ചോദ്യ​പ്പെ​ട്ടി

◼ ഒരു വ്യക്തിക്ക്‌ പ്രസി​ദ്ധീ​ക​രണം നൽകണ​മോ വേണ്ടയോ എന്നു നിർണ​യി​ക്കാ​നുള്ള മാനദണ്ഡം എന്താണ്‌?

വ്യക്തി​യു​ടെ താത്‌പ​ര്യ​മാണ്‌ കണക്കി​ലെ​ടു​ക്കേണ്ട പ്രധാന ഘടകം. അദ്ദേഹം താത്‌പ​ര്യം കാണി​ക്കു​ന്ന​പക്ഷം രണ്ടുമാ​സി​ക​യോ ഒരു ലഘുപ​ത്രി​ക​യോ ഒരു പുസ്‌ത​ക​മോ മറ്റേ​തെ​ങ്കി​ലും പ്രസി​ദ്ധീ​ക​ര​ണ​മോ സമർപ്പി​ക്കാം. ഇനി, ലോക​വ്യാ​പക വേലയ്‌ക്ക്‌ സംഭാവന നൽകാൻ അദ്ദേഹ​ത്തി​നു കഴിയി​ല്ലെ​ങ്കിൽപ്പോ​ലും താത്‌പ​ര്യ​മു​ണ്ടെ​ങ്കിൽ നാം പ്രസി​ദ്ധീ​ക​ര​ണങ്ങൾ നൽകും. (ഇയ്യോ. 34:19; വെളി. 22:17) എന്നാൽ, നമ്മുടെ പ്രസി​ദ്ധീ​ക​ര​ണ​ങ്ങ​ളോ​ടു വിലമ​തി​പ്പി​ല്ലാ​ത്ത​വർക്ക്‌ നാം അവ നൽകില്ല.—മത്താ. 7:6.

വീട്ടു​കാ​രന്‌ താത്‌പ​ര്യ​മു​ണ്ടോ എന്ന്‌ എങ്ങനെ മനസ്സി​ലാ​ക്കാം? നമ്മോടു സംസാ​രി​ക്കാൻ ആ വ്യക്തി സന്നദ്ധത കാണി​ക്കു​ന്നെ​ങ്കിൽ അദ്ദേഹ​ത്തിന്‌ താത്‌പ​ര്യ​മു​ണ്ടെന്നു മനസ്സി​ലാ​ക്കാം. നാം സംസാ​രി​ക്കു​മ്പോൾ ശ്രദ്ധി​ക്കു​ക​യും ചോദ്യ​ങ്ങൾക്ക്‌ മറുപടി പറയു​ക​യും അഭി​പ്രാ​യങ്ങൾ തുറന്നു​പ​റ​യു​ക​യും ചെയ്യുന്ന ഒരു വ്യക്തി നാം പറയുന്ന കാര്യ​ങ്ങ​ളിൽ തത്‌പ​ര​നാ​ണെന്നു വ്യക്തം. നാം തിരു​വെ​ഴു​ത്തു​കൾ വായി​ക്കു​മ്പോൾ ശ്രദ്ധി​ച്ചു​കേൾക്കു​ന്നത്‌ ആ വ്യക്തിക്ക്‌ ദൈവ​വ​ച​ന​ത്തോട്‌ ആദരവു​ണ്ടെ​ന്ന​തി​ന്റെ തെളി​വാ​യി​രി​ക്കും. ഇനി, പ്രസി​ദ്ധീ​ക​രണം വായി​ക്കാൻ താത്‌പ​ര്യ​മു​ണ്ടോ എന്നു നേരിട്ടു ചോദി​ക്കു​ന്ന​തും നല്ലതാണ്‌. ഒരു വ്യക്തിക്ക്‌ താത്‌പ​ര്യ​മു​ണ്ടോ എന്നു നിർണ​യി​ക്കു​ന്ന​തിൽ പ്രസാ​ധകർ നല്ല ന്യായ​ബോ​ധം പ്രകട​മാ​ക്കണം. ഉദാഹ​ര​ണ​ത്തിന്‌ തെരുവു സാക്ഷീ​ക​രണം നടത്തു​മ്പോൾ, കടന്നു​പോ​കുന്ന എല്ലാവർക്കും പ്രസി​ദ്ധീ​ക​ര​ണങ്ങൾ നൽകു​ന്നത്‌ ഉചിത​മാ​യി​രി​ക്കില്ല. ആകട്ടെ, ഒരു വ്യക്തിക്ക്‌ താത്‌പ​ര്യ​മു​ണ്ടോ എന്നു മനസ്സി​ലാ​ക്കാൻ നമുക്കു കഴിയു​ന്നി​ല്ലെ​ങ്കി​ലോ? അത്തരം സാഹച​ര്യ​ങ്ങ​ളിൽ ഒരു ഹാൻഡ്‌ ബില്ലോ ലഘു​ലേ​ഖ​യോ നൽകാ​വു​ന്ന​താണ്‌.

