യോഹ​ന്നാൻ സ്‌നാ​പ​കന്റെ വസ്‌ത്ര​ധാ​ര​ണ​വും രൂപവും

ഒട്ടക​രോ​മം​കൊണ്ട്‌ നെയ്‌ത വസ്‌ത്ര​മാ​ണു യോഹ​ന്നാൻ ധരിച്ചി​രു​ന്നത്‌. അത്‌ ഒരു അരപ്പട്ട​കൊണ്ട്‌ മുറുക്കി കെട്ടു​ക​യും ചെയ്‌തി​രു​ന്നു. ചില ചെറിയ വസ്‌തു​ക്ക​ളൊ​ക്കെ ആ അരപ്പട്ട​യിൽ വെച്ച്‌ കൊണ്ടു​പോ​കാ​മാ​യി​രു​ന്നു. ഏലിയ പ്രവാ​ച​കന്റെ വസ്‌ത്ര​വും ഏതാണ്ട്‌ ഇതു​പോ​ലെ​യാ​യി​രു​ന്നു. (2രാജ 1:8) ഒട്ടക​രോ​മം​കൊ​ണ്ടുള്ള പരുപ​രുത്ത ഇത്തരം വസ്‌ത്രങ്ങൾ സാധാ​ര​ണ​യാ​യി പാവ​പ്പെ​ട്ട​വ​രാ​ണു ധരിച്ചി​രു​ന്നത്‌. സമ്പന്നരാ​കട്ടെ, ലിനനോ പട്ടോ കൊണ്ട്‌ ഉണ്ടാക്കിയ മിനു​സ​വും മാർദ​വ​വും ഉള്ള വസ്‌ത്ര​ങ്ങ​ളാണ്‌ അണിഞ്ഞി​രു​ന്നത്‌. (മത്ത 11:7-9) ജനിച്ച​പ്പോൾമു​തലേ യോഹ​ന്നാൻ ഒരു നാസീ​രാ​യി​രു​ന്ന​തു​കൊണ്ട്‌ അദ്ദേഹ​ത്തി​ന്റെ മുടി ഒരിക്ക​ലും മുറി​ച്ചു​കാ​ണില്ല. അദ്ദേഹം പൂർണ​മാ​യും ദൈ​വേഷ്ടം ചെയ്യാൻ സമർപ്പിച്ച, ലളിത​ജീ​വി​തം നയിക്കുന്ന ഒരാളാ​ണെന്ന്‌ ഒരുപക്ഷേ ആ വസ്‌ത്ര​ധാ​ര​ണ​വും രൂപവും കണ്ടാൽത്തന്നെ ആർക്കും മനസ്സി​ലാ​കു​മാ​യി​രു​ന്നു.