തിരു​വെ​ഴു​ത്തു​കൾ ശുഷ്‌കാ​ന്തി​യോ​ടെ പഠിക്കുന്ന ഒരാളാ​കാൻ എങ്ങനെ കഴിയും?

പരി​ശോ​ധ​ന​ക​ളു​ണ്ടാ​കു​മ്പോൾ ദാനി​യേ​ലി​നെ​പ്പോ​ലെ വിശ്വ​സ്‌ത​നാ​യി​രി​ക്കാൻ നിങ്ങൾ ആഗ്രഹി​ക്കു​ന്നി​ല്ലേ? ദാനി​യേൽ ദൈവ​വ​ചനം പഠിക്കു​ന്ന​തിൽ ശുഷ്‌കാ​ന്തി​യു​ള്ള​വ​നാ​യി​രു​ന്നു. അതിൽ ഗഹനമായ പ്രവച​ന​ങ്ങ​ളും ഉൾപ്പെ​ട്ടി​രു​ന്നു. (ദാനി 9:2) ശുഷ്‌കാ​ന്തി​യോ​ടെ ബൈബിൾ പഠിക്കു​ന്നതു വിശ്വ​സ്‌ത​രാ​യി തുടരാൻ നിങ്ങ​ളെ​യും സഹായി​ക്കും. എങ്ങനെ? യഹോ​വ​യു​ടെ വാഗ്‌ദാ​ന​ങ്ങ​ളെ​ല്ലാം സത്യമാ​യി​ത്തീ​രു​മെന്ന നിങ്ങളു​ടെ വിശ്വാ​സം അതു വർധി​പ്പി​ക്കും. (യോശ 23:14) ദൈവ​ത്തോ​ടുള്ള നിങ്ങളു​ടെ സ്‌നേഹം ആഴമു​ള്ള​താ​കാൻ അതു സഹായി​ക്കും. അങ്ങനെ ശരിയാ​യതു ചെയ്യാൻ നിങ്ങൾ പ്രചോ​ദി​ത​രാ​കും. (സങ്ക 97:10) പക്ഷേ എവിടെ തുടങ്ങും? പിൻവ​രുന്ന നിർദേ​ശങ്ങൾ പരിചി​ന്തി​ക്കുക.

• ഞാൻ എന്തു പഠിക്കണം? നല്ല ഒരു പഠനശീ​ല​ത്തിൽ യോഗ​ങ്ങൾക്കു തയ്യാറാ​കു​ന്നത്‌ ഉൾപ്പെ​ടു​ന്നു. ഓരോ ആഴ്‌ച​ത്തേ​ക്കു​മുള്ള ബൈബിൾവാ​യ​നാ​ഭാ​ഗം വായി​ക്കു​മ്പോൾ മനസ്സി​ലാ​കാത്ത ആശയങ്ങ​ളെ​ക്കു​റിച്ച്‌ ഗവേഷണം ചെയ്യുക. അതു വായന​യിൽനിന്ന്‌ കൂടുതൽ പ്രയോ​ജനം നേടാൻ സഹായി​ക്കും. കൂടാതെ, മറ്റു വിഷയ​ങ്ങ​ളും പഠിക്കാ​നാ​യി തിര​ഞ്ഞെ​ടു​ക്കാം. ബൈബിൾപ്ര​വ​ച​നങ്ങൾ, ദൈവാ​ത്മാ​വി​ന്റെ ഫലത്തിന്റെ വിവിധ വശങ്ങൾ, പൗലോസ്‌ അപ്പോ​സ്‌ത​ലന്റെ മിഷന​റി​യാ​ത്രകൾ, യഹോ​വ​യു​ടെ സൃഷ്ടി​ക്രി​യകൾ എന്നിവയാണു ചിലർ പഠനവി​ഷ​യ​ങ്ങ​ളാ​ക്കി​യി​രി​ക്കു​ന്നത്‌. ഇനി, എപ്പോ​ഴെ​ങ്കി​ലും നിങ്ങളു​ടെ മനസ്സി​ലേക്ക്‌ ഒരു ബൈബിൾചോ​ദ്യം വരു​ന്നെ​ന്നി​രി​ക്കട്ടെ. അത്‌ എഴുതി​വെ​ച്ചിട്ട്‌, പഠനത്തി​നാ​യി മാറ്റി​വെ​ച്ചി​രി​ക്കുന്ന സമയത്ത്‌ അതെക്കു​റിച്ച്‌ നിങ്ങൾക്കു പഠിക്കാൻ കഴിയും.