സാഹിത്യ കൗണ്ടറിൽനി​ന്നു പ്രസി​ദ്ധീ​ക​ര​ണങ്ങൾ എടുക്കുന്ന കാര്യ​ത്തി​ലും ശ്രദ്ധ​വേണം. നമുക്ക്‌ എത്ര സംഭാവന നൽകാൻ കഴിയും എന്നതിന്റെ അടിസ്ഥാ​ന​ത്തി​ലല്ല, മറിച്ച്‌ ശുശ്രൂ​ഷ​യിൽ എത്ര​യെണ്ണം ആവശ്യ​മുണ്ട്‌ എന്നതിന്റെ അടിസ്ഥാ​ന​ത്തി​ലാ​യി​രി​ക്കണം നാം പ്രസി​ദ്ധീ​ക​ര​ണങ്ങൾ എടു​ക്കേ​ണ്ടത്‌. പ്രസി​ദ്ധീ​ക​ര​ണ​ങ്ങ​ളു​ടെ വിലയാ​യി​ട്ടല്ല നാം സംഭാ​വ​നകൾ നൽകു​ന്നത്‌; പിന്നെ​യോ, ലോക​വ്യാ​പക പ്രസം​ഗ​വേ​ല​യിൽ ഉൾപ്പെ​ട്ടി​രി​ക്കുന്ന എല്ലാ പ്രവർത്ത​ന​ങ്ങ​ളെ​യും പിന്തു​ണ​യ്‌ക്കു​ന്ന​തി​നു​വേ​ണ്ടി​യാണ്‌. വിലമ​തി​പ്പു​ണ്ടെ​ങ്കിൽ, നമ്മുടെ ഇല്ലായ്‌മ​യിൽനി​ന്നു​പോ​ലും സംഭാ​വ​നകൾ നൽകാൻ നാം തയ്യാറാ​കും. (മർക്കോ. 12:41-44; 2 കൊരി. 9:7) മാത്രമല്ല, ആവശ്യ​ത്തി​നു​മാ​ത്രം പ്രസി​ദ്ധീ​ക​ര​ണങ്ങൾ എടുത്തു​കൊണ്ട്‌ സഹോ​ദ​രങ്ങൾ നൽകുന്ന സംഭാ​വ​നകൾ പാഴാ​ക്കാ​തി​രി​ക്കാ​നും നാം ശ്രദ്ധി​ക്കും.

[2-ാം പേജിലെ ആകർഷക വാക്യം]

ഒരു വ്യക്തിക്ക്‌ താത്‌പ​ര്യ​മു​ണ്ടോ എന്നു നിർണ​യി​ക്കു​ന്ന​തിൽ പ്രസാ​ധകർ നല്ല ന്യായ​ബോ​ധം പ്രകട​മാ​ക്ക​ണം