തിൽ നാം സന്ദേശം അവതരി​പ്പി​ക്കും. ഓരോ ബൈബിൾ വിദ്യാർഥി​യെ​യും നന്നായി പഠിപ്പി​ക്കാൻ മാത്രമല്ല, പാഠഭാ​ഗങ്ങൾ നന്നായി തയ്യാറാ​കാ​നും നാം സമയം നീക്കി​വെ​ക്കും.

3. ബൈബിൾ സത്യങ്ങ​ളോ​ടുള്ള സ്‌നേഹം ശുശ്രൂ​ഷ​യിൽ നമ്മെ എങ്ങനെ സഹായി​ക്കും?

³ സത്യത്തെ സ്‌നേ​ഹി​ക്കുക: ദൈവ​വ​ച​ന​ത്തി​ല​ട​ങ്ങി​യി​ട്ടുള്ള സത്യങ്ങ​ളെ​യും യേശു സ്‌നേ​ഹി​ച്ചു. അമൂല്യ നിധി​ക​ളാ​യി​ട്ടാണ്‌ അവൻ അവയെ വീക്ഷി​ച്ചത്‌. (മത്താ. 13:52) സത്യത്തെ സ്‌നേ​ഹി​ക്കു​ന്നെ​ങ്കിൽ ഉത്സാഹ​ത്തോ​ടെ​യാ​യി​രി​ക്കും നാം അതേക്കു​റി​ച്ചു സംസാ​രി​ക്കു​ന്നത്‌. നമ്മുടെ ശ്രോ​താ​ക്ക​ളെ​യും അത്‌ ഉത്സാഹ​ഭ​രി​ത​രാ​ക്കും. നമ്മുടെ പരിമി​തി​ക​ളിൽ ശ്രദ്ധ കേന്ദ്രീ​ക​രി​ക്കു​ന്ന​തി​നു​പ​കരം നാം പകർന്നു​നൽകുന്ന വിലപ്പെട്ട വിവര​ങ്ങ​ളിൽ ശ്രദ്ധ പതിപ്പി​ക്കാൻ ആ സ്‌നേഹം നമ്മെ സഹായി​ക്കും. അപ്പോൾ, പരി​ഭ്ര​മ​മി​ല്ലാ​തെ ശുശ്രൂഷ നിർവ​ഹി​ക്കാൻ നമുക്കു സാധി​ക്കും.

4. സ്‌നേഹം എന്ന ഗുണം എങ്ങനെ വളർത്തി​യെ​ടു​ക്കാം?

⁴ സ്‌നേഹം വളർത്തി​യെ​ടു​ക്കുക: നമുക്ക്‌ എങ്ങനെ ആളുക​ളോട്‌ സ്‌നേഹം വളർത്തി​യെ​ടു​ക്കാം? യഹോ​വ​യും അവന്റെ പുത്ര​നും നമ്മോടു കാണി​ച്ചി​രി​ക്കുന്ന സ്‌നേ​ഹ​ത്തെ​ക്കു​റി​ച്ചും നമ്മുടെ പ്രദേ​ശ​ത്തുള്ള ആളുക​ളു​ടെ പരിതാ​പ​ക​ര​മായ ആത്മീയാ​വ​സ്ഥ​യെ​ക്കു​റി​ച്ചും ചിന്തി​ക്കുക. (മർക്കോ. 6:34; 1 യോഹ. 4:10, 11) മുടക്കം​കൂ​ടാ​തെ വ്യക്തി​പ​ര​മാ​യി ദൈവ​വ​ചനം പഠിക്കു​ക​യും പഠിച്ച കാര്യ​ങ്ങ​ളെ​ക്കു​റിച്ച്‌ ആഴത്തിൽ ചിന്തി​ക്കു​ക​യും ചെയ്യു​മ്പോൾ ബൈബി​ളി​ലെ സത്യങ്ങ​ളോ​ടുള്ള നമ്മുടെ സ്‌നേ​ഹ​ത്തി​ന്റെ തീവ്രത വർധി​ക്കും. സ്‌നേഹം എന്ന ഗുണം ആത്മാവി​ന്റെ ഫലത്തിന്റെ ഒരു സവി​ശേ​ഷ​ത​യാണ്‌. (ഗലാ. 5:22) അതു​കൊണ്ട്‌, പരിശു​ദ്ധാ​ത്മാ​വി​നാ​യും സ്‌നേ​ഹ​ത്തിൽ വളർന്നു​വ​രാ​നുള്ള സഹായ​ത്തി​നാ​യും യഹോ​വ​യോ​ടു നാം പ്രാർഥി​ക്കണം. (ലൂക്കോ. 11:13; 1 യോഹ. 5:14) അതെ, ലൗകിക വിദ്യാ​ഭ്യാ​സ​മോ ആത്മീയ അനുഭ​വ​സ​മ്പ​ത്തോ നൈസർഗിക കഴിവു​ക​ളോ ഒന്നുമല്ല നമ്മെ ഫലപ്രാ​പ്‌തി​യുള്ള ബൈബിൾ അധ്യാ​പ​ക​രാ​ക്കു​ന്നത്‌, മറിച്ച്‌ സ്‌നേഹം എന്ന ഗുണമാണ്‌.