• വിവരങ്ങൾ എനിക്ക്‌ എവി​ടെ​നിന്ന്‌ കണ്ടെത്താം? അതിനുള്ള ചില നിർദേ​ശ​ങ്ങൾക്കാ​യി ആത്മീയ​നി​ധി​കൾ കണ്ടെത്താൻ സഹായി​ക്കുന്ന ഗവേഷ​ണോ​പ​ക​ര​ണങ്ങൾ എന്ന വീഡി​യോ കാണുക. ഒരു കാര്യം ചെയ്യൂ: ദാനി​യേൽ 7-ാം അധ്യാ​യ​ത്തിൽ പറഞ്ഞി​രി​ക്കുന്ന മൃഗങ്ങൾ ഏതു ലോക​ശ​ക്തി​ക​ളെ​യാ​ണു പ്രതീ​ക​പ്പെ​ടു​ത്തു​ന്ന​തെന്നു കണ്ടുപി​ടി​ക്കുക. അങ്ങനെ ഗവേഷണം ചെയ്യു​ന്ന​തിൽ നിങ്ങൾക്കുള്ള വൈദ​ഗ്‌ധ്യ​മൊ​ന്നു പരി​ശോ​ധി​ക്കാ​വു​ന്ന​താണ്‌.

• പഠനത്തി​നാ​യി ഞാൻ എത്ര​ത്തോ​ളം സമയം നീക്കി​വെ​ക്കണം? ആത്മീയ ആരോ​ഗ്യ​ത്തി​നു ക്രമമായ പഠനം കൂടിയേ തീരൂ. തുടക്ക​ത്തിൽ കുറച്ച്‌ സമയമേ പഠിക്കാൻ കഴിയു​ന്നു​ള്ളു​വെ​ങ്കി​ലും പഠിച്ചു​തു​ട​ങ്ങുക. പിന്നീട്‌ പതുക്കെ സമയ​ദൈർഘ്യം കൂട്ടാം. ദൈവ​ത്തി​ന്റെ വചനം പഠിക്കു​ന്നതു മറഞ്ഞി​രി​ക്കുന്ന നിധി കുഴി​ച്ചെ​ടു​ക്കു​ന്ന​തു​പോ​ലെ​യാണ്‌. നിധി കിട്ടും​തോ​റും പിന്നെ​യും​പി​ന്നെ​യും കുഴി​ക്കാൻ തോന്നും. (സുഭ 2:3-6) അങ്ങനെ ദൈവ​വ​ചനം പഠിക്കാ​നുള്ള വാഞ്‌ഛ വർധി​ക്കും, ക്രമമായ ബൈബിൾപ​ഠനം നിങ്ങളു​ടെ ദൈനം​ദി​ന​ജീ​വി​ത​ത്തി​ന്റെ ഭാഗമാ​യി തുടരും.—1പത്ര 2:2.

ദാനിയേൽ 7-ാം അധ്യാ​യ​ത്തിൽ പറഞ്ഞി​രി​ക്കുന്ന മൃഗങ്ങൾ ഏതു ലോക​ശ​ക്തി​ക​ളെ​യാ​ണു പ്രതീ​ക​പ്പെ​ടു​ത്തു​ന്നത്‌?

• 

  ദാനി 7:4

• 

  ദാനി 7:5

• 

  ദാനി 7:6

• 

  ദാനി 7:7

മറ്റൊരു ചോദ്യം:

ദാനിയേൽ 7:8, 24 നിവൃ​ത്തി​യേ​റി​യത്‌ എങ്ങനെ?

അടുത്ത പഠനവി​ഷയം:

വെളിപാട്‌ 13-ാം അധ്യാ​യ​ത്തി​ലെ മൃഗങ്ങൾ എന്തിനെ പ്രതീ​ക​പ്പെ​ടു​ത്തു​ന്നു?